Sot si asnjëherë më parë ka sallone të ndryshme të bukurisë, ku mund të rregulloni flokët edhe duke i ngjyrosur. Por jo të gjithë e kanë këtë mundësi ta bëjnë çdo 2-3 muaj.

Andaj, zgjidhje mbetët ngjyrosja e flokëve në shtëpi.

Në tregun online gjeni shumë lloje të ngjyrave, duke filluar nga pak më shumë se 2 euro e deri në mbi 12 dhe platforma SaKushton ka analizuar e krahasuar çmimet e tyre.

Ngjyrat më të lira i gjeni në dyqanin online PemaMall. Ofrohen ngjyrat e brendit Garnier dhe për 2.98 euro mund të zgjidhni disa lloj ngjyrash, si e kaftë e artë e lehtë (numri 5.3), e kaftë e hapur (5), e kaftë (4), e kaftë e errët (3), e kaftë e hapur e thellë (5.01), qershi (4.62), e kuqe (3.61), e zezë në të kaltër (2.1), e zezë (1).

Për 3.8 euro, në këtë dyqan mund të porositni ngjyrën Color Naturals 110 Extra Ligh. Është po ashtu brend Garnier.

Edhe në Gjirafa50, gjeni ngjyrat e brendit Garnier për 2.98 euro.

Në Gjirafa50, për 5.99 euro gjeni ngjyrat e brendit Indola. Ofrohen disa lloj ngjyrash me vëllim të paketimit 60 ml.

Në këtë dyqan ofrohen edhe ngjyrat e brendit të njohur Schwarzkopf Igora Royal. Paketimi po ashtu ka vëllim 60 ml.

Në Begmart, mund të blini ngjyrën italiane L’Erbolario. Copa kushton 9.8 euro dhe ofrohen ngjyrat kanë, gështenjë dhe kamomilë.

Dhe ngjyrën më të shtrenjtë e gjeni në Gjirafa50. Nëse zgjidhni ngjyrën e brendit Wella Professional Koleston, atëherë duhet të ndani 12.78 euro.

Për të parë më shumë, kliko KËTU