Nuk është prej ushqimeve të shëndetshme, por është i shijshëm dhe shumë i popullarizuar. Bëhet fjalë për patatet e skuqura apo pomfritin, që lehtësisht i bëni edhe në shtëpi.

E gjitha që ju duhet është një fritezë dhe platforma SaKushton ka krahasuar çmimet në tregun online. E në fritezë mund të përgatisni edhe ushqime të tjera.

Fritezën më të lirë mund ta porosisni në Gjirafa50. Është brend kroat VIVAX, që prodhohet në Kinë dhe kushton 32 euro.

Fritezë të lirë gjeni edhe në Aztech. Friteza e brendit Esperanxa kushton 39.99 euro. Është e hapur, që ngjason me ato profesionale që përdoren në restorante.

Në dyqanin eGjeta, fritezën më të liri e blini për 49.99 euro. Është Vivax me 1800 vat.

Në 75Mall, friteza më e lirë është ajo e brendit Gorenje. Ka 1400 vat dhe arrin nxehtësi të vajit deri në 200 gradë Celsius. Kushton 89.99 euro.

Friteza më e shtrenjtë në tregun online mund të blihet në Gjirafa50. Është e brendit Philips dhe kushton 243.67 euro.

Për të parë të gjitha llojet dhe çmimet e fritezave, kliko KËTU