Page 13 – SaKushton
main

Për çdo produkt që t'intereson,
munesh me kqyr sa kushton

Shfrytëzo subvencionimin e Qeverisë –zgjidh inverterin më të mirë

Posted on by Visar Loci

Nëse veç keni vendosur të ngroheni sivjet më rrymë, atëherë është koha e duhur për ta blerë pajisjen qysh tash.

Qeveria ka hapur thirrjen për subvencionim të pajisjeve efiçiente, e një ndër to është edhe inverteri, ose siç mund ta gjeni edhe me emrin klimë, pra që ngrohë dhe ftohë.

Subvencionimi shkon deri në 40 për qind të vlerës së përgjithshme. E gjitha që duhet të bëni, pasi ta keni blerë e montuar, faturën ta dorëzoni në institucionin përkatës dhe pas verifikimit, do të merrni 40=përqindëshin prapa.

Në tregun online ka shumë zgjidhje dhe platforma SaKushton ka analizuar e krahasuar çmimet e tyre.

Inverterin më të lirë e gjeni në dyqanin Aztech. Është i brendit Vivax, me fuqi 12.000 BTU apo siç njihet “12-sh”. Ka efiçiencë të energjisë 2 pluse për ftohje dhe një për ngrohje. Kushton, me zbritje, 349 euro. Vjen me garanci 2-vjeçare. Pasi të subvencionoheni, do t’ju bie 210 euro.

Për pak më shumë, në 75Mall mund të porosisni inverterin Hisense. Me zbritje mund ta merrni për 389 euro. Është “12-sh”.

E në dyqanin Foleja, mund të porosisni inverterin e brendit Samsung edhe me zbritje edhe me subvencionim nga Qeveria. Nga 599 euro, me zbritje mund ta merrni për 399 euro. E kur të subvencionoheni, inverteri do t’ju bie 240 euro. Është me 2 pluse për ftohje dhe me një për ngrohje.

Nëse kërkoni inverter “12-sh”, në GjirafaMall, e gjeni atë të brendit Bosch për 429 euro. Çmimi i rregullt është 599 euro.

Dhe inverteri më i shtrenjtë mund të porositet në Foleja. Është i brendit Samsung, me kapacitet 24.000 BTU ose “24-sh”. Për ftohje, klasa e energjisë është A++, kurse për ngrohje A+. Është me Wi-fi dhe me shumë mundësi të tjera.

Për të parë më shumë, kliko KËTU

Sako për femra – ku e gjeni më së liri

Posted on by Visar Loci

Ju duhet nëse shkoni në punë. Natyrisht nëse keni një punë në zyrë.

Po flasim për setra të femrave, apo edhe sako siç mund të haset ndokund.

Mund ta kombinoni me çkado, qoftë edhe me xhinse dhe në tregun online ka zgjidhje pafund.

Platforma SaKushton ka analizuar e krahasuar çmimet e tyre.

Setrën më të lirë e gjeni në dyqanin GjirafaMall. Është e brendit VeroModa dhe ofrohen ngjyra të ndryshme, si gjelbër e çelur, rozë dhe e zezë. Me zbritje mund ta porosisni për 27.99 euro. Është e gjatë, me hapje në formë të “V” para dhe me një pullë.

Në këtë dyqan, setra më e shtrenjtë kushton 32.49 euro. Është e gjelbër dhe e gjatë.

Sako gjeni edhe në dyqanin Foleja, bile shumë më shumë zgjidhje. Më e lira kushton 29.90 euro dhe është e brendit June. Është e shkurtër, deri në bel dhe e zezë me disa pulla përpara.

Në këtë dyqan ofrohet edhe sakoja më e shtrenjtë. Është e markës Patrizia Pepe, ngjyrë kafe me katrorë të çelët dhe kushton 178 euro.

Setra gjeni edhe në 75Mall. Më e lira është 44.95 euro, kurse më e shtrenjta 89.95 euro. As për njërën e as për tjetrën nuk është specifikuar marka.

Për të parë më shumë, kliko KËTU

Iphone 15 tashmë llogaritet model i vjetër – ku e gjeni me zbritje dhe më së liri

Posted on by Visar Loci

Adhuruesit e Iphonëve, normal kush i ka mundësitë, tashmë kanë mundësi t’i bëjnë porositë për modelin 16, që del në shitje më 20 shtator.

Dhe me daljen e Iphone 16 në shitje, modeli Iphone 15 llogaritet i vjetër. Megjithatë edhe ky model vlen dhe kushton, ndonëse mund të merret në shumë vende me zbritje.

Në tregun online ka goxha zgjidhje të Iphone 15 dhe platforma SaKushton ka analizuar e krahasuar çmimet e tyre.

Iphone 15 më i liri në treg mund të porositet në GjirafaMall. Nga 1,099.50 euro mund ta porosisni për 919.50 euro me zbritje. Ka ngjyrë rozë dhe të zezë dhe pajisja vjen me 6 GB Ram dhe 128 GB memorje të brendshme.

Në Gjirafa50, gjeni edhe ngjyrë të kaltër me të njëjtin çmim dhe specifika.

Në Neptun, modeli më i thjeshtë, pra ai Iphone 15, kushton 1.099 euro, por me kartelë të anëtarësisë mund ta merrni për 929 euro. Po ashtu ka 6 GB Ram dhe 128 GB memorje të brendshme. Ofrohen ngjyrat: e verdhë, e zezë dhe e gjelbër.

Iphone 15 ka edhe në Aztech, po ashtu me zbritje. Nga 1.119 euro mund ta porosisni për 949 euro. Ka 6 GB Ram dhe 128 GB memorje të brendshme.

Edhe dyqani Foleja ofron zbritje. Iphone 15 me 6 GB Ram dhe 128 GB memorje të brendshme kushton 968 euro, ndërkohë çmimi i rregullt është 1.129 euro. Ofrohen ngjyrat rozë, gjelbër dhe e zezë. Në fakt, në këtë dyqan janë edhe çmimet më të larta për Iphone 15.

Për të parë më shumë, kliko KËTU

Kravata të ndryshme – ku i gjeni më së liri

Posted on by Visar Loci

Nëse e kërkon vendi, atëherë patjetër duhet ta vëni. Vënia e kravatës apo e fluturës, pos që ju bën më me stil e më elegant, është edhe nderim për atë që ju ka ftuar.

Dhe në tregun online ka zgjidhje pa fund të kravatave.

Platforma SaKushton ka analizuar e krahasuar çmimet e tyre.

Kravatën më të lirë, apo edhe kollaren, quajeni si të doni, më së liri e gjeni në dyqanin Foleja. Është njëngjyrëshe, e kuqe e mbyllur dhe kushton 5.99 euro me zbritje, nga 8 euro sa është çmimi i rregullt. Kravata është e bendit DeFacto.

Për të njëjtin çmim thuajse, 6 euro, në këtë dyqan mund të porosisni kravatën flutur, apo fjongon. Edhe ajo është e kuqe dhe është e markës Emilio Romanelli.

Në këtë dyqan gjeni pafund zgjidhje të kravatave – njëngjyrëshe apo edhe me figura e dizajne të ndryshme.

Kravata gjeni edhe në dyqanin tjetër online, GjirafaMall. Më e lira kushton 19.99 euro me zbritje, nga 37.06 euro sa është çmimi i rregullt. Është e kuqe me pika të bardha dhe e brendit “N.Ties”. Vjen me kuti të veten, e bashkë me të falas vjen edhe një shami që mund ta vëni rreth qafës në raste.

Dhe kravatën më të shtrenjtë e gjeni në dyqanin Foleja. Është e markës Dolce Gabbana dhe me zbritje kushton 147 euro nga 160 euro sa është çmimi i rregullt. Është shumëngjyrëshe dhe e punuar nga mëndafshi.

Për të parë më shumë, kliko KËTU

Pajisje për matje të alkoolit në gjak – ku e gjeni më së liri

Posted on by Visar Loci

Dikush edhe mund të thotë çfarë duhen ato për një shtëpi, meqë është “mjet” i policisë.

Por ja që, derisa ofrohet në treg, edhe kërkohet.

Fjala është për pajisjen që teston nivelin e alkoolit në gjak duke fryrë.

Ju duhet për shembull, nëse jeni prindër t’ua matni fëmijëve tuaj se sa kanë pirë alkool.

Në treg ofrohen disa lloje nga disa dyqane dhe platforma SaKushton ka analizuar e krahasuar çmimet e tyre.

Pajisja më e lirë mund të porositet në Gjirafa50. Është e brendit Sencor dhe kushton 25.5 euro. Vjen me tre tuba për marrjen e “mostrës”, por tuba mund të blihen edhe veç – 10 copë 1.5 euro. Mat nga 0.1 deri në 4 mijë promila.

Në këtë dyqan gjeni edhe shumë llojeve të tjera, më të shtrenjta.

Matës të sasisë së alkoolit në gjak gjeni edhe në dyqanin Foleja. Më i liri mund të porositet për 66 euro me zbritje nga 72 euro. Testuesi është i markës Bacscan.

Në fakt në këtë dyqan gjeni edhe testuesin më të shtrenjtë. Është i brendit Alcolife dhe kushton 396 euro më zbritje nga 462 euro. Vjen me pesë tuba për përdorim.

Për të parë më shumë, kliko KËTU

Pasqyrë muri – ku e gjeni më së liri

Posted on by Visar Loci

Para se të dilni nga shtëpia, si rregull i pashkruar, “duhet” të shikoheni edhe një herë në pasqyrë për të parë si dukeni.

Nuk ka shtëpi mbase që nuk ka një pasqyrë muri, e nëse keni vendosur ta blini një të re, atëherë ka zgjidhje pa fund në tregun online.

Dizajne e forma të ndryshme, me çmime të lira, por edhe të tilla që shkojnë deri në mbi 600 euro.

Platforma SaKushton ka analizuar e krahasuar çmimet e tyre.

Pasqyrën e murit më të lirën e gjeni në Comodita. Kushton vetëm 8 euro. Është në formë rrethore me një kornizë të trashë. Ka diametër 50 cm dhe është e stilit të vjetër. Korniza duket si dru, por është nga plastika.

Në E-baa, pasqyra e murit më e lira kushton 14.90 euro. Ka një kornizë interesante që ngjan me karriget mbretërore.

Në 75Mall, pasqyra e murit më e lira kushton 59.90 euro. Është kënddrejtë, me kornizë druri. Ka gjerësi 54 cm dhe lartësi 80 cm.

Edhe në dyqanin Foleja gjeni shumë lloje. Më e lira pasqyrë e murit kushton 64 euro. Është e rrumbullakët. Por anash ka një shtesë druri ku mund të viret ndonjë pallto apo të vihet ndonjë çelës.

Pasqyra gjeni edhe në GjirafaMall, ndërkohë me shtrenjta mund të porositet në Foleja.

Është një pasqyrë muri kënddrejtë e brendit Yorkshire, me kornizë nga druri Teak i ricikluar. Me zbritje kushton 619 euro, derisa çmimi i rregullt është 1.199 euro.

Për të parë më shumë, kliko KËTU

Syze dielli – nga 10 deri në 500 euro gati

Posted on by Visar Loci

Vera ngadalë po ikën, por syzet e diellit nuk janë veç për këtë stinë. Ato mund të mbahen gjatë tërë vitit, qoftë për mbrojtje të syve, qoftë për stil.

Dhe në tregun online ka zgjidhje pa fund, duke nisur nga ato të lirat që mund të blihen për rreth 10 euro e deri në 500 euro gati.

Platforma SaKushton ka analizuar dhe krahasuar çmimet e tyre.

Syzet e diellit më të lira i gjeni në dyqanin online 75Mall. Janë me kornizë të plastikës, të ngjyrave  të ndryshme dhe të brendit Pokey. Janë për fëmijë dhe copa kushton 12 euro.

Në këtë dyqan, gjeni edhe syze për të rritur, po ashtu me kornizë të plastikës. Janë të brendit Force dhe me ngjyra të ndryshme. Copa kushton 19.90 euro.

Në dyqanin Foleja, syzet më të lira janë ato të brendit Timberland. Janë për çdo sezon, ngjyrë kafe dhe kushtojnë 25 euro.

Në këtë dyqan syzet e diellit më të shtrenjtat, kushtojnë 190 euro dhe janë të brendit Oakley, modeli Pitchman.

Shumë zgjidhje gjeni edhe në Gjirafa50 dhe GjirafaMall.

Më të lirat i gjeni në GjirafaMall. Janë të brendit Polaroid Sun dhe kushtojnë 37.49 euro.

Në këtë dyqan, mund të porosisni po ashtu edhe syzet më të shtrenjta, që janë të brendeve si Versace, Gucci, Balenciaga, Bottega Venetta e të tjera.

Më së shtrenjti janë ato të Bottegas. Janë për femra, të zeza dhe kushtojnë 417.60 euro.

Për të parë më shumë, kliko KËTU

Xhinse të brendeve të ndryshme – ku i gjeni më së liri

Posted on by Visar Loci

Tash që i nxehti i madh po ikën, është koha t’u kthehemi, për shembull xhinseve.

Në tregun online ka me dhjetëra lloje dhe ato mund t’i gjeni në disa dyqane, duke i porositur nga shtëpia.

Gjeni xhinse për fëmijë e të rritur, e po ashtu të lira dhe të shtrenjta, por edhe kualitet.

Platforma SaKushton ka analizuar e krahasuar çmimet e tyre.

Xhinset më të lira i gjeni në dyqanin 75Mall. Janë për fëmijë – vajza 8-9 vjeç. Nuk është specifikuar marka, por me zbritje mund t’i porosisni për 6.97 euro.

Në këtë dyqan gjeni shumë lloje të xhinseve për fëmijë me çmime relativisht të ulëta.

Në dyqanin Foleja, xhinset më të lira janë ato për meshkuj. Janë të brendit June dhe kushtojnë 14.9 euro.

E në E-baa, xhinset më të lira janë për femra. Kushtojnë 16.90 euro.

Xhinse gjeni edhe në GjirafaMall. Janë të brendit Jack&Jones, për meshkuj dhe kushtojnë 33.99 euro.

Dhe xhinset më të shtrenjta mund t’i porosisni në dyqanin Foleja. Janë për meshkuj, të brendit Dondup dhe kushtojnë 190 euro.

Për të parë më shumë, kliko KËTU

Pajisje e shumëçka tjetër që ju duhet për përgatitje të akullores – kërko më të lirat

Posted on by Visar Loci

Sot është e lehtë. Mund ta blini të gatshme akulloren, por edhe ta përgatisni vetë. Pajisjet nuk mungojnë.

Në tregun online ka zgjidhje pa fund, duke nisur nga luga e akullores e deri te pajisjet që e përgatisin dhe e mbajnë në gjendje të ngrirë këtë produkt freskues, sidomos gjatë verës.

Platforma SaKushton ka analizuar e krahasuar çmimet e tyre.

Më së liri natyrisht gjeni një qese me pluhur për përgatitje të akullores. Në Interclick, qesen e brendit Aleva e gjeni për 0.55 euro. E në këtë market, e gjeni më së liri edhe lugën e akullores. Është nga inoksi dhe kushton 1.99 euro.

Në dyqanin Foleja, më së liri i gjeni enët për servirje të akullores. Seti me katër copë prej xhami kushton 4.99 euro.

E në GjirafaMall, mund të porosisni një lugë të akullores si produktin më të lirë. Është profesionale dhe prej inoksi. Kushton 9.99 euro.

Në këtë dyqan gjeni edhe pajisjen më të lirë për përgatitje të akullores. Është e vogël dhe e thjeshtë. Kushton 29.99 euro.

Më pas në 75Mall, gjeni një pajisje pak më të sofistikuar dhe më të madhe për përgatitje. Është e brendit Gorenje dhe kushton 64.90 euro.

Dhe më së shtrenjti, pajisja për përgatitje të akullores kushton në GjirafaMall. Është brend amerikan, Unold dhe është komplet automatike me kompresor ftohës. Ena e brendshme është prej inoksi, ka një ekran të madh LCD që tregon kohën deri në fund të procesit të përgatitjes së akullores. Kapaciteti i pajisjes është 2 litra dhe kushton 469.99 euro.

Për të parë më shumë, kliko KËTU

Syze virtuale – ku i gjeni më së liri

Posted on by Visar Loci

Çfarë thoni të flasim për syzet virtuale? Janë fjala e fundit e teknologjisë dhe e mundësive pa fund.

Njihen si “VR” – realitet virtual. Thjeshtë i vëni në sy dhe lidheni me smartfonin tuaj, duke kaluar në një botë krejt tjetër. Mund edhe të eksploroni botën sikur jeni duke e vizituar atë vend, apo edhe të mbani një takim me miq kudo në botë, sikur jeni të ulur në një tavolinë.

Në tregun online në Kosovë ka goxha zgjidhje dhe platforma SaKushton ka analizuar e krahasuar ato.

Më të lirat syze virtuale i gjeni në dyqanin online GjirafaMall. Janë “BoboVR Z6 2019”, të bardha dhe kushtojnë 65.99 euro me zbritje nga 106.07 euro. Bateria e integruar litium polimer ka kapacitet 350 mAh (deri në 25 orë punë me një karikim të vetëm). Komunikimi është i bazuar në teknologjinë e qëndrueshme Bluetooth në versionin 4.2. Kompleti përfshin syze BoboVR Z6 2019, kufje integrale, shirit koke, manuali i përdorimit dhe pëlhurë me mikrofibër.

Në Gjirafa50, për 47814 euro me zbritje gjeni syzet VR Oculus Quest 2. Ky VR posedon 6GB RAM të kombinuar me çipin Qualcomm Snapdragon XR2 Platform që ju siguron operim shumë të lehtë. Posedon rezolucionin 3664×1920 piksel, për secilin sy. Kjo ju mundëson kualitetin vizual, që asgjë nuk mund t’ju ikë dhe kështu të shijojeni edhe tingullin 3D, që mundësohet nga altoparlantët.

Në 75Mall, një model më i ri i këtyre syzeve, Quest 3, kushton 799 euro me zbritje, nga 999 euro.

Dhe syzet më të shtrenjta, i gjeni në Gjirafa50. Janë HTC ViveXR Elite, të zeza. Me zbritje kushtojnë 1,651.50 euro. Kanë mundësi pa fund.

Për të parë më shumë, kliko KËTU