Page 6 – SaKushton
main

Për çdo produkt që t'intereson,
munesh me kqyr sa kushton

Qese me vakum – ku i gjeni më së liri

Posted on by Visar Loci

Nëse keni pak hapësirë për rroba në shtëpinë apo banesën tuaj, bën mirë t’i organizoni ato në mënyrën më të mirë. E një prej mënyrave, është që rrobat që nuk janë të stinës, t’i fusni në qese me vakum dhe t’i palosni diku, pa ju zënë shumë vend.

Për shembull, tash mund t’i fusni në qese me vakum rrobat e dimrit, meqë ai po kalon.

Puna është e thjeshtë: i fusni rrobat në qese, i mbyllni dhe më pas përmes fshesës elektrike, ua nxirrni gjithë ajrin.

Ka edhe qese ku mund të futet dhe ushqimi, po ashtu për të përfituar vend. Janë pak më të shtrenjta.

Në tregun online, disa markete ofrojnë qese të tilla dhe platforma SaKushton ka krahasuar e analizuar çmimet e tyre.

Qeset me vakum, më së liri i gjeni në dyqanin 75Mall. Një copë mund ta blini për 0.73 euro, e nëse e merrni setin me 3 copë, atëherë do të paguani 1.23 euro. Janë të madhësive S dhe M.

Në GjirafaMall, janë pak më shtrenjtë. Dy qese pak më të trasha dhe me dimensione të mëdha 100×70 cm, mund t’i porosisni për 14.49 euro. Në to mund të fusni edhe jorgan, batanije e gjëra të tjera.

Në Foleja, qesja më e lirë me vakum kushton 19.20 euro. Janë nga materiali që mund t’i përdorni edhe për ushqim. Pra mund të organizoni mishin e perimet pa ju zërë shumë vend në frigorifer. Materiali është silikon dhe plastikë.

Dhe qesja më e shtrenjtë mund të porositet në GjirafaMall. Është e brendit Bosch dhe mund të përdoret edhe për ushqim. Kushton 27.99 euro.

Për të parë më shumë, kliko KËTU

Koha për syze të diellit – ku i gjeni më së liri

Posted on by Visar Loci

Dimri po shkon e rrezet e diellit po shtohen e forcohen. Çka ju duhet më shumë në këtë kohë se syzet e diellit?

Është mirë t’i mbroni sytë, por edhe janë “style”.

Në tregun online ka lloj-lloj syzesh të diellit, duke nisur nga pak euro ato për fëmijë e deri në 500 euro gati.

Platforma SaKushton ka krahasuar e analizuar çmimet e tyre.

Syzet më të lira mund t’i porosisni në marketin online 75Mall. Janë për fëmijë dhe të markës Pokey. Janë të kaltra me pak bardh e me lentë të zezë. Kushtojnë 12 euro.

Për pak më shumë, 19.90 euro, në këtë dyqan mund të porosisni syzet Force Free. Ofrohen disa ngjyra dhe janë për meshkuj e femra.

Në GjirafaMall, syzet më të lira kushtojnë 21.99 euro. Janë të brendit Vuch Buddy dhe vijnë me xham të polarizuar.

E në Foleja, syzet më të lira kushtojnë 37 euro. Janë me xhama anti-refleks, unisex dhe të markës 4f.

Tash të shohim pak syze më të shtrenjta.

Në Foleja, syzet më të shtrenjta kushtojnë 188 euro nga 220 euro sa ishte më parë çmimi i tyre. Janë të brendit Serengeti, janë për të dy gjinitë dhe ngjyrë kafe.

E në GjirafaMall, syzet më të shtrenjta mbajnë çmimin 471.50 euro, po ashtu me zbritje. Janë Lenovo dhe janë edhe ‘smart’. Janë për meshkuj dhe të zeza.

Për të parë më shumë, kliko KËTU

Top për ushtrime – ku e gjeni më së liri

Posted on by Visar Loci

Nëse mendoni se linjën e trupit dhe zhvillimin e muskujve mund ta bëni vetëm në palestër, atëherë gaboheni.

Mund të stërvitni edhe në shtëpi, edhe pa asnjë mjet. Por mund të stërvitni edhe me ndonjë pajisje, si topin për ushtrime.

Ju shërben për shumë ushtrime dhe në treg gjeni disa lloje. Platforma SaKushton ka krahasuar e analizuar çmimet e tyre.

Topin më të lirë për ushtrime e gjeni në marketin online Foleja. Është i gjelbër, ka diametër prej 75 cm e është ideal për persona me gjatësi 170-179 cm. Pesha e tij prej 1.2 kg siguron stabilitet dhe ekuilibër gjatë ushtrimeve. Topi mund të mbajë ngarkesë maksimale prej 200 kg. Mund ta porosisni për 14.90 euro.

E në GjirafaMall, gjeni një top më të vogël me diametër 55 cm dhe për personat e gjatë nga 150 deri në 164 cm. Kushton 16.99 euro me zbritje. Çmimi i mëparshëm ishte 22.40 euro.

Në këto dy dyqane gjeni edhe disa lloje e topi më i shtrenjtë për ushtrime mund të blihet në Foleja. Është 8 kg i rëndë. Është ideal për forcimin e muskujve, përmirësimin e koordinimit dhe zhvillimin e dinamikës së lëvizjeve. Kushton 55 euro.

Për të parë më shumë, kliko KËTU

 

Kartela grafike, nga 50 euro deri në mbi 5.000 euro

Posted on by Visar Loci

Kartela grafike është një nga pajisjet kryesore të kompjuterëve. Ju mund t’i shtoni kompjuterit tuaj një kartelë grafike dhe ta perfeksiononi për punën që bëni, qoftë për lojëra apo diçka tjetër.

Në tregun online ka zgjidhje me bollëk dhe është ndër të vetmit produkte ku diferenca në çmim mes më të lirit dhe më të shtrenjtit shkon në 100 herë. Pra mund të blini kartelë grafike me 50 euro, por edhe me 5.000 euro.

Platforma SaKushton ka krahasuar e analizuar çmimet e tyre.

Kartelën grafike më të lirë mund ta porosisni në marketin online Gjirafa50. Është AFOX Geforce GT710, 4GB DDR3, 64bit dhe me zbritje kushton 49.50 euro. Çmimi i mëparshëm ishte 133.50 euro.

Në Foleja, më së liri mund të blini kartelën grafike MSI GT 710 2GD3H LP, e dizajnuar për aplikacione bazike të lojërave dhe multimedias. Ajo përmban GPU NVIDIA GeForce GT 710 me 2 GB memorje GDDR3, duke ofruar rezolucion maksimal prej 4096 x 2160 piksel.

Një të ngjashme, në GjirafaMall mund ta porosisni për 68.99 euro.

Kartela grafike gjeni edhe në 75Mall. Më e lira mund të porositet për 239 euro me zbritje. Është GeForce RTX 3050 6GB OC.

Në këto dyqane mund të gjeni pa fund kartela me veçori të ndryshme

E, kartela më e shtrenjtë mund të blihet në Foleja. Bëhet fjalë për kartelën PNY Nvidia RTX A6000, 48 GB GDDR6. Ajo është një zgjedhje e shkëlqyer për profesionistët që kërkojnë performancë të lartë grafike. Me 48 GB memorje GDDR6, kjo kartelë ofron hapësirë të mjaftueshme për të menaxhuar projekte të mëdha dhe komplekse grafike. Përdorimi i teknologjisë PCI Express x16 4.0 siguron një lidhje të shpejtë dhe efikase me kompjuterin. Me zbritje, kushton 5.676 euro.

Për të parë më shumë, kliko KËTU

Tepsi për ëmbëlsira – ku e gjeni më së liri

Posted on by Visar Loci

Për të përgatitur një ëmbëlsirë apo tortë, pos harxhit ju duhen edhe mjetet. Një ndër kryesoret është tepsia e posaçme për ëmbëlsira, e e cila ju duhet për të përgatitur patishpanin.

Janë tepsi të veçanta, pasi kur të pjekët patishpani, atëherë tepsia zbërthehet anash dhe e nxirrni pa e dëmtuar. Ka edhe tepsi që nuk zbërthehen, por janë me forma të ndryshme.

Në tregun online ka shumë zgjidhje dhe platforma SaKushton ka krahasuar e analizuar çmimet e tyre.

Tepsinë më të lirë për ëmbëlsira e gjeni në dyqanin Foleja. Është e rrumbullakët dhe çmontohet e tëra. Është e brendit Spring dhe me diametër 28 cm. Kushton 7.9 euro.

Në 75Mall, tepsia më e lirë për ëmbëlsira kushton 9.9 euro. Është e sheshtë dhe kënddrejtë.

E në GjirafaMall, tepsinë më të lirë që zbërthehet, mund ta porosisni për 12.4 euro. Është e kuqe, e brendit Lemart dhe ka edhe një kapak të plastikës.

Tepsi gjeni edhe në Neptun. Më e lira në këtë dyqan kushton 12 euro. Është e ngushtë, e gjatë dhe e thellë. Nuk zbërthehet.

E ajo që zbërthehet, në Neptun më së liri e gjeni për 17 euro. Është e brendit Teval dhe e rrumbullakët.

Një tjetër pak më e madhe, është tepsia më e shtrenjtë, e që po ashtu ofrohet në Neptun. Edhe kjo është e markës Tefal.

Për të parë më shumë, kliko KËTU

Set filxhanësh për kafe – ku e gjeni më së liri

Posted on by Visar Loci

Janë prej produkteve që e ka çdo shtëpi. Filxhanët e kafesë janë të domosdoshëm për kuzhinën tuaj. E tash varet se çfarë i doni: thjeshtë sa për t’u shërbyer me ta apo edhe të jenë të hijshëm kur pini kafenë apo kur ia servoni ndonjë mysafiri.

Në tregun online ka zgjidhje të shumta, duke nisur nga pak euro për setin me dy copë apo më shumë e deri në ato që kushtojnë me dhjetëra euro.

Platforma SaKushton ka krahasuar e analizuar çmimet e tyre.

Setin më të lirë të filxhanëve të kafesë, mund ta porosisni në marketin online Foleja. Seti ka dy copë dhe filxhanët vijnë me tabakatë e tyre. Seti kushton 5.2 euro dhe është i brendit Lemart.

Të njëjtin set në GjirafaMall, e gjeni për 6.49 euro.

Në 75Mall, filxhani më i lirë është ai i brendit Vintage. Vjen vetëm një filxhan me tabaka dhe kushton 5.98 euro me zbritje, nga 11.95 euro sa ishte çmimi më herët.

Set filxhanësh për kafe gjeni edhe në dyqanin e-baa. Seti me 6 copë, komplet i bardhë, kushton 6.99 euro. Emri i brendit nuk është përcaktuar.

Në këto katër dyqane online gjeni pa fund zgjidhje.

Setin më të shtrenjtë mund ta blini në marketin Foleja. Seti ka 6 copë, është prej porcelani dhe i brendit Bianca Momenti. Kushton 64 euro me zbritje.

Për të parë më shumë, kliko KËTU

Shpuzore për shtëpi apo veturë – ku e gjeni më së liri

Posted on by Visar Loci

Jeni duhanxhi apo jo, nuk bën të mos keni një shpuzore në shtëpi. Mund t’ju vijë ndonjë mysafir dhe duhanin mund ta pijë edhe në ballkon apo oborr.

Fundja nuk ju kushton shumë, pasi shpuzore gjeni edhe për më pak se një euro.

Në tregun online ka shpuzore të ndryshme, qoftë të xhamit, të qeramikës, te hekurit apo të plastikës. Ka edhe shpuzore për veturë, janë me kapak dhe dritë.

Platforma SaKushton ka krahasuar e analizuar çmimet e tyre.

Shpuzoren më të lirën e gjeni në dyqanin e-baa. Është e xhamit në formë tre këndore dhe kushton 0.49 euro.

Nëse e doni të rrumbullakët, atëherë në këtë dyqan mund ta porosisni për 0.59 euro.

Një e tillë, në marketin online 75Mall, mund ta blini për 0.75 euro. Është po ashtu e xhamit dhe ka 4 vrima për cigare.

Shpuzoren metalike, po ashtu më së liri e gjeni në e-baa. Kushton 1.29 euro dhe ka diametër 8 cm, e thellësi 3 cm.

Në Foleja, shpuzorja më e lirë është ajo për veturë. Është e brendit Praxis, e zezë dhe me kapak. Kushton 1.69 euro.

Në këtë dyqan, mund ta blini edhe shpuzoren më të shtrenjtë për veturë. Është universale e brendit Amio dhe kushton 6.9 euro. Ka një dritë të vogël, që kur të hapet kapaku të shihni se ku po e shkundni cigaren.

Për të parë më shumë, kliko KËTU

Kapëse letrash – ku e gjeni më së liri

Posted on by Visar Loci

Punoni në zyrë, atëherë pavarësisht punës që jeni duke e kryer ju duhet një kapëse e letrave. Po flasim për kapëset që janë si darë dhe përmes “plumbave” në formë “U” me kënde, kapni sa të doni fletë.

Në treg gjeni kapëse të vogla për pak fletë, por edhe profesionale që mund të kapin shumë fletë njëherësh.

Në tregun online ka zgjidhje pa fund dhe platforma SaKushton ka krahasuar e analizuar çmimet e tyre.

Kapësen më të lirë për letra e gjeni në marketin Foleja. Është e vogël dhe mund të kapë maksimumi 12 fletë. Kushton 2.1 euro. Po ashtu në këtë market gjeni edhe “plumbat” më të lirë për kapëse letrash. 1.000 copë kushtojnë 1.18 euro.

Në GjirafaMall, kapësen më të lirë mund ta porosisni me zbritje për 5.49 euro nga 10.11 euro sa ishte. Është e markës Boxer, ngjyrë vjollcë dhe maksimumi mund të kapë 10 fletë.

Në GjirafaMall, gjeni edhe pajisje për heqjen e kapëseve të letrës. Kushton 4.46 euro.

Në Foleja dhe GjirafaMall gjeni shumë lloje të kapëseve.

Më e shtrenjta është një profesionale, të cilën e gjeni në GjirafaMall. Është e brendit austriak Sax dhe nga 197 euro sa ishte, tani me zbritje mund ta porosisni për 118.99 euro. Mund të kapë deri në 100 fletë njëherësh.

Për të parë më shumë, kliko KËTU

Tabela taktike për sporte të ndryshme – ku i gjeni më së liri

Posted on by Visar Loci

Merreni me sport, jeni trajner apo thjeshtë jeni prindër të një fëmije që merret me sport, atëherë ju duhet një tabelë taktike ta keni në shtëpi.

Janë tabela praktike, që kanë të vijëzuara fushat dhe çka do që shkruani në të, shlyhet në sekondë.

Në treg ofrohen tabela për sporte të ndryshme, si për futboll, basketboll, hendboll e të tjera dhe platforma SaKushton ka krahasuar e analizuar çmimet e tyre.

Tabelën taktike më të lirë e gjeni në dyqanin online Foleja. Është për hendboll dhe në të mund të shënohet në të dy anët. Në njërën anë është fusha e plotë, kurse në tjetrën vetëm gjysma e fushës. Është prodhim i YakimaSport dhe mund ta porosisni  për 18.1 euro.

Për pak më shumë, në Foleja mund të porosisni tabelën taktike të futbollit. Kushton 22.5 euro.

Në GjirafaMall, tabela më e lirë taktike është ajo për hendboll. Është e brendit Pure2Improve dhe kushton 37.59 euro.

E tabela më e shtrenjtë mund të porositet në Foleja. Vjen me çantë speciale, është e brendit Molten dhe kushton 64 euro. Ofrohen tabela për futboll, basketboll e hendboll.

Për të parë më shumë, kliko KËTU

Pica të gatshme e të ngrira – ku i gjeni më së liri

Posted on by Visar Loci

Gjithnjë e më shumë po jemi të zënë e gjithnjë e më shumë po konsumojmë ushqime të gatshme.

E mes këtyre ushqimeve, mund të jenë edhe ato të ngrira që i kemi në shtëpi.

Në treg ofrohen shumë lloje të picave të gatshme dhe të ngrira. Ato mund t’i blini dhe t’i piqni kurdo që keni nevojë.

Ofrohen disa lloje, duke nisur nga Margherita e deri tek ato me kërpudha, mishra të ndryshëm e të tjera.

Platforma SaKushton ka krahasuar e analizuar çmimet e tyre.

Picën më të lirë mund ta blini ose porosisni në marketet Begmart dhe InterCklick. Është Funghi, pra me salcë domateje, djathë e kërpudha. Është 320 gramë, e brendit Pasionata dhe kushton 2.15 euro në të dy dyqanet.

Pastaj në Begmart, për 2.52 euro mund të blini picën me djathë Mozzarella, po ashtu 320 gr. E për çmim të përafërt – 2.55 euro, në InterCklick mund të porosisni picën Quatro Formaghi.

Të njëjtën në Begmart e gjeni për 3 centë më shtrenjtë.

Në InterCklick ka edhe picë me suxhuk, që kushton 2.85 euro, e për 3.09 euro e gjeni edhe picën e “shtëpisë”.

Picë gjeni edhe në dyqanin Spar. Është Margherita dhe me peshë pak më të madhe – 360 gr. Kushton 3.19 euro.

Për të parë më shumë, kliko KËTU dhe KËTU