Nëse keni vendosur të ndërroni televizorin, atëherë për pak “mos e këqyrni” – merrni një që ka ekran me teknologji QLED. Pra shumë më e avancuar se teknologjia LED.

Dy-tri fjalë për QLED: Kjo teknologji fillon mbi të njëjtin princip si ajo LED, me një dritë të pasme, në shtresë kristalesh të lëngshme dhe shtresën e ngjyrave.

Por televizorët QLED nuk përdorin dritën e pasme LED, sepse dritat e bardha LED nuk ofrojnë një ngjyrë të bardhë perfekte.

Zakonisht vijat e bardha LED kanë një nuancë. Për të rregulluar këtë problem, kompanitë kanë përdorur një dritë të pasme të kaltër dhe një shtresë “Quantum dot” mes dritës së pasme dhe shtresës LED.

Shtresa “Quantum dot” merr dritën e kaltër të emetuar nga drita e pasme LED dhe e konverton atë në ngjyrë të kuqe e të gjelbër.

Kështu televizorët QLED ofrojnë dritën e bardhë më perfekte dhe ngjyrat si rezultat janë më të sakta krahasuar me një televizor LED.

Në tregun online gjeni zgjidhje pafund për televizorë me ekrane të tilla.

Platforma SaKushton ka analizuar e krahasuar çmimet e tyre.

Televizorin më të lirë me ekran QLED e gjeni në marketin online 75Mall. Është i brendit Hisense, Smart dhe me ekran 32 inch. Kushton me zbritje 269.90, ndërkohë që çmimi i rregullt është 329.90 euro. Vjen me garanci 3-vjeçare.

Televizorin e të njëjtit brend, po në 75Mall, por me ekran 40 inch, e gjeni me zbritje për 299.90 euro. Çmimi i rregullt është 399.90 euro.

Televizori më i shtrenjtë në 75Mall, kushton 1399.90 euro. Është i brendit Hisense, me ekran 75 inch dhe rezolucion QLED 4KUltra HD.

Televizorë me ekrane QLED gjeni edhe në Neptun. Më i liri është i brendit amerikan TCL. Ka ekran 55 inch, me rezolucion 4K Ultra HD dhe kushton 649 euro.

Në Neptun gjeni edhe lloje të tjera të televizorëve me ekran QLED, ndërkohë më i shtrenjti është një Samsung me ekran 65 inch dhe rezolucion 4K Ultra HD. Ofron edhe shumë mundësi të tjera dhe çmimi është 2.399 euro. Por nëse keni kartelën e anëtarësisë Happy, mund ta merrni për 2.199 euro.

Për të parë më shumë, kliko KËTU