Për përgatitjen e një ëmbëlsire nuk mjaftojnë vetëm përbërësit për të. Ju duhet edhe një tepsi e veçantë për pjekjen e patishpanit, e që skajet dhe pjesën e poshtme i ka të ndara. Po ashtu ju duhet edhe një enë për ruajtjen e ëmbëlsirës në frigorifer, që në të shumtën e rasteve është një pjatë me një kapak qelqi apo plastike.

Në tregun online ka zgjidhje të shumta dhe platforma SaKushton ka analizuar e krahasuar çmimet e tyre.

Më së liri e gjeni një enë për ruajtjen e ëmbëlsirës. Ena apo mbajtësja është e plastikës, ngjyrë e zezë me të verdhë, e po ashtu edhe kapaku është prej plastike. E gjeni në marketin online 75Mall dhe kushton 6.90 euro.

Për 9.90 euro, në këtë market e gjeni mbajtësen për ëmbëlsirë dy-katëshe. Pra i ka dy pjata porcelani të lidhura në një bosht, por janë pa kapak.

Mbajtësen më të shtrenjtë e gjeni po në 75Mall. Është një enë porcelani me kapak prej qelqi. Kushton 29.90 euro.

Ndërkohë, nëse kërkoni tepsi të veçanta për ëmbëlsira, atëherë i gjeni në Jysk. Ka forma të ndryshme, përfshirë edhe të rrumbullakëta e kënddrejtë.

Tepsinë më të lirë e gjeni një të ngushtë e të gjatë të brendit Tefal. Kushton 11 euro.

Tepsinë e rrumbullakët me diametër 23 cm e gjeni për 17 euro, kurse atë me diametër 27 cm për 19 euro.

Tepsia më e shtrenjtë është një kënddrejtë, po e Tefalit dhe kushton 29 euro.

Për të parë më shumë, kliko KËTU