Page 17 – SaKushton
main

Për çdo produkt që t'intereson,
munesh me kqyr sa kushton

Muaji i Ramazanit po afron – ku i gjeni më së liri hurmat

Posted on by Sa Kushton

Tash që po afron muaji i Ramazanit, në tryezë gjithnjë e më shpesh gjenden edhe hurmat.

Gjithsesi, si anti-oksidant të përkryer, ato janë të mira të konsumohen gjatë gjithë vitit dhe nga çdokush. Kanë edhe shumë vlera të tjera ushqyese.

Në tregun online mund të gjeni disa lloje dhe t’i porosisni ato.

Platforma SaKushton ka analizuar e krahasuar çmimet e tyre.

Hurmat më të lira i gjeni në dyqanin Spar.

Paketimi me 200 gramë hurma të thata dhe pa bërthama, në këtë dyqan kushton 2.69 euro. Kilogrami i bie të kushtojë 13.45 euro. Janë të paketuara nga Dattel.

Hurma gjeni edhe në dyqanin online Begmart. Janë të paketuara nga brendi Nett dhe të cilësisë siç është cekur “të kënaqshme”. Paketimi me 250 gr. kushton 3.84 euro, kurse ai me 500 gr. peshë 7.08 euro, e që kilogrami i bie 14.16 euro.

Në këtë market gjeni edhe hurma të cilësisë së lartë – Premium. Paketimi 250 gr. kushton 4.32 euro, kurse ai 500 gr. 8.10 euro. Kilogrami i bie 16.20 euro.

Për të parë më shumë, kliko KËTU

Merluc, apo peshku “pa kokë” – ku e gjeni më së liri

Posted on by Sa Kushton

E dini pse peshku merluc shitet pa kokë? Thjeshtë për çështje marketingu. Koka e tij duket goxha e frikshme dhe ka dhëmbë të mprehtë dhe nëse do të shitej komplet, atëherë shumëkush do të hezitonte ta çonte në shtëpi këtë lloj peshku, edhe pse në gjendje të ngrirë.

I përket familjes Merluccius, dhe mund ta gjeni edhe me emra të tjerë si “Osliq”. Është prej llojeve të peshqve të lirë dhe shumë të shijshëm. Ka pak hala, dhe ç’është kryesorja nuk kultivohet, thjeshtë zihet në det të hapur dhe ashtu i egër shitet.

Në tregun online ka zgjidhje dhe platforma SaKushton ka analizuar e krahasuar çmimet e tyre.

Më së liri këtë lloj peshku e gjeni në dyqanet Spar. Paketimi i firmës Hake me peshë 800 gr. kushton 3.99 euro. Kilogrami i bie 5 euro.

Merluc gjeni edhe në dyqanin online Begmart. Paketimi 400 gr. i fileve të mbështjella me grimca buke, kushton 5 euro. Pra është e përgatitur, thjeshtë duhet ta hidhni në vaj për ta skuqur.

Për 5.49 euro, në këtë market mund të porosisni paketimin 1 kg me peshk merluc, natyrisht pa kokë dhe pa bisht.

E për 5.86 euro, në Begmart, gjeni filetën e peshkut merluc, pra pa lëkurë.

Për të parë më shumë, kliko KËTU dhe KËTU

 

 

Perde dushi, shtizë, unaza e produkte të tjera – ku i gjeni më së liri

Posted on by Sa Kushton

Nëse keni një dush pa derë apo një vaskë, atëherë ju duhet edhe një perde për të mos e lagur pjesën tjetër të banjës derisa pastroheni.

Në tregun online ka shumë zgjidhje për perde dushi, por edhe gjëra të tjera që kanë të bëjnë me dushin dhe pastrimin.

Platforma SaKushton ka krahasuar e analizuar çmimet e tyre.

Perden më të lirë për dush e gjeni në Jysk. Në fakt në këtë dyqan ka shumë zgjidhje dhe mund të vizitoni një nga pikat ose të bëni porosi online.

Pra më e lira perde kushton 4 euro. Është e brendit Solvarbo, me dimensione 150×200 cm. Perdet janë  njëngjyrëshe dhe ofrohen disa ngjyra.

Perdja më e shtrenjtë, po ashtu mund të porositet në Jysk. Kushton 25 euro, është me dimensione 180×200 cm dhe ka ngjyrë bezhë. Është e brendit Gunnebo.

Natyrisht, për vendosje të perdes ju duhen edhe shtiza dhe unazat.

Shtiza më e lirë kushton 6 euro. Është e bardhë dhe prej plastikës. E gjeni në Jysk. E nëse dëshironi shtizë prej kromi, atëherë duhet të ndani 9 euro.

Ndërkohë, unazat më të lira i gjeni për 2.5 euro 12 copë. Në Jysk ofrohen edhe unaza të tjera më të shtrenjta.

Tjetër që ka të bëjë me dushin. Gjeni edhe shporta për vendosjen e shampove dhe të tjera. Më e lira, është një prej gome që ngjitet në pllaka. Kushton 2.5 euro.

E peshqiri për dush, më i liri kushton 3.50 euro. Është ngjyrë kafe dhe ka dimensione 65×130 cm. Edhe këto produkte i gjeni në Jysk.

Gjeni edhe shkumë dushi me arome vanilje. Në dyqanin Begmart, një shishe 250 ml të brendit italian L’Erbolario mund ta porosisni për 9 euro.

Për të parë më shumë, kliko KËTU

Wireless charger – ku e gjeni më së liri

Posted on by Sa Kushton

Hiç adapterit apo mbushësit standard me kabllo, zhvillimi i teknologjisë ofron edhe mbushës pa kabllo.

Njihen si “Wireless charger” dhe në shumë raste janë më praktikë.

Ofrohen disa lloje, si platforma ku lihet telefoni mbi to, pastaj disa kanë pjesën magnetike ku telefoni mbështetet e të ngjashme.

Por jo të gjithë telefonat e mençur mund ta shfrytëzojnë këtë mundësi. Disa modele më të vjetra nuk përkrahen nga “Wireless charger”.

Platforma SaKushton ka analizuar e krahasuar çmimet e tyre në tregun online.

Pajisja më e lirë e tillë mund të porositet të Aztech. Është e brendit Hama. Është një platformë rrumbullake ku vihet telefoni pa pasur nevojë ta fusni kabllon në USB të pajisjes tuaj. Natyrisht, platforma është e lidhur. Kushton 9.99 euro.

Shumë zgjidhje gjeni edhe në dyqanin Neptun. “Wireless chargeri” më i lirë kushton 23 euro. Është i brendit Samsung dhe pos platformës për telefon, ka edhe pjesë magnetike për orë të mençur dhe për kufje të veshëve. Pra mund të bëni tri karikime të pajisjeve në të njëjtën kohë.

Një Wireless charger i tillë, por për pajisje të sistemit operativ iOS, pra të Apple, në Neptun mund të blihet për 30 euro. Bën për telefon, orë dhe kufje.

E njëjta pajisje në dyqanin Kejes, mund të blihet për 29 euro më shtrenjtë – 59 euro.

Për të parë më shumë, kliko KËTU dhe KËTU

Korset dhe hellanke – ku i gjeni më së liri

Posted on by Sa Kushton

Dimri po përfundon dhe është koha për të ndërruar ngadalë edhe gardërobën. Patjetër se në gardërobën e pranverës te femrat duhet të bëjnë pjesë dhe hellanket apo getet dhe korsetet.

Në tregun online gjeni shumë zgjidhje, sidomos për hellanke.

Platforma SaKushton ka analizuar e krahasuar çmimet e tyre.

Në kërkimin online, korsete gjeni në SunaSaport. Më e lira kushton 28 euro. Është komplet e bardhë me viza të shenjës së Adidasit të zeza. Për të njëjtin çmim e gjeni edhe korsetin e zi.

Për 32 euro, e gjeni një korset komplet të zi të brendit Nike, ndërkohë për 40 euro, një korset Bra. Është kombinim mes hirit dhe të zezës.

E hellanke, gjeni shumë më shumë. Më të lirat i gjeni në Gentli. Janë të shkurtra, të brendit Steve Madden dhe ofrohen disa ngjyra. Copa kushton 14.90 euro.

Në SunaSport, hellanket më të lira janë ato të Pumas. Janë të gjata dhe kryesisht të zeza me pak bardhë anash. Kushtojnë 26.40 euro.

Në InterSport, më të lirat hellanke mund t’i porosisni për 30 euro. Janë Adidas, të zeza me pak bardhë anash.

Po ashtu, në InterSport i gjeni edhe hellanket më të shtrenjta. Janë të Adidasit dhe kushtojnë 60 euro. Janë komplet të zeza.

Për të parë më shumë hellanke, kliko KËTU e për korsete, KËTU

Micro SD Card – ku e gjeni më së liri

Posted on by Sa Kushton

Ju që përdorni aparate fotografike dhe pajisje të ngjashme që ju duhen kartelat Micro SD, atëherë në tregun online gjeni shumë zgjidhje.

Ju shërbejnë për të bartur fotot apo videot në laptop e kompjuter, e më pas mund t’i shfrytëzoni sërish kartelat.

Platforma SaKushton ka analizuar e krahasuar çmimet e tyre.

Kartën Micro SD, më së liri e gjeni në dyqanin Aztech. Kushton 7.99 euro, ka 32 GB memorje dhe shpejtësi të leximit deri në 85 MB për sekondë. Është rezistuese ndaj  temperaturave të ndryshme e ujit dhe vjen me adapter. Ka 36 muaj garanci.

Për 9.99 euro, në këtë dyqan e gjeni SD Card me 64 GB memorje dhe me shpejtësi leximi deri në 90 MB për sekondë.

Kartën SD më të shtrenjtë në Aztech e gjeni për 34.99 euro. Ka 256 GB memorje, shpejtësi të leximit deri në 100 MB për sekondë dhe vjen me 3 vjet garanci.

Shumë zgjidhje gjeni edhe në Neptun. Karta më e lirë SD në këtë dyqan kushton 8 euro. Është Apacer, vjen me adapter dhe ka 16 GB memorje.

Për 9 euro mund t’i gjeni disa lloje të kartave SD me 64 GB memorje, derisa më e shtrenjta është një me 128 GB memorje e brendit SanDisk. Kushton 45 euro.

Për të parë më shumë, kliko KËTU

Tuta sportive – ku i gjeni më së liri

Posted on by Sa Kushton

Ju që jeni meraklinj të veshjeve sportive, ka ofertë të madhe për ju. Tutat sportive, apo siç njihen në Kosovë me term të huaj “trenerka”, janë më në modë se kurrë. Sidomos tash që po vjen pranvera.

Në tregun online gjeni zgjidhje pa fund.

Platforma SaKushton ka analizuar e krahasuar çmimet e tyre.

Tutat më të lira i gjeni në dyqanin SunaSport. Më të lirat janë një palë të poshtme të brendit Adidas. Janë komplet të kaltra me vizat e bardha anash. Kushtojnë 30.40 euro.

Për 44 euro, mund t’i porosisni tutat, pjesën e poshtme, të brendit Nike. Ofrohen disa ngjyra, si zi dhe hiri.

E për 52 euro, që është edhe çmimi më i lirë në këtë dyqan për tuta komplet, pjesa e poshtme dhe e lartë, mund t’i porosisni një palë të Nike-s. Janë për femra dhe me dy ngjyra: E kaltra e mbyllët që dominon dhe roza, anash.

Më të shtrenjtat, komplet, në SunaSport, janë një palë për meshkuj, po të brendit Nike. Janë nga pambuku dhe tërësisht të zeza. Kushtojnë 61.60 euro. Pjesa lartë është me patent.

Shumë zgjidhje gjeni edhe në InterSport.

Më të lirat në këtë dyqan janë një palë të poshtme, Nike. Janë komplet të gjelbra dhe për meshkuj. Kushtojnë 64 euro.

Për 69 euro, mund t’i porosisni tutat për fëmijë. Janë komplet të zeza të Nike-s.

Në InterSport, tutat më të shtrenjta janë një palë komplet dhe të brendit Nike. Kushtojnë 127 euro, janë ngjyrë gri me një shirit anash. Pjesa e lartë e tutave është me kapele, pa patent.

Për të parë më shumë, kliko KËTU

Zgjidhje pa fund të atleteve – kërko më të lirat

Posted on by Sa Kushton

Moti po përmirësohet dhe është koha që t’i hiqni qafe këpucët e dimrit. Është koha për atlete apo siç edhe njihen në gjuhën e popullit “patika”.

Në tregun online ka zgjidhje pa fund të atleteve të brendeve të ndryshme dhe platforma SaKushton ka analizuar e krahasuar çmimet e tyre.

Më të lirat i gjeni në dyqanin Carnival. Janë për femra dhe me zbritje mund t’i porosisni për 7.90 euro. Çmimi i rregullt është 33.90 euro. Dominon ngjyra e bardhë, por ka edhe pak  gjelbër të çelët dhe zi. Për meshkuj, atletet më të lira i gjeni për 9.90 euro me zbritje, nga 35.90 sa ishte çmimi i rregullt. Janë komplet të zeza dhe të brendit Crosby.

Në këtë dyqan gjeni plot 15 lloje të atleteve për më pak se 30 euro një palë.

Në SunaSport, atletet më të lira janë po ashtu për femra.  Janë të Adidasit, modeli Grand Court 2.0. Janë të bardha me tri viza me ngjyra. Kushtojnë 38 euro.

Për meshkuj, në këtë dyqan, më të lirat janë po ashtu të Adidasit, modeli  Tensaur 2.0. Janë bardh e zi dhe kushtojnë 40 euro.

Në Gentli, atletet më të lira janë 39.90 euro, me zbritje, dhe janë për meshkuj. Janë komplet ngjyrë kafe, me bazën poshtë të bardhë dhe të brendit Vagabond. Çmimi i rregullt është 139.90 euro.

Për femra, në këtë dyqan, atletet më të lira janë 64.90 euro nga 129.90. Janë të brendit Steve Madden dhe janë ngjyrë bezhë.

Në OfficeShoes, atletet më të lira janë për meshkuj. Kushtojnë 54 euro me zbritje nga 60. Janë të brendit Skechers, modeli Oal Canyon. Janë të bardha me pak thyerje ngjyrë kaltër të mbyllët.

Për femra, më të lirat janë një palë të Replayt. Nga 100 euro mund t’i porosisni për 90 euro. Ofrohen disa ngjyra, ndër to edhe të bardha dhe kafe.

Shumë atlete gjeni edhe në Intersport. Si për femra ashtu edhe për meshkuj, më të lirat janë të brendit Nike, nga 76 euro. Për femra ofrohet modeli Revolution 7, kurse për meshkuj modeli Defyallday.

Dhe mes shumë zgjidhjeve, atletet më të shtrenjta mund t’i porosisni në OfficeShoes. Janë të brendit Karl Lagerfeld. Janë për femra dhe nga 230 euro sa është çmimi i rregullt, mund t’i blini për 207 euro. Janë të zeza me gurë shkëlqyes.

Për të parë më shumë, kliko KËTU dhe KËTU

Shampo kundër rënies së flokëve – ku i gjeni më së liri

Posted on by Sa Kushton

Sa i përket pamjes së jashtme, ndoshta meraku më i madh, sidomos i djemve është floku, përkatësisht kujdesi ndaj tyre. Shumë prej meshkujve edhe po i mbjellin, por ka edhe mundësi të tjera për t’i paraprirë këtij problemi. Për shembull nëse përdorni shampot e duhur.

Në tregun online ka shumë zgjidhje, për lloje të ndryshme të flokëve, por ka edhe shampo që ndalon rënien, rigjeneron qimet dhe i bën me shkëlqim.

Platfoma SaKushton ka analizuar e krahasuar çmimet e tyre.

Shampon më të lirë kundër rënies së flokëve e gjeni në marketin Spar. Është i brendit Afrodita, me bazë hudhrën dhe shishja 1L kushton 3.29 euro.

Shumë zgjidhje gjeni edhe në marketin online, Begmart.

Shampo më i lirë në këtë dyqan kundër rënies së flokëve kushton 11.5 euro. Është i brendit italian L”Erbolario dhe shishja i ka 200 ml. Falë ekstraktit të melit, tërshërës dhe proteinave të sojës, shampo mbron dhe rikthen strukturën e proteinave të flokut, duke i bërë ato me shkëlqim, të buta dhe plotë jetë.

Në këtë dyqan gjeni edhe shampo për forcim e mbrojtje të flokëve të dëmtuar. Shampo i hithrave është për flokë të thata e të holla, që janë dëmtuar nga faktorët e ndryshëm, si ngjyrosja, zbardhimi dhe nga permanentët kimik. Përdorimi i tij i rregullt, i pastron flokët, falë proteinave të veçanta të cilat depërtojnë në sipërfaqen e secilës fibër të flokut, ri-integron këllëfin mbrojtës të flokëve, duke e neutralizuar elektricitetin. Përforcon majat duke i siguruar pjesës tjetër të flokëve shkëlqim dhe volum. Shishja me 200 ml kushton 11.5 euro.

Dhe dy shampot më të shtrenjtë kundër rënies së flokëve i gjeni në Begmart. Janë të Folta Chioma dhe shishja prej 200 ml, kushton 16 euro.

Për të parë më shumë, kliko KËTU

Serume e kremra kundër plakjes – ku i gjeni më së liri 

Posted on by Sa Kushton

Mbrojtja e lëkurës nga plakja, sot duhet të jetë prioritet, dhe jo vetëm nga gratë. Kjo pasi në tregun online gjeni preparate të ndryshme kundër rrudhjes së lëkurës të secilës pjesë të trupit me çmime të lira.

Në treg gjeni serume, vajra dhe kremra për fytyrë, trupë, buzë e duar.

Platforma SaKushton ka analizuar e krahasuar çmimet e tyre.

Si fillim, në marketin online Begmart, gjeni shumë zgjidhje. Dhe preparati më i lirë kundër rrudhave, kushton 8.5 euro. Është një labellë për buzë, meqë edhe ato krijojnë rrudha me kalimin e viteve. I përbërë nga acidi hyaluronik, dylli i orizit, vaji nga farat hibiskus, vaji castor e vaji i ullirit, ndihmon buzët që të jenë të njoma në çdo kohë.

Për 10.9 euro, në këtë market mund të blini kremin për duar nga argani si bazë. Ndihmon në eliminim të rrudhave të duarve dhe është i brendit italian L’Erbolario.

Nga ky brend, gjeni edhe krem për rrudha të fytyrës. Është anti-age SPF 25 dhe kushton 15.90 euro.

Për pak më shumë, 23 euro, mund të porosisni kremin hidratues për trup anti-age. E për 23.90 euro edhe serumin anti-age që përdoret pas moshës 45-vjeçare. Të dyja janë të brendit italian L’Erbolario.

Më së shtrenjti në gjithë këtë gamë produktesh, e gjeni një vaj për trup, po ashtu anti-age. Është nga argani dhe kushton 34.5 euro si dhe një serum multi-aktiv kundër plakjes – 55.90 euro.

Për të parë më shumë, kliko KËTU dhe KËTU