Pranvera po vjen e moti po ngrohet. Bashkë me këtë duhet të përshtatim edhe gardërobën.

Dhe nuk ka diçka më të lehtë e më të përshtatshme për të zgjedhur se sa fanellat me mëngë të shkurtra, që në zhargonin popullor mund t’i gjeni me emrin e huaj “maica”.

Në tregun online ka disa lloje dhe platforma SaKushton ka analizuar e krahasuar çmimet e fanellave të brendeve të njohura, si Nike, Puma e Adidas.

Dhe, fanellën më të lirë mund ta porosisni në SunaSport. Është e brendit Nike, e bardhë, me logo të zezë dhe është për femra. Është komplet nga pambuku dhe kushton 16.80 euro.

Për pak më shumë, 20 euro, mund të gjeni një fanellë të zezë të brendit Puma. Edhe kjo është për femra dhe e gjeni në SunaSport.

Në këtë dyqan, fanellën më të lirë për meshkuj e gjeni për 22.40 euro. Është Nike, modeli NSW Tank.

Fanella më e shtrenjtë në SunaSport, është për femra dhe e brendit Nike, modeli Tee Air Slim. Është e shkurtër, komplet e bardhë dhe kushton 39.20 euro.

Fanella gjeni edhe në InterSport. Më e lira është një për fëmijë e brendit Nike. Është e bardhë dhe bashkë me logon ka edhe një zemër ngjyrë rozë. Çmimi është 27 euro.

Në InterSport, fanellat më të shtrenjta për meshkuj e femra kushtojnë 41, përkatësisht 46 euro.

Të dyja janë të markës Nike.

Për të parë më shumë, kliko KËTU

Nëse diçka ka me bollëk në tregun online, atëherë ata janë peshqirët.

Gjeni peshqirë për duar e për dush, e gjeni edhe të markave të njohura, si Nike për shembull.

Produktin e gjeni në disa dyqane, si Jysk, Aztech e InterSport dhe platforma SaKushton ka analizuar e krahasuar çmimet e tyre.

Peshqirin më të lirë e gjeni në Jysk, atë të brendit Flisby. Janë të bardhë dhe për duar. Madhësia e tyre është 40×60 cm dhe copa kushton 1 euro.

Për 1.75 euro, në këtë dyqan gjeni peshqirë me dimensione pak më të vogla, 30×50 cm, por me ngjyra të ndryshme. Janë të brendit Uppsala.

Në Jysk ofrohen mbi 100 lloje të peshqirëve të duarve.

Ka edhe peshqirë dushi. Më i liri kushton 6.5 euro, që është i brendit Uppsala. Ka dimensione 65×130 cm dhe ofrohen disa ngjyra.

Më i shtrenjti peshqir dushi në Jysk, është ai i brendit Sorunda me dimensione 70×140 cm. Është i tëri pambuk dhe kushton 29.99 euro.

Peshqirë të shumtë gjeni edhe në Aztech. Më i liri është një për duar. Është i brendit Galzone, ka dimensione 50×70 cm dhe kushton 6.99 euro.

Më i shtrenjti peshqir në këtë dyqan, kushton 24.99 euro. Është i dushit dhe ka dimensione 70×140 cm. Ofrohen disa ngjyra.

E në InterSport mund të porosisni peshqirë të brendit Nike. Janë të kuq dhe me logo të bardhë. Ofrohen me çmime 25 dhe 45 euro, varësisht nga madhësia.

Për të parë më shumë, kliko KËTU

Telefona të lirë e të mirë janë edhe ata të brendit Xiaomi, modeli Redmi. Bile shumë të mirë në raport me çmimin.

Bëhet fjalë për brend kinez, por dita-ditës shumë konkurrent me Samsungun dhe Applen sa u përket pajisjeve të mençura.

Në tregun online ka shumë lloje, por kësaj herë do të fokusohemi në serinë 12 dhe 13 C të Xiaomi Redmi.

Platforma SaKushton ka analizuar e krahasuar çmimet e tyre.

Më së shumti zgjidhje gjeni në dyqanin Neptun.

Telefoni më i lirë i këtij brendi kushton 189 euro, por me kartelën e anëtarësisë mund ta blini për 159 euro. Ka 8 GB Ram dhe 256 GB memorje të brendshme. Ka procesor me 8 bërthama, tri kamera dhe i përket serisë 13 C.

Për këtë lloj gjeni tri ngjyra: zi, kaltër dhe  gjelbër.

Për 249 euro me zbritje, falë kartelës, mund ta blini edhe Xiaomi Redmi Note 13. Çmimi i rregullt është 289 euro. Ka po ashtu 8 GB Ram dhe 256 GB memorje të brendshme. Ofrohen disa ngjyra.

Për pak më shumë e gjeni telefonin Xiaomi Redmi Note Pro. Çmimi i rregullt është 379 euro, por me kartelë të anëtarësisë Happy, e merrni për 279 euro. Ngjyra është hiri grafik. Ka 8 GB Ram dhe 256 GB memorje të brendshme.

Dhe në Neptun, telefoni më i shtrenjtë i këtij brendi, është Xiaomi Redmi Note 13 Pro. Pos  tjerash ka 12 GB Ram dhe 512 GB memorje të brendshme, diçka mbresëlënëse për ata që duan t’i ruajnë të gjitha materialet, pa e ngarkuar atë. Çmimi i tij është 579 euro, por me kartelë mund ta porosisni për 499 euro.

Për të parë më shumë, kliko KËTU

Ndoshta është gjëja e vetme që ka mbetur e lirë, në kuptimin që me pak para mund të “ngopet e gjithë shtëpia”.

Bëhet fjalë për supat e gatshme, që ju duhen vetëm 5 minuta për përgatitje.

Në treg ka shumë zgjidhje dhe platforma SaKushton do të analizojë ato që  mund të blihen apo porositen nga shtëpia.

Supën më të lirë të gatshme e gjeni në dyqanin Spar. Është supë e gjelit e brendit turk, Bizim Mutfak. Kushton 0.45 euro dhe është për 4-5 persona. Përgatitet me një litër ujë.

Në Spar, gjeni edhe supën e gjelit të brendit Podravka, më së liri. Qesja kushton 0.49 euro.

E njëjta supë, në dyqanin online Begmart, kushton 0.54 euro.

Ka edhe supë të lopës. Në Spar, qesja e kësaj supe e brendit Podravka kushton 0.59 euro.

Të njëjtën e gjeni edhe në Begmart. Aty mund ta porosisni për 0.62 euro.

Në treg ka edhe supë të gatshme. Thjesht e merrni dhe e pini aty për aty.

Në Spar e gjeni supën e pulës, të brendit Yakisoba. Vjen në një tas me kapak. Mund ta përdorni menjëherë apo edhe ta ngrohni nëse jeni në shtëpi.

Për të parë më shumë, kliko KËTU

Në shtëpi secili mund të ketë një mikser, por ai jo rrallë nuk na ndihmon, pasi mund të jetë i vogël dhe me fuqi të vogël rrotulluese.

E nëse ju duhet një mikser edhe për përzierje të brumit për shembull, atëherë duhet të blini një profesional që ka kazanin e tij, ka shtizën spirale të fortë dhe që ka fuqi motorike të madhe.

Në tregun online ka shumë lloje dhe platforma SaKushton ka analizuar e krahasuar çmimet e tyre.

Mikserin më të lirë profesional e gjeni në dyqanin Aztech. Është i brendit Esperanza, ka fuqi motorike 800 vat, kapacitet të kazanit që është inoks, 4 litra dhe garanci 1-vjeçare. Kushton 79.99 euro.

Në këtë dyqan gjeni edhe shumë lloje të mikserëve profesionalë, përfshirë edhe më të shtrenjtin në tregun online.

Më i shtrenjti është një i brendit Kenwood. Ka kapacitet të enës 7 litra, fuqi 1200 vat dhe garanci 2-vjeçare. Kushton 599 euro.

Shumë lloje gjeni edhe në dyqanin Neptun. Më i liri nga mikserët profesionalë në këtë dyqan kushton 129 euro. Është i brendit Bosch, ka fuqi 700 vat dhe kapacitet të enës 3.8 litra. Vjen me garanci 2-vjeçare.

E më i shtrenjti mikser profesional në Neptun kushton 199 euro. Është i brendit Ariete, ka kapacitet të enës 5.5 litra, fuqi 1200 vat dhe garanci 2-vjeçare.

Për të parë më shumë, kliko KËTU

Mund ta përgatisni edhe vetë, por ka edhe të gatshëm, bile shumë të shijshëm. Bëhet fjalë për jogurt frutash nga më të ndryshmet.

Në tregun online gjeni shumë zgjidhje dhe platforma SaKushton ka analizuar e krahasuar çmimet e tyre.

Janë kryesisht jogurtë të brendit të njohur gjerman Zott, që ka dy linja të prodhimit: Jogobella dhe Sweatheart.

Dhe më së shumti zgjidhje gjeni në dyqanin online Begmart.

Jogurtin më të lirë në këtë dyqan e gjeni për 0.42 euro. Është i paketuar në tas të plastikës, me peshë 125 gr. dhe ka me dredhëz, kajsi dhe qershi.

Nëse doni jogurt më të madh Sweatheart, 315 gr., atëherë mund ta porosisni me shije dredhëze për 0.86 euro.

E shumë më të njohur janë jogurtët Jogobella.

Në Begmart, jogurti më i lirë me peshë 150 gr. kushton 0.45 euro. Për këtë çmim mund të zgjidhni jogurt me dredhëz, pjeshkë, qershi, boronicë dhe fruta mali.

Pak më të shtrenjtë, 0.5 euro janë Panna Cottat Jogobella. Gjeni me shije pjeshke, qershie e boronice.

Në Begmart, mund të porosisni edhe jogurt me drithëra të ndryshme.

Jogurt pemësh ofron edhe brendi Olympus. Është më shumë i specializuar për jogurtin grek, por ka edhe me fruta, si për shembull me boronicë. Tasi 150 gr. kushton 1.05 euro.

Për të parë më shumë, kliko KËTU dhe KËTU

Tash që po afron muaji i Ramazanit, në tryezë gjithnjë e më shpesh gjenden edhe hurmat.

Gjithsesi, si anti-oksidant të përkryer, ato janë të mira të konsumohen gjatë gjithë vitit dhe nga çdokush. Kanë edhe shumë vlera të tjera ushqyese.

Në tregun online mund të gjeni disa lloje dhe t’i porosisni ato.

Platforma SaKushton ka analizuar e krahasuar çmimet e tyre.

Hurmat më të lira i gjeni në dyqanin Spar.

Paketimi me 200 gramë hurma të thata dhe pa bërthama, në këtë dyqan kushton 2.69 euro. Kilogrami i bie të kushtojë 13.45 euro. Janë të paketuara nga Dattel.

Hurma gjeni edhe në dyqanin online Begmart. Janë të paketuara nga brendi Nett dhe të cilësisë siç është cekur “të kënaqshme”. Paketimi me 250 gr. kushton 3.84 euro, kurse ai me 500 gr. peshë 7.08 euro, e që kilogrami i bie 14.16 euro.

Në këtë market gjeni edhe hurma të cilësisë së lartë – Premium. Paketimi 250 gr. kushton 4.32 euro, kurse ai 500 gr. 8.10 euro. Kilogrami i bie 16.20 euro.

Për të parë më shumë, kliko KËTU

E dini pse peshku merluc shitet pa kokë? Thjeshtë për çështje marketingu. Koka e tij duket goxha e frikshme dhe ka dhëmbë të mprehtë dhe nëse do të shitej komplet, atëherë shumëkush do të hezitonte ta çonte në shtëpi këtë lloj peshku, edhe pse në gjendje të ngrirë.

I përket familjes Merluccius, dhe mund ta gjeni edhe me emra të tjerë si “Osliq”. Është prej llojeve të peshqve të lirë dhe shumë të shijshëm. Ka pak hala, dhe ç’është kryesorja nuk kultivohet, thjeshtë zihet në det të hapur dhe ashtu i egër shitet.

Në tregun online ka zgjidhje dhe platforma SaKushton ka analizuar e krahasuar çmimet e tyre.

Më së liri këtë lloj peshku e gjeni në dyqanet Spar. Paketimi i firmës Hake me peshë 800 gr. kushton 3.99 euro. Kilogrami i bie 5 euro.

Merluc gjeni edhe në dyqanin online Begmart. Paketimi 400 gr. i fileve të mbështjella me grimca buke, kushton 5 euro. Pra është e përgatitur, thjeshtë duhet ta hidhni në vaj për ta skuqur.

Për 5.49 euro, në këtë market mund të porosisni paketimin 1 kg me peshk merluc, natyrisht pa kokë dhe pa bisht.

E për 5.86 euro, në Begmart, gjeni filetën e peshkut merluc, pra pa lëkurë.

Për të parë më shumë, kliko KËTU dhe KËTU

Hiç adapterit apo mbushësit standard me kabllo, zhvillimi i teknologjisë ofron edhe mbushës pa kabllo.

Njihen si “Wireless charger” dhe në shumë raste janë më praktikë.

Ofrohen disa lloje, si platforma ku lihet telefoni mbi to, pastaj disa kanë pjesën magnetike ku telefoni mbështetet e të ngjashme.

Por jo të gjithë telefonat e mençur mund ta shfrytëzojnë këtë mundësi. Disa modele më të vjetra nuk përkrahen nga “Wireless charger”.

Platforma SaKushton ka analizuar e krahasuar çmimet e tyre në tregun online.

Pajisja më e lirë e tillë mund të porositet të Aztech. Është e brendit Hama. Është një platformë rrumbullake ku vihet telefoni pa pasur nevojë ta fusni kabllon në USB të pajisjes tuaj. Natyrisht, platforma është e lidhur. Kushton 9.99 euro.

Shumë zgjidhje gjeni edhe në dyqanin Neptun. “Wireless chargeri” më i lirë kushton 23 euro. Është i brendit Samsung dhe pos platformës për telefon, ka edhe pjesë magnetike për orë të mençur dhe për kufje të veshëve. Pra mund të bëni tri karikime të pajisjeve në të njëjtën kohë.

Një Wireless charger i tillë, por për pajisje të sistemit operativ iOS, pra të Apple, në Neptun mund të blihet për 30 euro. Bën për telefon, orë dhe kufje.

E njëjta pajisje në dyqanin Kejes, mund të blihet për 29 euro më shtrenjtë – 59 euro.

Për të parë më shumë, kliko KËTU dhe KËTU