Sado pak nëse keni kopsht, atëherë ju duhet edhe një kositëse e barit.

Sot në treg, pos atyre tradicionale, keni dy llojë kositësesh: me rrotë, që funksionojnë përmes shtyrjes dhe me tel, kositëse të ngjashme me detektorët e metaleve dhe që mbahet pezull.

Dhe të dy këto lloje ofrohen me rrymë dhe me benzinë.

Platforma SaKushton ka analizuar e krahasuar çmimet e tyre në tregun online.

Kositësen më të lirë mund ta porosisni në PemaMall. Është me tel dhe funksionon me rrymë. Kushton 33.7 euro dhe është e brendit Fieldmann.

Në PemaMall e gjeni edhe kositësen që ecën përmes rrotave, pra me shtyrje, më të lirën në treg. Kushton 63 euro, punon me rrymë dhe është e brendit Fieldmann.

Në Gjirafa50, kositësja më e lirë është ajo me tel e brendit Karcher. Punon me rrymë dhe kushton 75.85 euro.

Në Gjirafa50, kositësja me rrotë, më e lira është 84.90 euro. Është e brendit Becker dhe punon me rrymë.

Kositëse me tel dhe me rrotë gjeni edhe në 75Mall.

Më lirë kushton ajo me rrotë: 99.95 euro. Është e brendit FZR, ka shportë 30L dhe fuqi të motorit 1200 Watt.

E kositësja me tel e brendit të njëjtë kushton 119.95 euro.

Kositësen më të shtrenjtë e gjeni në Gjirafa50. Është me rrotë, punon me benzinë dhe është e brendit italian Oleo Mac. Kushton 900 euro.

Për të parë të gjitha ofertat, kliko KËTU

Ju duhet një kaçavidë me majë “plus” apo me “minus”? Definitivisht më nuk ia vlen të kërkohet te fqinji.

Në tregun online ka me dhjetëra lloje dhe nëse kërkoni të blini vetëm një, atëherë mund ta bëni këtë për 1 euro.

Por nëse dëshironi të blini komplet setin, me të gjitha madhësitë e llojet e kaçavidave, atëherë duhet të ndani të paktën 9 euro.

Platforma SaKushton ka analizuar e krahasuar çmimet e kaçavidave në tregun online.

Setin më të lirë mund ta porosisni në Gjirafa50. Kompleti me 7 copë i brendit Dreda kushton 8.95 euro.

Në PemaMall mund të porosisni setin me 18 kaçavida të brendit Fieldmann. Kushton 9.80 euro.

Set të njëjtit brend, por me 6 copë mund të porosisni në 75Mall. Kushton 9.95 euro.

Në 75Mall dhe Gjirafa50 gjeni edhe kaçavida magnetike. Kanë një dorëz kryesore dhe shumë maja të llojeve të ndryshme që ndërrohen sipas nevojës. Në 75Mall seti kushton 12.95 euro, kurse në Gjirafa50, 13.88 euro.

Dhe, setin më të shtrenjtë të kaçavidave e gjeni në 75Mall. Kompletin me 18 copë të brendit Ero Hits, mund ta porosisni për 17.95 euro.

Për të parë të gjitha ofertat, kliko KËTU

Pleqëria është proces që nuk ndalet dot, por falë rritjes së vetëdijes dhe risive të viteve mund të ngadalësohet. Shenjat e para të pleqërisë janë rrudhat në fytyrë.

E shtëpi të shumta farmaceutike bëjnë garë të madhe për të nxjerrë kremrat e duhura dhe në tregun online në Kosovë, ka me dhjetëra të tilla.

Platforma SaKushton ka analizuar e krahasuar çmimet e tyre, që sillen nga 5 euro e deri në mbi 300.

Kremi më i lirë për të ndalur shfaqjen e shpejtë të rrudhave në fytyrë mund të porositet në Gjirafa50. Është brend çek, Hyaluron Life dhe kushton 5.71. Ka 50 ml krem në paketim.

Në Gjirafa50 gjeni edhe shumë produkte të tillë të brendeve të ndryshme, si L’Oreal (8.95 euro), Nivea Q10 (12.40 euro), Vichy (37.18 euro), Nuxe (37.97 euro) e të tjera. Të gjitha janë në masë 50 ml.

Në këtë dyqan gjeni krem vetëm për rrudhat rreth syve, për meshkuj. Kushton 46.60 euro tubi me 15 ml dhe është i brendit Clinique.

Në Gjirafa50 mund të blihet edhe kremi më i shtrenjtë në tregun online për eliminim të rrudhave. Ai i brendit Sisley, 50 ml, kushton 331.35 euro.

Krem anti-rrudhë gjeni edhe në Begmart e PemaMall.

Në PemaMall, kremi më i lirë është ai L’Oreal Skin Hydra Expert Nuit, 50 ml. Kushton 8.15 euro.

E në Begmart, kremi më i lirë është ai i brendit italian L’Erbolario. Paketimi 30 ml kushton 18 euro.

Për të parë të gjitha ofertat, kliko KËTU

Dikush nuk ka dëshirë të ketë komodinë për TV në dhomë dhe kjo është e kuptueshme – çështje e shijes. Ka dëshirë të ketë vetëm një televizor të “kapur” për mur.

E për ta bërë këtë kapje të televizorit për mur, që t’iu duket si një panoramë më pas, iu duhet një mbajtëse.

Në tregun online ka me dhjetëra lloje të mbajtëseve për TV dhe platforma SaKushton ka analizuar e krahasuar çmimet e tyre. Gjeni mbajtëse për më pak se 5 euro e deri në 110 euro. Mbi këtë çmim janë mbajtëset për televizorët që varen nga tavani apo ato lëvizëse, me rrota.

Më së liri, një mbajtëse për TV mund ta porosisni në Gjirafa50. Kushton 4.5 euro dhe shërben për televizor me ekran deri në 32 inch. Mund të përshtatni këndin e televizorit si të doni.

Në Aztech, mbajtësen më të lirë e gjeni për 9.99 euro. Mban deri në 35 kilogramë dhe është e projektuar për televizorë të madhësisë se ekranit deri në 43 inch. Hendikepi i kësaj mbajtëse është moslëvizshmëria. Pra është statike.

Në PemaMall, mbajtësja më e lirë është ajo Manhattan, që kushton 12.90 euro. Është lëvizëse dhe mban ekran deri në 42 inch.

Dhe, mbajtësja më e shtrenjtë mund të blihet po në dyqanin online PemaMall. Është Manhattan, lëvizës dhe për televizorë të mëdhenj, nga 60″ ekrani deri në 100″. Kushton 110.90 euro.

Për të parë të gjitha ofertat, kliko KËTU

Tash me ardhjen e pranverës, rregullimi i kopshtit është detyrë që s’bën të anashkalohet. E një prej pajisjeve të domosdoshme, është edhe gypi për ujitje.

Në tregun online mund të gjeni shumë lloje të gypave për ujitje, të gjatësive e gjerësive të ndryshme dhe platforma SaKushton ka analizuar e krahasuar çmimet e tyre.

Gypin më të lirë për ujitje apo pastrime të ndryshme, mund ta porosisni në PemaMall. Gypi me gjatësi 20 metra e diametër 1/2″, kushton 6.90 euro me zbrijte. Çmimi i rregullt është 12.35 euro dhe është prodhim i Neo Tools.

Në këtë dyqan, gypin më të shtrenjtë e gjeni për 45.90 euro, po ashtu me zbritje, pasi çmimi i rregullt është 66.90 euro. Është i firmës Neo Tools dhe profesional. Ka gjatësi 50 metra, derisa diametri i gypit është standard, 1/2″.

Shumë lloje të gypave i gjeni edhe në Gjirafa50. Gypi më i lirë në këtë dyqan online është ai 30 metra i gjatë, me diametër 1/2″, brendi AW Tools. Kushton 17.71 euro. Është treshtresor nga polisteri dhe rezistent ndaj rrezeve ultra-vjollcë. Mund të shfrytëzohet edhe për pompim të ujit për shkak të cilësisë që ka.

Gypi më i shtrenjtë mund të porositet po në Gjirafa50. Është i brendit Gardena, me elasticitet të lartë. Është 50 metra i gjatë, ka diametër standard dhe kushton 79.45 euro.

Për të parë të gjitha ofertat, kliko KËTU

Sot teknologjia po ecën më shpejt se çkado tjetër dhe çfarëdo televizori që do ta blini sot, nesër mund të jetë “i vjetër” në kuptimin e risive.

E nëse nuk e keni këtë preokupim, atëherë në treg mund të gjeni televizorë të firmave të ndryshme me çmime të ulëta.

Platforma SaKushton ka analizuar dhe ua sjell televizorët më të lirë deri në 400 euro.

Televizori më i lirë në tregun online mund të blihet në Gjirafa50. Është i brendit Vivax, modeli Imago LED, me ekran 32″.

Në këtë dyqan gjeni edhe shumë lloje të televizorëve, ndërkohë që më i shtrenjti deri në çmimin e përcaktuar për shpenzim, është ai LG me ekran 32 inç. Ka fotografi HD dhe kushton 399.50 euro.

Në Aztech, televizori më i lirë kushton 319 euro. Ekranin e ka 43″ dhe është i brendit Philips.

Televizor gjeni edhe në PemaMall. Më i liri kushton me zbritje 339 euro dhe është i brendit kinez Vivax. Ekranin e ka 49″.

Në 75Mall, televizorin më të lirë mund ta blini për 399.90 euro, pak përfudi çmimit të përcaktuar për shpenzim. Është i brendit Hisense, ka 50″ ekran dhe pamje Ultra HD.

Nën 400 euro, televizor gjeni edhe në eGjeta. Tv Samsung 43 inç kushton 399 euro. Po ashtu është ultra HD.

Për të parë më shumë oferta, kliko KËTU

Bojler apo ngrohës uji. E gjeni me të dy termet nëse kërkoni për një tillë në tregun online.

Sot me çdo bojler vjen edhe garancia nga prodhuesi, deri me 5 vjet madje, por ajo vlen vetëm për kazanin, jo edhe për elektrikën që dëmtohet më së shpeshti.

Platforma SaKushton ka analizuar e krahasuar çmimet e bojlerave në tregun online dhe më i liri që mund të blihet me kapacitet standard, 80 litra, është mbi 90 euro.

Më i liri mund të porositet në dyqanin online PemaMall. Bojleri me 80 litra i brendit Ecolux, kushton 96 euro me zbritje, ndërkohë që çmimi i rregullt është 120 euro.

Bojler të lirë gjeni edhe në 75Mall. Ai i brendit Gorenje me kapacitet 80 litra kushton 114.95 euro. Ka nxemës 2 kW dhe rregullim elektro-mekanik të temperaturës.

Në Aztech, bojlerin më të lirë me kapacitet 80 litra e gjeni atë të firmës Bosch. Kushton 149.99 euro. Bojleri ka pajisje që e mbron nga mbinxemja dhe valvulë sigurie.

Zgjedhje pafund të bojlerave keni sidomos në dyqanin online Gjirafa50. Më i liri me kapacitet prej 80 litra kushton 187.93 euro. Është i brendit italian Ariston.

Bojleri më i shtrenjtë gjendet po në Gjirafa50. Është i brendit Ariston, modeli Olteas One Net dhe kushton 1.676.06 euro. Me të menaxhohet edhe përmes telefonit.

Për të parë më shumë, kliko këto: Gjirafa50, 75Mall, Aztech, PemaMall

Shtëpi pa alete, thonë nuk ka. E në këtë kohë të një tregu të madh online, nuk ka qenë asnjëherë më e lehtë që një merakli të ketë të gjitha aletet – veglat e punës.

E një ndër to është edhe shpuesi, i njohur si burmashina (boormachine, kombinim i fjalëve turielë dhe makinë në holandisht).

Në tregun online janë disa lloje dhe platforma SaKushton ka analizuar e krahasuar çmimet e tyre.

Shpuesin më të lirë mund ta gjeni në dyqanin onlinë PemaMall. Shpuesin e brendit gjerman Fieldman e blini për 61.90 euro. Në përshkrim thuhet se avantazh i kësaj pajisjeje është “pajtueshmëria e baterive 18 V në të dy opsionet 4000 mAh dhe 2000 mAh”.

Në Gjirafa50, shpuesin më të lirë e gjeni për 77.30 euro. Është brend polak, Verto.

Pos si shpues me rrotullime, kryen edhe funksionit e shpuesit me çakan, pra me rrotullim dhe goditje.

Në Gjirafa50, shpuesi më i shtrenjtë kushton 179.60 euro. Është po ashtu shpues dhe çekan dhe është i brendit të njohur britanik, Stanley.

Dhe, shpuesi më i shtrenjtë në tregun online mund të porositet në PemaMall. Është shpues dhe çekan me motor 1600 watt i brendit Yato.

Për të parë disa nga ofertat, kliko KËTU

Ndoshta çokollada e brendit zviceran Milka është më e njohura, por janë disa të tjera që janë në grupin e atyre “më të shijshme” apo që llogariten ashtu, pasi shija është shumë relative.

Një prej tyre është edhe çokollada Schogetten, brend gjerman.

Në tregun online mund të gjeni disa lloje të kësaj çokollade.

Çokolladat më të lira të kësaj marke i gjeni në dyqanin onlinë Dërgesë.

Çokolladat 100 gr me qumësht, fruta, karamel, jogurt, lajthi, çokolladë të zezë dhe Trilogia mund t’i porosisni për 0.99 euro copën.

Çokollada të kësaj marke gjeni edhe në supermarketin Maxi, që ofron edhe shërbime online.

Çokolladën me lajthi, qumësht, chokopraline dhe me dredhzë mund t’i porosisni për 1.15 euro copën, derisa atë me çokolladë të zezë për 1.19 euro.

Për t’i parë të gjitha ofertat, kliko KËTU