Nëse i ka ardhur koha shporetit tuaj elektrik ta ndërroni, atëherë keni pafund zgjidhje. Në tregun online gjeni edhe minishporete, por edhe shporete me rrymë dhe gaz – të kombinuar.

Platforma ka analizuar e krahasuar çmimet e tyre.

Më së liri mund të blini një minishporet. Në dyqanin 75Mall, e gjeni një shporet pa pllaka, vetëm me furrë me kapacitet 30 L. Brendi nuk është përcaktuar, por ofrohet me zbritje nga 99.90 në 69.87 euro. Minishporeti me dy pllaka në këtë dyqan kushton 149.90 dhe është i brendit Gorenje.

Minishporet gjeni edhe në Neptun. Për 99 euro, shporeti ka edhe dy pllaka sipër. Është i brendit Fuego.

E sa u përket shporeteve ka shumë më shumë zgjidhje.

Shporeti më i lirë mund të porositet në Aztech dhe 75Mall. Të dy janë të bardhë me katër pllaka të ngritura dhe të brendit Hugo. Kushton 219.90 euro në të dy marketet.

Në Neptun, shporeti me katër pllaka i brendit Fuego kushton 249 euro. Furra ka kapacitet 72 L dhe klasa e shpenzimit të energjisë është A.

Shporeti me pllaka të rrafsha më i lirë mund të blihet në Aztech. Është i brendit Hugo dhe kushton 259 euro.

Për pak më shumë, në Neptun e gjeni shporetin me gaz dhe energji elektrike. Dy pllaka i punojnë me rrymë e dy me gaz. Kapaciteti i furrës është 65 L. Kushton 299 euro dhe është i brendit Beko.

Në Aztech, e gjeni edhe shporetin më të shtrenjtë. Është i brendit Bosch, me pllaka të rrafsha, ngjyrë hiri dhe kushton 1.049 euro. Kapaciteti i furrës është 66 L dhe klasa e shpenzimit të energjisë është A.

Për të parë më shumë, kliko KËTU

Nëse jeni meraklinj të specave dhe produkteve nga specat e djegëst, e po ashtu edhe nëse ua duron goja e lukthi, atëherë në treg keni shumë zgjidhje.

Gjeni speca jalapeno turshi, salcë nga jalapeno dhe llojet tjera të specave të djegëst si dhe kremra për lyerje të bukës.

Platforma SaKushton ka analizuar e krahasuar çmimet e tyre në tregun online.

Më së liri kushton një salcë me speca të kuq e brendit holabdez Remia. Kavanozi me 250 ml kushton 1.44 euro dhe mund ta porosisni në dyqanin online Begmart.

Për 1.51 euro në këtë dyqan, mund të porosisni kremin e djegëst të brendit Miree.

Në Spar, mund të blini speca jalapeno turshi. Kavanozi me 220 gr kushton 169 euro.

Jalapeno turshi gjeni edhe në Begmart. Kavanozi me 480 gr kushton 2.34 euro, kurse ai me 980 gr – 4.20 euro.

Në këtë market, gjeni edhe një krem për lyerje nga specat jalapeno. Kavanozi me 500 gr kushton 2.34.

Për të parë më shumë, klikoni KËTU dhe KËTU

Në treg gjeni llampa të vogla që mund t’i vendosni në ndonjë tavolinë apo kudo në ndonjë platformë. Por gjeni edhe llampa dyshemeje, për të cilat do të shkruajmë sot dhe platforma SaKushton ka analizuar e krahasuar çmimet e tyre në tregun online.

Llampën më të lirë të dyshemesë e gjeni në Jysk. Kushton 23 euro, është e brendit Hansson, 155 cm e gjatë dhe e zezë.

Në këtë dyqan, në fakt keni më së shumti zgjidhje. Për 44.99 euro, mund të porosisni llapmën Jonathan. Është ngjyrë hiri dhe 138 cm e gjatë.

Llampa më e shtrenjtë në Jysk është ajo Hugo. Është e zezë dhe 154 cm e gjatë. Kushton 154 euro.

Ndërkohë në 75Mall, gjeni llampën e veçantë. Është e vendosur mbi një trekëndësh me rafte ku mund të vendosni gjëra të tjera zbukururse. Është e lartë 165 cm.

Për të parë më shumë, kliko KËTU

Sot nuk ka fëmijë që nuk di se çfarë janë lodrat lego. Në treg gjeni shumë lloje të lodrave lego, por edhe veshmbathje të ndryshme për fëmijët e pasionuar pas tyre.

Në treg gjeni lodra lego, që vijnë në qindra copë të vogla e që me to mund të krijoni çfarëdo figure, por edhe lodra lego që pasi t’i montoni fitoni një figurë të caktuar.

Platforma SaKushton ka analizuar e krahasuar çmimet e tyre.

Lodra më e lirë lego është seti “Disney Mickey and Minnie Creative Patch”. Vjen me 95 copë, është për fëmijet mbi 8 vjeç dhe kushton 7.99 euro.

Për 9.99 euro në këtë market online gjeni edhe bazën për lego. Është një lloj shtroje, mbi të cilën mund t’i ngjisni pjesët e legos. Ofrohen disa ngjyra.

Në 75Mall, për 12.99 euro mund të zgjidhni një nga figurat si Floating Red Panda, Creator Dolphin and Turtle, Duplo Town Farm Animal Care, Creator Super Robot, Spidey Spider, Disney Princess e shumë të tjera.

Në dyqanet tjera gjeni edhe produkte me figurat lego.

Në Jysk, mund ta blini për 17 euro një peshqir dushi me figurën e Ninjago të krijuar nga legot. Në këtë dyqan mund të blini edhe setin, këllëf jorgani dhe jastëku për 35 euro.

Pastaj në InterSport një fanellë Adidas me figura nga legot. Kushton 19 euro.

Në SunaSport mund të porosisni kompletin, fanellë dhe brekë me figura nga legot. Janë të brendit Adidas, për meshkuj dhe me zbritje kushtojnë 30.40 euro.

Në SunaSport ofrohet produkti më i shtrenjtë. Janë një palë tuta (trenerka), me figura nga legot, për fëmijë. Me zbritje kushtojnë 56 euro dhe janë të brendit Adidas. Ofrohen ngjyrat kuq e kaltër dhe zi e verdhë.

Për të parë më shumë, kliko KËTU

Janë me dhjetëra përfitime nga përdorimi i vajit të arganit, e në treg gjeni me qindra produkte nga ky vaj.

Përfitimet kryesore nga përdorimi direkt i vajit apo i produkteve nga vaji i arganit janë kryesisht dermatologjike, pra ju ndihmojnë t’i hiqni rrudhat, të shëroni aknet, të luftoni dermatitin, të eliminoni irritimin nga brisku i rrojes, të forconi thonjtë, të trajtoni rënien e flokëve e të tjera. E nëse e përdorni në kuzhinë, atëherë me të mund të përmirësoni tretjen, të qetësoni gjendjen e artritit e reumatizmës si dhe të ndihmoni në parandalimini e kancerit.

Në tregun online gjeni lloje të ndryshme të produkteve me bazë vajin e arganit dhe platforma SaKushton ka analizuar e krahasuar çmimet e tyre.
Produktin më të lirë me bazë vajin e arganit e gjeni në 75Mall. Është një sapun për pastrim të fytyrës. Kushton 2 euro.

Në Begmart, produkti më i lirë po ashtu është një sapun për fytyrë. Kushton 3.90 euro, ndërkohë për 5.50 euro gjeni një labellë për buzë.

Në 75Mall i gjeni po ashtu edhe këto produkte nga vaji i arganit, si esencë relaksuese për 8 euro, esencë për balancimin e lagështisë – po ashtu për 8 euro, pastaj losion trupi të brendit Dr. Pasha për 9.90 euro e shumë të tjera.

Produkti më i shtrenjtë në 75Mall, sa u përket produkteve me bazë vajin e arganit, është një krem për fytyrë i brendit Dr. Pasha. Kushton 20.90 euro.

Në Begmart, gjeni shower gel për 10.90 euro, krem për duar – po ashtu për 10.90 euro, shampo për forcim të flokëve për 11.50 euro e të tjera. Produkti më i shtrenjtë në këtë market online është vaji për trup, që kushton 34.50 euro.

Për të parë më shumë, kliko KËTU

Nëse në platformën SaKushton kërkoni me fjalën kyç “udhëtim”, atëherë do t’ju shfaqen disa produkte që ju shërbëjnë për udhëtime të ndryshme, qoftë me veturë apo me aeroplan.

Platforma SaKushton ka analizuar e krahasuar çmimet e tyre.

Në 75Mall, produktin më të lirë për udhëtim e keni një set, ku përfshihet brusha e dhëmbëve që paloset dhe një pastë 10 gr. Të dyja vijnë të paketuara në një kuti. Seti kushton vetëm 1 euro.

Në këtë dyqan gjeni edhe një çantë të vogël, të kaltër, për 2.45 euro. Ajo lirshëm mund të futet kudo. Pastaj, për 2.45 gjeni edhe qese vakumi. Pra pasi t’i fusni rrobat ua nxirrni ajrin në mënyrë që të zënë më pak vend në valixhen tuaj. Seti vjen më tri copë.

Gjeni edhe shumë lloje të maskave për sy. Pasagjerët në veturë mund t’i vënë ato dhe të flenë lirshëm, apo mund t’i shfrytëzoni edhe për ndonjë udhëtim të gjatë me aeroplan. Të punuara me pluhur të hekurit, ujë, karbon aktiv, krip e vermikult, maskat ju mundësojnë të flini posa t’i vini në sy. Maska më e lirë kushton 3.99 euro.

Për 6.95 euro, në 75Mall mund të gjeni edhe një çantë për kozmetikë, ndërkohë për 7.90 euro mund të gjeni një termos udhëtimi të brendit Texell.
Në Neptun, për 16 euro gjeni jastëkun e udhëtimit “Travel Blue”. Mund ta vë shoferi apo pasagjeri afër tij për pushim të qafes dhe shpinës.

Në Neptun, më së shtrenjti nga produktet e udhëtimit e gjeni një termos Tefal, të cilin pos me ujë mund ta mbushni edhe me kafe, çaj apo ndonjë supë. Kushton 32 euro.

Për të parë më shumë, kliko KËTU

Jo të gjitha veturat kanë xhama të errësuara prapa për të mbrojtur fëmijët nga rrezet e diellit. Edhe ato që i kanë, nuk mjaftojnë për t’i pritur rrezet gjatë verës.

Në tregun online gjeni mbrojtëse për rreze të diellit, të thjeshta dhe me figura për fëmijë dhe platforma SaKushton ka analizuar e krahasuar çmimet e tyre.

Mbrojtëset më të lira i gjeni në 75Mall. Janë të thjeshta, pa figura, të zeza dhe me dimensione 44 cm x 35 cm. Dy copë kushtojnë vetëm 1.50 euro. Janë të brendit Alta.

Për 1.90 euro, në këtë dyqan gjeni mbrojtëset me figrën e Frozenit. Pra janë për vajza. Në xham ngjiten përmes gomës që kanë dhe me vakum.

Ka mbrojtëse që i ngjitni lart në xham me kapëse. Për djem, i gjeni me një veturë dhe mbishkrimin Formula Racers. Një copë kushton 3.56 euro.

Më të shtrenjtat, në po këtë dyqan online, i gjeni ato me figurën e Micky Mouset. Seti me dy copë kushton 4.90 euro.

Për të parë më shumë, kliko KËTU

Ju normalisht, kur doni mish të grirë, e blini në mishtore apo në markete të ndryshme. Por ka raste kur ju duhet të grini mishin në shtëpi, qoftë atë të viçit apo edhe të pulës.

Në tregun online gjeni lloje të ndryshme të grirëseve të mishit dhe platforma SaKushton ka analizuar e krahasuar çmimet e tyre.

Grirësen më të lirë e gjeni në 75Mall. Makinën e brendit Gorenje me 1600 vat fuqi motorike mund ta porosisni për 69.90 euro. Kapaciteti i grirjes është 1.9 kg për minutë. Bashkë me makinën ju vijnë edhe disa tehe të thikës.

Grirëse gjeni edhe në Neptun. Ajo e brendit Bosch kushton 99 euro. Ka fuqi motorike 1500 vat dhe kapacitet të grirjes 1.7 kg për minutë. Ka dy disqe prej çeliku.

Në këto dy dyqane gjeni shume lloje. Më e shtrenjta në 75Mall kushton 109.90 euro. Është e brendit Gorenje dhe ka fuqi motorike 1800 vat. Kapaciteti i grirjes është 2.1 kg për minutë.

Grirësja më e shtrenjtë mund të porositet në Neptun. Është e brendit Tefal, ka fuqi të motorit 2000 vat dhe kapacitet të grirjes 2.3 kg për minutë. Ka 3 disqe prej çeliku që mund t’i ndërroni sipas nevojës.

Për të parë më shumë, kliko KËTU

Një lodër pelushi e do çdo fëmijë, madje edhe të rriturit për shkak të materialit me qime të shpeshta e të buta.

Këto lloj lodrash vijnë me figura e madhësi të ndryshme.

Në tregun online gjeni lloje të shumta dhe platforma SaKushton ka analizuar e krahasuar çmimet e tyre.

Pelushin më të lirë e gjeni në 75Mall. Është një panda 24 cm e gjatë dhe kushton 3.91 euro.

Në 75Mall, deri në 10 euro mund të zgjidhni pelush me figura të ndryshme. Për 4.74 euro e gjeni qenin, që vjen në disa ngjyra, pastaj për 5.34 një deve ngjyrë kafe. Për 7.74 mund të zgjidhni mes një foke apo një krokodili.

Pelush edhe më të shumtë gjeni në dyqanin tjetër online Gjirafa50. Më i liri është ai më figurën e Pac-Man dhe kushton 19.50 euro.

Në këtë platformë gjeni figura të ndryshme të heronjve nga filmat vizatimor dhe pelushi më i shtrenjtë është ai i Sonicut. Në fakt, vjen veç koka e tij, që mund të vihet nga çdo fëmijë dhe kushton 86.50 euro. Pelushi me figurën e plotë të Sonicut kushton 33.50 euro.

Për të parë më shumë, kliko KËTU dhe KËTU

Pastat mund të bëhen në çfarëdo tenxhere, por për to janë disa të veçanta. Dhe nëse keni mundësi, është mirë t’i keni pjesë të kuzhinës tuaj.

Dallimi është se tenxheret e kanë kapakun me vrima dhe ju mundësojnë t’ua kulloni ujin pas zierjes pa ndonjë telashe dhe pa pasur nevojë të përdorni ndonjë enë tjetër me sitë.

Në tregun online janë disa lloje dhe platforma SaKushton ka analizuar e krahasuar çmimet e tyre.

Tenxheren më të lirë për pasta e gjeni në dyqanin online 75Mall. Është me vëllim 5 litra, ka diametër 20 cm, pastaj shtresë alumini me fund çeliku dhe rezistente ndaj gërvishtjes e ngjitjes. Është e brendit Pensofal dhe me zbritje mund të porositet për 45.43 euro. Çmimi i rregullt është 64.90 euro. Ka dorëza të mëdha e të veçuara që nuk nxehen gjatë zierjes së pastave.

Për 49.90 euro, mund të gjeni tenxheren pak më të vogël – 3 litra, por që ka shtresë, siç thuhet, me pluhur diamanti. Edhe ajo është e brendit Pensofal.

Dhe, tenxherja më e shtrenjtë është ajo me vëllim 7 litra. Ka diametër 24 cm, shtresë me pluhur diamanti dhe kushton 64.90 euro. Edhe ajo mund të porositet në 75Mall.

Për të parë më shumë, kliko KËTU