Tryeza pa ujë në të nuk bën të shtrohet. Dhe nëse nuk përdorni ujë të ambalazhuar, atëherë më së miri është të blini një bokall qelqi dhe të shërbeheni nga ai.

Në tregun online ka shumë lloje të bokallëve dhe platforma SaKushton ka analizuar e krahasuar çmimet e tyre.

Bokalli më i lirë mund të porositet në Aztech, por është relativisht i vogël – 0.25 L. Kushton 1.99 euro dhe është i brendit Misure.

Bokall me të njëjtin vëllim, por me dorëz, në Aztech e gjeni për 2.99 euro. Pak më të madh – 0.5L, por pa dorëz, e gjeni po ashtu për 2.99 euro.

Në 75Mall, bokalli më i lirë është ai me vëllim 1.6 L dhe me dorëz. Kushton 3.90 euro.

Bokallët kanë grykë të gjerë, por gjeni edhe me kapak dhe me ngjyra të ndryshme të qelqit.

Në Aztech e 75Mall ofrohen disa lloje.

Bokalli më i shtrenjtë mund të porositet në Aztech. Kushton 34.99 euro, është prej xhami, ka dorëz dhe kapak xhami.

Për të parë më shumë, kliko KËTU

Biskotat më nuk janë veç diçka që ju shërbejnë të ëmbëlsoni gojën. Mes dhjetëra e dhjetëra llojesh, në tregun online gjeni biskota edhe me spec të djegëst, djathë cheddar apo me salcë kosi e qepë.

Gjeni biskota me miell gruri, integral, misri dhe me drithëra.

Platforma SaKushton ka analizuar e krahasuar çmimet e tyre.

Biskotat më të lira i gjeni në Spar. Janë të brendit Vitaminka, me shije portokalli dhe paketimi 112 gr kushton 0.85 euro.

Po në Spar gjeni edhe biskotat Sempre, prodhim i Lirit. Paketimi 150 gr kushton 1.09 euro.

Në marketin 75Mall, biskotat më të lira kushtojnë 1.35 euro. Janë me drithëra dhe të pasura me fibra. Vijnë nga Italia dhe paketimi është 250 gr.

Në Begmart, gjeni biskota pak më të jashtëzakonshme. Brendi polak Kupiec ofron biskota me spec të djegëst, djathë cheddar dhe me salcë kosi e qepë. Paketimi ka 120 gr dhe kushton 1.38 euro.

Biskotat më të shtrenjta i gjeni në 75Mall. Janë të brendit Misura dhe me miell integral. Paketimi 320 gr kushton 2.90 euro.

Për të parë më shumë, kliko KËTU

Sot, me gjithë këto risi, nuk mjafton një shpëlarje e thjeshtë e fytyrës apo trupit.

Në treg gjeni kremin e njohur si skrab, që përmban ca grimca e që ndihmojnë për pastrim më të thellë të lëkurës. Po ashtu eliminon qelizat e vdekura të lëkurës, të cilat e plakin atë.

Platforma SaKushton ka krahasuar çmimet e tyre.

Skrabin më  të lirë e gjeni në Begmart. Është skrab për fytyrë dhe kushton 14.90 euro dhe ka 75 ml vëllim. Është i brendit L’Erbolario dhe sipas përshkrimit të produktit, falë veprimeve mekanike të mikro-granulave zbutëse dhe veprimit të butë të saporonija Quillaja, ky krem largon të gjitha papastërtitë dhe qelizat e vdekura që afiksojnë apo mbysin dhe e plakin lëkurën. Pas përdorimit e lë lëkurën të butë si mëndafshi.

Për 16 euro, në këtë market gjeni skrabin për trajtim të lëkurës, përkatësisht të defekteve të shkaktuara nga celuliti. “Fisheku” ka 200 ml. Është Hydro-skrab dhe i brendit Ananas Cell.

Më së shtrenjti, në Begmart gjeni një set që kushton 33.70 euro. Pos skrabit për fytyrë, vjen edhe qumështi për pastrim dhe ringjallje të lëkurës si dhe një krem për fytyrë, të cilin e përdorni pas trajtimit me skrab.

Për të parë më shumë, kliko KËTU

Ende është kohë e mirë, me shumë diell, por vjeshta është futur dhe me këtë stinë duhen edhe veshmbathje të tjera.

Nuk është herët të shikoni edhe për çizme të gjata apo të shkurtra.
Platforma SaKushton ka analizuar e krahasuar çmimet e tyre.

Çizmet më të lira i gjeni për fëmijë, përkatësisht për vajza. Në Gentli, i gjeni çizmet prej gomes ngjyrë rozë e me dizajn të bukur për vetëm 7.90 euro. Janë Ciciban.

Në SunaSport ofrohen çizmet me figurën e Frozen. Kushtojnë 44 euro.

Për të rritur, çizmet më të lira mund të blihen në Carnival. Janë të shkurtra, lëkurë e zezë, brendi Keddo dhe kushtojnë 49.90 euro.

Në Office Shoes, më së liri i gjeni çizmet për fëmijë. Janë për vajza, brendi Skachers dhe kushtojnë 50 euro.

Çizmet më të shtrenjta i gjeni po në Office Shoes. Janë për femra, brendi UGG dhe kushtojnë 240 euro. Janë nga lëkura natyrale, e kafët dhe rezistente ndaj ujit.

Për të parë më shumë, kliko KËTU

Kolltukët janë diçka që edhe nuk kanë nevojë të kombinohen me mobilet tjera në dhomë të ndenjës apo të fjetjes.

Mund të blini një kolltuk thjeshtë sa për të krijuar më shumë hapësirë ndenjëse apo edhe për dekor.

Gjeni edhe kolltuk për fëmijë, pra për dhoma të fëmijëve. Produktin mund ta gjeni edhe me fjalën kyç “fotele”.

Platforma SaKushton ka analizuar e krahasuar çmimet e tyre.

Më së liri e gjeni një kolltuk për fëmijë. Në marketin online 75Mall, gjeni kolltukun e vogël, të mbështjellë e material me ngjyra. Nga 44.90 euro mund ta porosisni për 29.90 euro. Njihet si Buba fotele.

Në këtë market, kolltukun më të shtrenjtë për fëmijë e gjeni për 44.90 euro. Është ngjyrë rozë.

Në Jysk, gjeni shumë zgjidhje për kulltukë të mëdhenj. Më i liri kushton 80 euro. Ka këmbë druri, me mbështetëse të dorës të rrumbullakta. Ulësja dhe mbështetësja e shpinës janë prej lëkurës ngjyrë krem. Është i brendit Tilst.

Mes zgjidhjeve pa fund, kolltuku më i shtrenjtë kushton 399.99 euro. Është nga materiali ngjyrë hiri dhe i brendit Aarhus.

Për të parë më shumë, kliko KËTU

Sot që teknologjia ka ecur me hapa gjigant, çdo gjë është më e lehtë. Pos grirëses së perimeve të thjeshtë, ku duhet ta kapni me dorë qepën, karotën apo ndonjë perime tjetër, gjeni edhe grirëse elektrike.

Grirësen e dorës e gjeni edhe me fjalën “rende”.

Platforma SaKushton ka analizuar e krahasuar çmimet e tyre.

Grirësen më të lirë, natyrisht e gjeni të thjeshtë. Në marketin online 75Mall, gjeni grirësen e dorës metalike në formë katrore të brendit Texell. Ka katër anë, me tehe të ndryshme dhe kushton 2.90 euro.

Në këtë dyqan gjeni grirëse edhe të sheshtë. Më e lira kushton 5.90 euro dhe është po ashtu e brendit Texell.

Grirësen më të shtrenjtë të dorës e gjeni në Aztech. Është një grirëse e vogël dhe e sheshtë. Ka dorëzën për ta mbajtur dhe kushton 22.90 euro. Është e brendit Handi Zest Zester.

Nëse dëshironi të mos mundoheni shumë, atëherë ka edhe grirëse elektrike. Më e lira mund të blihet në Neptun. Është e brendit Philips dhe kushton 35 euro.

Në 75Mall, gjeni grirësen elektrike Olympia me çmim 39.90 euro, kurse në Aztech grirësen Seb. Kushton 44.99 euro.

Për të parë më shumë, kliko KËTU dhe KËTU

Sot çdo kush ka një telefon, ku mund të kurdisë alarmin për ta zgjuar apo për t’ia kujtuar një kohë të caktuar. Por, edhe ora e tavolinës e ka të vetën. Alarmi i saj “të çmend”.

Në treg gjeni disa lloj orësh që vihen mbi tavolinë dhe kanë mundësinë e alarmit. Disa punojnë me bateri dhe janë me akrepa, e disa janë digjitale, me bateri dhe me kabllo.

Platforma SaKushton ka analizuar e krahasuar çmimet e tyre.

Orën më të lirë e gjeni në Jysk. Është e “kohës së vjetër”, e rrumbullakët dhe me dy “veshët” lartë që mundësojnë të krijojnë zhurmën e alarmit. Punon me bateri dhe copa kushton 3 euro. Ofrohen disa ngjyra dhe janë të brendit Riso.

Në këtë dyqan gjeni edhe orë të tavolinës digjitale. Punon me bateri, por jo me atë zhurmën e “tik-takeve” të akrepave. Është e brendit Sven, kënddrejtë dhe kushton 10 euro.

Orë të tavolinës gjeni edhe në marketin online 75Mall. Ora më e lirë është një e rrumbullakët me akrepa. Është e brendit Marvel dhe kushton 8 euro.

Orën më të shtrenjtë në këtë dyqan e gjeni një digjitale. Ka ekran LED, është me mbushës dhe ka edhe disa funksione të tjera. Është e brendit Promate dhe me zbritje nga 64.90 euro, mund ta porosisni për 29.90 euro.

Për të parë më shumë, kliko KËTU

Gati asnjëherë nuk mjaftojnë dollapët që kemi nëpër shtëpi për të sistemuar të gjitha gjërat. Gjithnjë duhen vende shtesë, e zgjidhja më e mirë janë raftet që mund t’i lëvizim sa herë dëshirojmë.

Në tregun online mund të gjeni rafte për këpucë, rroba, libra, ka edhe rafte dekor e shumë të tjera.

Platforma SaKushton ka analizuar e krahasuar çmimet e tyre.

Raftin më të lirë e gjeni në marketin online 75Mall. Është raft dekor, që ngjitet në mur. Është 5-këndësh dhe ofrohen ngjyra të ndryshme. Copa kushton 1.45 euro.

Në këtë dyqan, për 3 euro gjeni raft për rroba. Është prej shtizave të aluminit dhe materialit.

Për 4 euro, gjeni raft të vogël këpucësh. Ka 3 platforma për vendosje të këpucëve dhe është i hapur në të gjitha anët.

Në Jysk, rafti më i lirë është një i metalit. Është si varëse dhe ka 2 “xhepa” që mund të vendosni çkado. Mund të përdoret edhe në banjë.

Në fakt, në Jysk gjeni ofertën më të madhe për rafte. Për 10 euro mund të porosisni një raft metalik për këpucë. Është i hapur dhe ka katër platforma për vendosje të këpucëve.

Rafti më i lirë për libra, po ashtu mund të blihet në Jysk. Është prej druri, ka 3 platforma dhe është i hapur përpara. Kushton 45 euro.

Edhe rafti më i shtrenjtë gjendet në Jysk. Është i punuar me dru lisi, ka dizajn interesant dhe mund të shfrytëzohet për libra ose edhe dekor.

Për të parë më shumë, kliko KËTU

Sado që risitë janë të pafundme, disa gjëra janë të nevojshme gjithnjë. Një prej tyre është edhe përparësja e fëmijëve, që i mbron ata të mos i njollosin rrobat gjatë ushqyerjes.

Në tregun online ka disa lloje të tyre, të materialit, por edhe nga silikoni.

Platforma SaKushton ka analizuar e krahasuar çmimet e tyre.

Përparëset më të lira i gjeni në marketin online 75Mall. Për 2 euro, mund të zgjidhni përparëse të brendit Marvel, me figura të ndryshme. Janë nga materiali dhe pastrohen lehtë.

Për 5.90 euro, po në këtë market gjeni përparëse nga silikoni. Ofrohen disa ngjyra dhe pos si përparëse kanë edhe një xhep të madh në fundin e saj, ku mund të vendosni biberonin, por edhe shërben për të pritur mbetjet.

Përparësja më e shtrenjtë, është një prej materialit e brendit Fehn. Është e bardhë dhe ka një qenush të vogël. Kushton 7.90 euro.

Për të parë më shumë, kliko KËTU

Janë ca gjëra të imëta në kuzhinë që nuk bën të mos i keni. Edhe janë të lira, por edhe shumë të domosdoshme në raste.

Ndër to është edhe qëruesja e patates dhe karotës. Këtë perime qërohen edhe me thikë, por me mjetin e veçantë, qërohen më shpejtë dhe më hollë.

Platforma SaKushton ka analizuar e krahasuar çmimet e tyre.

Qëruesen më të lirë e gjeni në dyqanin online 75Mall. Është me dorëz të plastikës, e kaltër dhe kushton 1.45 euro.

Për 2 euro, në këtë dyqan mund të porositni setin me dy copë.

E për 2.95 euro, po në 75Mall, mund të blini setin ku vjen një qëruese dhe një thikë. Janë nga qeramika ngjyrë krem.

Qëruese gjeni edhe në Neptun. Ofrohen dy lloje – për të qëruar vertikalisht, nga lart – poshtë dhe për të qëruar horizontalisht. Copa kushton 10 euro dhe është e brendit Tefal.

Për të parë më shumë, kliko KËTU