Një prej produkteve që e përdorim çdo ditë është edhe shampoo e flokëve. Shumëkush nuk e ndërron brendin, pavarësisht çmimit, por ka edhe të tjerë që kërkojnë sa më të lirë.

Në tregun online ka me dhjetëra lloje nga një euro e pak e deri në 73 euro për 200 ml shishe.

Shampoon më të lirë e gjeni në Maxi. Shampoo Palmolive në shishe 350 ml kushton 1.19 euro.

Në këtë dyqan, gjeni edhe shampoon Hobby me proteina ulliri për 1.99 euro, por vjen në shishe shumë më të madhe – 700 ml.

Në PemaMall, shampoo më i lirë është ai i brendit Green Pharmacy. Është për të gjitha llojet e flokëve dhe sipas prodhuesit ndal rënien dhe stimulon rritjen e tyre. Vjen në shishe 350 ml dhe kushton 3 euro.

Në Spar, shampoo më i lirë është ai i brendit Wash&go me aromë të lules kamomil. Vjen në shishe 400 ml dhe kushton 3.29 euro.

Në Gjirafa50, shampoon më të mund ta porosisni për 3.50 euro. Bëhet fjalë për brendin britanik Creightons Micellar. Pos për larje, ndihmon flokët të mos hidratohen dhe vjen në paketim 250 ml.

Me këtë çmim, në Gjirafa50 gjeni disa lloje të shampoove për flokë, me aroma e funskione të ndryshme.

Ndërkohë, PemaMall ofron edhe një shampoo kundër rënies së flokëve. Bioblas Herbal vjen në shishe 360 ml dhe është për meshkuj. Kushton 3.50 euro.

Shampoo më e shtrenjtë kushton 73 euro. E gjeni në Gjirafa50 dhe është i brendit të njohur Sisley. Vjen në paketim 200 ml dhe sipas prodhuesit, shërben për rigjenerim të flokëve.

Për më shumë lloje, kliko KËTU

Sipas mundësive, për këpucë, sidomos ato të dimrit nuk është mirë të kursehet. Për të marrë një palë këpucë që do t’ju bëjnë rehat e do t’ju mbajnë ngrohtë, duhet të ndani të paktën 50 euro.

Në fakt edhe vështirë gjeni më lirë nëpër dyqane.

Më tregun online gjeni me dhjetëra lloje duke kërkuar me fjalët kyç “Këpuca”, “këpucë dimërore” apo edhe “çizme” dhe platforma SaKushton ka krahasuar çmimet e tyre.

Për fëmijë

Këpucët më të lira për fëmijë mbi këtë çmim të vendosur si minimum, i gjeni në Office. Janë të thella nga goma dhe materiali i papërshkueshëm nga uji. Janë të koleksionit vjeshtë-dimër 2022 dhe të brendit Kander. Kushtojnë 55 euro. Kombinimi i ngjyrave është kaltër, zi dhe bardhë dhe janë për djemë.

Më të njëjtin çmim, në Office mund të porosisni edhe këpucët e thella për vajza. Janë ngjyrë vjollcë dhe të brendit Richie Td. Po ashtu janë me material të papërshukeshëm nga uji.

Për femra

Këpucët më të lira për femra i gjeni në Office. Janë të thella dhe të brendit Escape Plan. Ofrohen dy ngjyra: Kaftë dhe Zi dhe kushtojnë 80 euro.

Në Office gjeni edhe këpucët Mizar për 110 euro. Janë nga lëkura dhe me fund të trashë gome, që ju mundëson të shmangni lagështinë nëpër rrugë.

Këpucët për femra shkojnë deri në 260 euro, para që duhet të ndahen për këpucët e thella të brendit Jadon. Janë me lidhëse dhe me fund të trashë gome.

Për meshkuj

Për meshkuj, definitivisht ka shumë më tepër zgjidhje. Këpucët më të lira i gjeni në Gjirafa50. Janë të thella, ngjyrë e kafe dhe kushtojnë 49.22 euro. Janë të punuara për të ecur edhe nëpër borë me to. Brendi është Lahti.

Nëse dëshironi këpucë të thella me dizajn unik, atëherë për 65.90 euro në Gjirafa50 mund t’i porositni ato të brendit Magnum. Janë prej lëkure të zezë me mbrojtje nga uji.

Në Office, për 75 euro i gjeni këpucët e brendeve Kabru dhe Baltoro. Të parat janë nga materiali që nuk lejon përshkimin e ujit dhe me ngjyrë të zezë e të gjelbër mbyllët, kurse të dytat të zeza, nga lëkura dhe materiali.

Këpucët më të shtrenjta për meshkuj i gjeni në Gjirafa50. Janë të thella dhe të brendit Adidas, modeli Terrex. Kanë mbrojtje nga uji dhe janë me ngjyrë të zezë, ndërsa fundin e gomës e kanë të kombinuar edhe me pak bardh.

Një xhaketë e ngrohtë dhe në të njëjtën kohë e bukur si dizajn, është e gjitha që ju duhet për këtë dimër.

Në tregun online gjeni me dhjetëra lloje, duke kërkuar më fjalët “xhaketë dimri” apo “jakne dimri” dhe platforma SaKushton ka analizuar e krahasuar çmimet e tyre.

Për fëmijë

Xhaketën më të lirë për fëmijë e gjeni në Gjirafa50. Është e brendit të njohur Nike dhe kushton 66 euro. Ka ngjyrë të zezë dhe numër L. Ka edhe kapelë.

Për 88 euro, në këtë dyqan gjeni edhe montin Nike. Po ashtu është për fëmijë, ngjyrë e zezë dhe brend Nike.

Për femra

Xhaketën më të lirë për femra mund ta porosisni në Gjirafa50. Ka ngjyrë të bardhë, numri L dhe është i brendit Jacqueline de Yong. Është mont.

Xhaketën më të shtrenjtë për femra e gjeni po në Gjirafa50. Kushton 293.35 euro dhe është e brendit Roxy Ellie. Është e gjatë deri në gjunjë dhe ka ngjyrë të kaltër.

Për meshkuj

Edhe për meshkuj ka shumë zgjidhje. Xhaketën më të lirë e gjeni në PemaMall. Është Adidas, ka ngjyrë të kaltër të mbyllur dhe është me patentë e pa kapele.

Në Gjirafa50, xhaketën më të lirë për dimër e gjeni atë të brendit Nils Black. Është numër XXL dhe kushton 79.15 euro.

Xhaketa më e shtrenjtë në tregun online mund të blihet në Gjirafa50. Është e brendit QuickSilver, e gjatë dhe kushton 281.52 euro. Ka ngjyrë të zezë dhe kapela është e mbështjellë me lesh. Numri është L.

Në stinën e dimrit, një prej problemeve më të mëdha për çdo familje, është tharja e rrobave. Jashtë nuk thahen e brenda, shpesh s’kemi ku t’i shtrijmë.

Andaj zgjidhja më e mirë është një rrobatharëse dhe platforma SaKushton ka analizuar e krahasuar çmimet e tyre.

Nëse kërkoni online, atëherë përdorni fjalët “rrobatharëse”, pastaj “tharëse për rroba” dhe “makinë për tharje”.

Dhe, një e tillë më së liri kushton në PemaMall. Rrobatharësja e brendit EcoLux kushton 249.90 euro. Ka kapacitet 8 kg dhe i përket kategorisë B kur bëhet fjalë për shpenzim të energjisë.

Për 20 euro më shumë, në këtë dyqan e gjeni rrobatharësen Nordic.

Në 75Mall, rrobatharësen më të lirë e gjeni për 299.90 euro me zbritje nga 339.90. Është e brendit slloven Gorenje, ka kapacitet 7kg dhe 16 programe. Kullimi i ujit bëhet përmes gypit, e jo si të tjerat që posedojnë rezervuarin.

Në Gjirafa50, rrobatharësen më të lirë e gjeni për 324.42 euro. Është brend italian, Indesit dhe ka kapacitet 6 kg.

Në Aztech, rrobatharësen më të lirë e gjeni atë të brendit të njohur Samsung. Ka kapacitet 7 kg i përket kategorisë A++ për shpenzim të energjisë.

Rrobatharësen më të shtrenjtë e gjeni në Gjirafa50. Kushton 1009.86 euro dhe është e brendit Miel. Ka kapacitet 7 kg.

Në treg gjeni edhe makina të kombinuara, rrobalarëse dhe rrobatharëse. Një të tillë më së liri e gjeni në Gjirafa50. Ajo e brendit Indesit, kushton 466.17 euro. Kapaciteti për larje është 7 kg e për tharje 5.

Rrobat e veçanta, helmeta, maska që vihet përfundi helmetës për të pritur frymën, syzet, dorëzat, çorapet, çanta dhe natyrisht skijat, janë e gjitha që ju duhen për të skijuar.

Platforma Sa Kushton ka hulumtuar dhe ua sjell çmimet më të lira të këtyre pajisjeve, e të cilat mund t’i gjeni në tregun online me lehtësi.

Nisim nga më të lirat.

Maskën më të lirë e gjeni në Gjirafa50. Është e zezë dhe e brendit Magnum. Është prej pambuku për përthithje të djersës dhe kushton 13.40 euro. Për 14.14 euro në këtë dyqan e gjeni maskën e brendit të njohur Hi-Tec.

Çorapet më të lira për skijim, që janë të gjata e të trasha, i gjeni në Gjirafa50 më së liri. Janë me ngjyra të shumta, të brendit Brugi dhe kushtojnë 14.61 euro. Ofrohen numra të ndryshëm.

Çantën më të lirë për skijim e gjeni në 75Mall. Është e brendit Forcë Twin, ngjyrë hiri. Ka rripat për t’u lidhur përpara në mënyrë që të mos u bie gjatë skijimit dhe kushton 25 euro.

Syzet për skijim, më së liri mund t’i gjeni në Gjirafa50. Janë të brendit Arctica-G dhe kushtojnë 49.17 euro. Ofrohen dy lloj ngjyrash: kaltër dhe zi.

Në Gjirafa50 gjeni edhe pantallonat e xhaketën më të lirë për skijim. Pantallonat me rrip, ngjyrë e zezë dhe të brendit Hi-Tec, kushtojnë 62.09 euro, ndërkohë xhaketa më e lirë është ajo e brendit Elbrus. Është e zezë me patent të kuq dhe kushton 65.86 euro.

Helmeta më e lirë kushton 65 euro, në Gjirafa50. Është e zezë dhe e brendit Marker Squad.

Këpucët më të lira të skijimit mund t’i gjeni në Gjirafa50. Janë të brendit Dalbello dhe kushtojnë 117 euro. Janë gjelbër e zi dhe janë nr. 38, që mund të jenë të përshtatshme për femrat.

Dorëzat e mira janë më së të nevojshme për skijim. Në kohë të acarta, dorëzat kryejnë shumë punë. Më të lirat janë ato prej pambuku e që kushtojnë 10.94 euro, ndërkohë nga ato të mirat, më të lirat janë dorëzat e brendit Viking. Janë profesionale dhe kanë edhe pjesën e plastikës nga ana e jashtme për të rrëzuar portat në sllallom.

Për të parë më shumë oferta, kliko KËTU

Një klikim me emrin e produktit që ju intereson jo gjithëherë mund t’ua shfaqë vetëm atë që e keni kërkuar, për shkak të lidhjeve që kompanitë shitëse bëjnë përmes “key words”.

Por platforma SaKushton e ka të thjeshtëzuar kërkimin dhe ka mjete për të filtruar llojet e produkteve që kërkoni.

Për shembull, nëse kërkoni qumësht, atëherë pos qumështit si produkt, mund t’ju shfaqen edhe produkte të tjera që përmbajnë qumësht dhe ta bëjnë më të vështirë përzgjedhjen.

Por çka duhet bëni ju?

Në krye të faqes SaKushton, keni hapësirën për kërkim. Aty e shkruani emrin e produktit që ju intereson. Për shembull, qumësht.

Në të djathtë të fushës së kërkimit janë edhe dy të vogla për të përcaktuar çmimin minimal dhe atë maksimal dhe fare në të djathtë butoni “kërko”, mbi të cilin duhet të shtypni në fund.

Në rastin e qumështit si shembull, e dini se një litër sot kushton mesatarisht 1.10 euro. Në këtë rast, pasi të keni shkruar në fushën e kërkimi fjalën qumësht, ju mund të shkruani te fusha për çmim minimal 0.9 euro dhe te fusha për çmim maksimal 1.20 euro.

Pas kësaj shtypni butonin e kaltër “kërko” dhe do t’ju shfaqen vetëm qumështi dhe ndonjë produkt i qumështit që kushton nga 0.9 deri në 1.20 euro, çmim i përcaktuar nga ju.

Njëlloj veproni me të gjitha produktet që ju interesojnë, duke shkruar emrin e produktit, duke përcaktuar çmimet minimale e maksimale orientuese dhe duke shtypur butonin “kërko”.

Risia e fundit e platformës më të madhe për kërkim online të produkteve të ndryshme, SaKushton, është lista favorite.

Me pak klikime, ju mund të krijoni një listë të produkteve që ju interesojnë dhe t’i monitorini në vazhdimësi se si lëvizin çmimet e tyre.

Si funksionon?

Pasi të hapni faqen kryesore, në ballinë do t’ju shfaqen produktet më të kërkuara, me qindra të shpërndara në dhjetëra faqe, njëra pas tjetrës.

E gjitha që ju duhet të bëni është që përskaj produkteve që ju interesojnë të klikoni mbi një zemër të vogël, që fillimisht është e zbrazët.

Dhe pasi të keni krijuar listën e dëshiruar, lart në faqe është rubrika “Produkte të dëshiruara”. Kur të klikoni aty, do t’ju shfaqen produktet që i keni selektuar dhe i monitoroni çmimet që përditësohen çdo ditë.

Kjo listë në çdo kohë mund të rritet me produkte të reja, duke ndjekur shembullin e njëjtë – klikim mbi zemrën skaj produktit apo duke e filtruar listën – po me një klikim mbi zemrën tashmë të ngjyrosur me të kaltër.

Lista e çmimeve favorite ruhet vetëm në pajisjen që e keni krijuar atë, gjë që ju jep mundësinë të krijoni, për shembull, një listë në laptop e një tjetër në telefon.

Tashmë është traditë që festat e fundvitit të priten me shtëpi e oborre të dekoruara. E ky dekorim nuk mungon as në ambientet e brendshme, nëse vendosni të blini një bredh dhe stoli për të.

Në tregun online gjeni shumë lloje të bredhave artificial, të stolive e të dritave të ndryshme për të, dhe platforma SaKushton ka analizuar e krahasuar çmimet e tyre.

Bredh

Bredhin më të lirë artificial me madhësi relativisht të vogël, 60 cm, e gjeni në Jysk. Ka degë të shpeshta dhe kushton 20 euro. Për pak më shumë para, në Jysk, gjeni bredhin 180 cm të gjatë. Kushton 25 euro.

Në Gjirafa50, bredhin më të lirë e gjeni për 78.40 euro. Është me degë të shpeshta dhe i gjatë 150 cm.

Në këtë dyqan e gjeni edhe bredhin më të shtrenjtë dhe më madh – 210 cm dhe që kushton 83.53 euro.

Stoli

Kur bëhet fjalë për stolitë për bredh, atëherë zgjidhja është shumë më e madhe. Stolitë më të lira i gjeni në Gjirafa50. Seti me gjashtë topa dekorativ, ngjyrë të kuqe me shkëlqim, kushton 0.99 euro.

Në Jysk, kompleti me dy topa në formë të kokës së drerit, kushton 1.20 euro.
Në 75Mall, stolinë më të lirë për bredh e gjeni për 1.47 euro. Është një lloj varëse.

Ndërkohë në PemaMall, mund të gjeni një rreth me degë bredhi për ta ngjitur për shembull në derë të hyrjes. Ka disa topa dekorues, drita dhe kushton 9.99 euro.

Drita

Dritat më të lira për stolisje të bredhit i gjeni në Jysk. Vargu i dritave m10 kushton vetëm 1.50 euro. Është ndriçim LED. Gjeni edhe shumë lloje të dritave dhe me ndriçime të ndryshme. Në Jysk, dritat më të shtrenjta janë ato Markasit me m/2000LED – kushtojnë 90 euro. Janë edhe me kohëmatës.

Për të parë ofertat për bredha dhe për stoli bredhash, kliko KËTU
Për të parë ofertat për drita të bredhit dhe të tjera, kliko KËTU

Qendrat e fitnesit janë zgjidhje më e mirë për ata që kanë kohë dhe mundësi. Por stërvitje mund të bëhen edhe në shtëpi. Dhe me pak para investim në pajisje dhe me ndihmën e ndonjë aplikacioni, ju mund të stërviteni edhe në shtëpi.

Platforma SaKushton ka analizuar e krahasuar çmimet e pajisjeve të domosdoshme që ju duhen për stërvitje në shtëpi.

Në tekstin e kaluar kemi shkruar për pajisjet që ju duhen nëse vendosni të shkoni në qendra fitnesi dhe atë mund ta lexoni KËTU.

Qilim fitnesi

Si pajisje e parë, ju duhet një shtrojë, që mund ta gjeni edhe duke kërkuar si ‘qilim fitnesi’. Është shtrojë gome me thumba dhe ka edhe njëlloj jastëku.

Është XXL, pra prej të mëdhave dhe e gjeni në Gjirafa50 për 37.17 euro.

Top fitnesi

Topi i madh i gomës është i domosdoshëm për shumë ushtrime që i kryeni në shtëpi. Në 75Mall e gjeni topin më të lirë – 3.40 euro, por është i vogël, vetëm 20 cm diametër.

Top të madh fitnesi, më së liri e gjeni në Intersport. Kushton 7 euro dhe është i brendit Enegetics. Ofrohen disa ngjyra.

E nëse kërkoni diçka më profesional, atëherë në Gjirafa50, e gjeni topin Tiguar 15 kg të rëndë. Kushton 75.15 euro.

Litar fitnesi

Pajisje shumë e rëndësishme është edhe litari. Në treg gjeni me bollëk dhe më së liri një të tillë e ofron 75Mall. Kushton 3.40 euro dhe ofrohen disa ngjyra.

Në Intersport, litari Nike kushton 14.40 euro.

Gomë elastike

Një gomë elastike me dy dorëza është po ashtu pajijse që iu duhet, sidomos për zgjerim të krahëve. Më së liri e gjeni në 75Mall – 3.90 euro.

Pesha të ndryshme

Nëse stërviteni në shtëpi nuk do të thotë se nuk mund të çoni pesha. Në treg ka disa lloj peshash, e për shtëpi e ushtrime të ndryshme iu mjaftojnë peshat e vogla.

Në Gjirafa50, i gjeni peshat që lidhen për duar e këmbë teksa ushtroni. Pakoja i ka dy copë nga 1 kg dhe komplet kushtojnë 6.60 euro.

Në 75Mall, gjeni pesha që vihen në shtangë apo edhe me dorëz. Për shtangë kushton 6.90 euro dhe ka peshë 1.25 kg, kurse ajo me dorëz kushton 6.95 euro dhe ka peshë 2 kg.

Stol fitnesi

Nëse e keni ndërmend të zgjeroheni pak më shumë, atëherë ju duhet edhe një stol për stërvitje të shumta apo siç njihet fitness bench. Më së liri e gjeni në InterSport – 80.50 euro. Është e brendit Energetics.

Për më shumë lexoni në këto linqe: 1 dhe 2

Pagesa e qendrës së fitnesit, është vetëm hapi i parë për të nisur një rutinë më të shëndetshme.

Nëse vendosni t’i qaseni më seriozisht fitnesit, iu duhen edhe disa pajisje dhe platforma SaKushton ka analizuar e krahasuar çmimet e tyre në tregun online.

Bëhet fjalë për të tilla që nuk i gjeni në qendër fitnesi, krejtësisht personale, pasi të tjerat i keni paguar tashmë për t’i shfrytëzuar.

Dorëza fitnesi

Nëse kërkoni dorëza fitnesi për të mos dëmtuar shuplakat e duarve teksa ngrini pesha të mëdha, atëherë më së liri i gjeni në dyqanin online 75Mall.

Dorëzat LiveUp, i gjeni për 4.90 euro. Janë pa majën e gishtërinjve. Në këtë dyqan gjeni edhe disa lloje të tjera.

Ndërkohë, dorëza gjeni edhe në dyqane të tjera. Në Gjirafa50, dorëzat më të lira të fitnesit kushtojnë 12.85 euro. Janë të brendit Spokey dhe të hirta.

Fanellë për fitnes

Nëse kërkoni fanellë fitnesi, atëherë preferohet të jetë e gomës, meqë pambuku e përthith djerësen dhe mund t’ju shkaktojë ftohje.

Më së liri këto lloj fanellash i gjeni në Gjirafa50. Janë të brendit Tempish dhe ofrohen disa ngjyra. Çmimi për copë është 14.71 euro.

Nëse kërkoni brend më të njohur, atëherë e gjeni fanellën e Nike për 20.41 euro, po në Gjirafa50. Është ngjyrë e gjelbër, me mëngë të shkurtëra. E nëse dëshironi me mëngë të gjata, atëherë duhet të ndani 29.85 euro. Është Nike dhe ngjyrë hiri.

Gotë për fitnes

Dikush preferon të marrë ujin prej shtëpisë e dikush ka nevojë t’i tretë proteinat para stërvitjes. Për këtë, ju duhet një gotë e veçantë, mundësisht termike. Më së liri këtë lloj gote e gjeni në Gjirafa50. Me zbritje nga 39.10 euro tash kushton 29.09 euro. Është e brendit Contigo.

Çantë për fitnes

Ndër të tjera, ju duhet edhe çantë sportive për t’i bartur gjithë këto pajisje. Më së liri një çantë të tillë e gjeni në 75Mall. Është e brendit WorldPack, ngjyrë e zezë dhe kushton 6 euro me zbritje nga 12 sa ishte më herët.

Nëse kërkoni brend më të njohur, atëherë në Gjirafa50, gjeni çantën Nike për 23.07 euro. Është e kuqe me pak zi dhe me logon e brendit ngjyrë të bardhë.