Për ata që kanë fëmijë të vegjël, është produkt i pashmangshëm. Pelenat sot janë të shumta në tregun online, ku gjeni të brendeve e të madhësive të ndryshme.

Platforma SaKushton ka analizuar e krahasuar çmimet e tyre.

Pelenat më të lira i gjeni në rrjetin e dyqaneve Spar. Ofrohet brendi Nappies, me madhësi 3 me çmim 4.99 euro. Paketimi i ka dhe 26 copë.

Për të njëjtin çmim e merrni edhe paketimin me pelena të madhësisë Max, e që i ka 24 copë, pra dy më pak. Ofrohen edhe pelena “junior”, pra për më të rritur.

Në Maxi, pelenat më të lira kushtojnë 6.09 euro. Janë të brendit Eco dhe për fëmijë me peshë nga 2 deri në 5 kg. Paketimi i ka 27 copë.

Për 0.5 euro më shumë, në Maxi e gjeni paketimin e brendit Moltex. Është për fëmijë me peshë nga 4 deri në 9 kg dhe i ka 32 copë.

Në Gjirafa50, paketimin e Moltex për moshën 11-16 kg e gjeni po ashtu për 6.59 euro.

Në Gjirafa gjeni edhe shumë lloje të tjera. Ndër më të lirat është pelena e brendit Huggies. Paketimi me 24 copë, i madhësisë 2, kushton 6.99 euro.

Në Gjirafa50, gjeni edhe pelena të veçuara për djem dhe vajza. Janë me ngjyrë të kaltër dhe rozë. Këtë lloj të pelenave e ofron brendi DryNites. Paketimet më të lira janë ato për fëmijë pak më të rritur, të moshës 8-15 vjeç. Paketimi i ka 9 pelena dhe kushton 8 euro.

Pelena ofron edhe dyqani online 75Mall. Pelenat e brendit Kit&Kin, për fëmijë me peshë 2, 2.5 deri në 8 kg kushtojnë 16.90 euro. Paketimi i ka 40 copë.

Dhe paketimi më i shtrenjtë mund të blihet në Gjirafa50, por është edhe më i madhi, pasi i ka 169 copa dhe është i brendit të njohur Pampers. Janë për fëmijë me peshë 9 – 14 kg dhe paketimi kushton 83.31 euro.

Për të parë më shumë, kliko KËTU

Në këtë kohë kur viruset sezonale janë në kulmin e tyre, nuk ka më mirë se të përdoret sa më shumë çaji.

Disa ditë më herët kemi shkruar për llojet e çajeve dhe se ku mund t’i gjeni më së liri (tekstin lexojeni KËTU), derisa në këtë tekst, po ua prezantojmë çajnikët.

Çajnikët janë shumë praktikë dhe të shpejtë në përgatitjen e çajeve, kafeve apo edhe për ngrohje të ujit, për çkado qoftë dhe platforma SaKushton ka analizuar e krahasuar çmimet e tyre.

Dy çajnikët më të lirë i gjeni në dyqanet online Gjirafa 50 dhe PemaMall me çmim 9.10 euro. Të dy janë çajnikë të brendit Lemart dhe me vëllim të ujit, 1.5 litër. Janë nga xhami dhe me dorëz të plastikës ngjyrë të gjelbër.

Në PemaMall, për 10 centë më shumë gjeni çajnikun e brendit Lamart me vëllim 1 litër, por me kapak dhe dorëz të plastikës ngjyrë e zezë.

Në Gjirafa50 gjeni shumë lloje të çajnikëve. Për 10 euro, mund ta porosisni çajnikun e brendit Lemart. Është nga xhami dhe plastika e qëndrueshme. Në brendësi ka një sitë për të kulluar çajin dhe kafen e bluar. Ka vëllim 1 litër.

Nëse kërkoni çajnik të inoxit, lyer me ngjyrë bakri, në Gjirafa50 dhe PemaMall i gjeni për 15.30 euro. Kanë vëllim prej 2 litra. Kanë edhe bilbil për sinjalizim kur uji ngrohet mjaftueshëm.

Por jo çdokush shikon të blejë më lirë. Ka edhe të tillë që duan kualitet, por edhe të duket bukur çajniku kur qëndron në kuzhinë. Nëse kërkoni një të tillë, e gjeni në Gjirafa50. Është i brendit Fellow Clara French dhe kushton 209.66 euro. Është i zi, me material inoxi brenda dhe me dorëz e kapak prej druri të qëndrueshëm ndaj nxehtësisë.

Për më shumë, kliko KËTU

Ky nuk është një prej dimrave të zakonshëm me shumë borë dhe ngrica. Por kjo nuk do thotë se nuk ka borë nëpër qendrat e skijimit dhe se nuk do të kënaqeni.

Nëse jeni adhurues i skijimit, atëherë në tregun online gjeni me dhjetëra lloje të pajisjeve për ski.

Platforma SaKushton ka analizuar e krahasuar çmimet e tyre. Shkojmë nga lartë poshtë, pra nga helmeta te këpucët e skijave.

Helmeta

Helmetën më të lirë e gjeni në Gjirafa50. Kushton 50 euro, është e bardhë me përmasa 58×62 cm dhe e brendit BatFox. Gjeni edhe shumë lloje të tjera, ndërkohë më e shtrenjta, mund të porositet po në Gjirafa50 dhe kushton 369.62 euro. Është e zezë dhe e brendit Giro Range.

Syzet

Syzet duhet të jenë domosdo të mira. Këtu mos kurseni, pasi bëhet fjalë për pamjen tuaj. Syzet më të lira i gjeni në Gjirafa50. Janë për fëmijë, të verdha dhe të brendit Giro. Kushtojnë 64.99 euro. Me të njëjtin çmim i gjeni edhe syzet e këtij brendi për të rritur. Ofrohet ngjyra e kuqe. Syzet më të shtrenjta të skijimit, mund të blihen në Gjirafa50 dhe kushtojnë 329.40 euro. Janë të brendit Giro.

Xhaketa

Sa u përket xhaketave të skijimit keni më shumë zgjidhje. Por kujdes, në dorën e majtë duhet të ketë një xhep me patent për të futur kartelën e ski-liftit. Xhaketa më e lirë është ajo për femra. Mund ta porosisni në Gjirafa50, është e kaltër e mbyllët dhe e brendit Brugi. Kushton 65.77 euro. Po në Gjirafa50 dhe po të brendit Brugi, e gjeni edhe xhaketën më të shtrenjtë në tregun online. Është kuq e zi dhe kushton 141.36 euro.

Dorëzat

Kujdes me dorëzat. Këtu nuk duhet të kurseni. Duhet t’i blini të mira dhe që u rezistojnë të ftohtit, pasi ndryshe, në një ditë të ftohtë mund “t’u ngrihen” gishtërinjtë. Dorëzat më të lira i gjeni në Albi Online. Kushtojnë 33 euro, por nuk janë prej atyre më të mirave. Për pak më shumë, në Gjirafa50, i gjeni dorëzat Hi-Tec. Janë të zeza dhe kushtojnë 42.62 euro.

Shkopinj

Për shkopinj ka pak zgjidhje në tregun online. Është e vetmja Gjirafa50 që ofron një lloj shkopinjsh për skijim. Janë prej karboni, ngjyrë hiri dhe të brendit Nils Extreme. Kushtojnë 40.90 euro.

Pantollonat

Pantollona gjeni në disa dyqane nëse kërkoni online. Më të lirat janë në InterSport. Janë pantallona për fëmijë, të zeza dhe brendit McKinley. Kushtojnë 35 euro. Në Gjirafa50, i gjeni pantallonat e zeza për të rritur të brendit Hi-Tec dhe kushtojnë 44.51 euro. Pantollonat më të shtrenjta i gjeni po në Gjirafa50. Janë ngjyrë portokalli, brendi Woox dhe kushtojnë 128.81 euro.

Këpucët

Këpucët po ashtu janë prej pajisjeve të skijimit që kushtojnë shumë. Më të lirat janë natyrisht ato për fëmijë dhe i gjeni në Gjirafa50. Janë ngjyrë verdhë e kaltër, numër 31 dhe të brendit të njohur Dalbello. Kushtojnë 83 euro. Për të rritur, numër 40, janë 135 euro, ngjyrë zi e bardhë, ndërkohë sa më i madh numri, rritet edhe çmimi. Më të shtrenjtat janë numër 42.5 të brendit Dalbelo, modeli Quantum. Janë zi e verdhë dhe kushtojnë 460 euro.

Skijat

Pa to nuk bën hiq dhe janë zakonisht më të shtrenjtat prej të gjitha pajisjeve, bashkë me këpucët. Skijat më të lira në tregun online i gjeni në Gjirafa50. Janë për fëmijë, me gjatësi 120 cm dhe kushtojnë 110 euro. Janë të brendit të njohur Volk. Për të rritur, po në Gjirafa50, gjeni skija me gjatësi 183 dhe 184 cm. Janë të brendit Scraper dhe kushtojnë 468 e 510 euro.

Natyrisht, për skijim u duhen edhe ca gjëra të imëta, si maska që vëni përfundi helmetës atëherë kur ka frymë, pastaj çorapët e gjata dhe një çantë, po patët dëshirë të mbani diçka me vete.

Nëse nuk ka reshje të borës, nuk do të thotë se nuk duhet të blini shall, kapele dhe dorëza për dimër.

Ato, sidomos shalli, shpesh mund të jenë edhe pjesë e stilit tuaj të veshjes.

Në tregun online ka disa lloje të shallave, kapeleve e të dorëzave dhe platforma SaKushton ka analizuar e krahasuar çmimet e tyre.

Shall

Shallin më të lirë e gjeni në Gjirafa50. Është shall i brendit Art of Polo dhe kushton 7.22 euro. Ka ngjyrë të gjelbër të çelët dhe është 100 për qind nga akriliku. Ka dimensione 70×170 cm. Është unisex.

Për pak më shumë – 8.31 euro, po në Gjirafa50 gjeni shallin multifunksional. Mund të përdoret si shall në disa forma, por edhe si kapele. Është brend Hi-tec.

Në AlbiOnline gjeni disa lloje të shallave, më i liri 8.95 euro, por nuk ka më shumë të dhëna. Në këtë dyqan e gjeni edhe shallin më të shtrenjtë, por nuk ka ndonjë specifikë më shumë se “shall me logo”. Kushton plot 219 euro.

Nëse kërkoni shall për fëmijë, atëherë në Dormeo gjeni atë bashkë me kapuç. Seti kushton 13.45 euro dhe është brend Emotion Owl.

Dorëza

Nëse kërkoni dorëza, atëherë më së liri i gjeni në dyqanin Carnival. Dorëzat për femra Keddo, nga lëkura artificiale dhe të hirta, kushtojnë 5.90 euro me zbritje. Çmimi i rregullt është 10.90 euro. Për të njëjtin çmim i gjeni edhe modele të tjera.

Në AlbiOnline gjeni dorëzat e thurura për 16.99 euro. Nuk ka më shumë sqarime, pasi sajti i dyqanit është në rikonstruksion.

Dorëza gjeni edhe në Gjirafa50. Ato të brendit Magnum për meshkuj kushtojnë 29.72 euro. Janë ngjyrë hiri.

Kapele

Për kapele ka edhe më shumë zgjidhje. Më të lirën të thurur e gjeni në Maxi. Një kapelë për femra pa ndonjë markë të specifikuar, kushton 1.19 euro.

Në Gjirafa50, gjeni kapelen Art of Polo, të thurur me fije pambuku. Është për meshkuj, ngjyrë gri dhe kushton 3.07 euro.

Në Carnival, gjeni kapelen Keddo, unisex, për 4.90 euro. Është ngjyrë e kafët.

Në PemaMall, kapelën më të lirë të dimrit, e gjeni për 8 euro. Është brendi Premium, për meshkuj dhe ka ngjyra kaltër e gjelbër.

Në këtë dyqan gjeni edhe kapelën e dimrit më të shtrenjtë në tregun online. Është brend Adidas dhe nga pambuku. Kushton 18 euro.

Kompania Xiaomi ngadalë po futet në treg dhe po rreshtohet mes gjigantëve të teknologjisë dhe më gjerë. Kjo kompani kineze nuk është se është e koncentruar në një produkt për t’u identifikuar më të, por ofron zgjidhje më të lira për shumë produkte.

Platforma SaKushton ka veçuar dhjetë prej tyre dhe ua ofron çmimet më të lira.

1. Produkti më i lirë i Xiaomit nëse kërkoni online, është një çantë për laptop. Është rezistente ndaj shiut, ngjyrë hiri e mbyllët dhe mund ta porosisni në 75Mall për 8.90 euro.
2. Për pak më shumë centë, 8.99 euro, në Aztech mund të porosisni kufjet Xiaomi MI Basic. Ka gjatësi të kabllos 1.2 metra, ka mikrofon dhe kontrollor zëri.
3. Në 75Mall, gjeni mbushësin për veturë Xiaomi. Nga 14.90 euro mund ta porosisni për 11.90 euro.
4. Nga Xiaomi gjeni edhe pajisje për fitnes. Për shembull për 16.90 mund ta blini një litar, për ushtrime të këmbëve e duarve, që ka një peshë specifike kur ta tërhiqni. Ofrohet me pesha 5, 10 dhe 14 kg. Sa më shumë kilogramë t’i ketë të përshkruar, më vështirë zgjatet. Këtë pajisje e gjeni në 75Mall.
5. Në Aztech, gjeni Routerin e Xiaomit për 17.99 euro. Ka katër antena, 2.4 Ghz, 300 Mbps e 64 Mb.
6. Produkti i gjashtë në këtë listë është rripi i orës Xiaomi. Në Gjirafa50, gjeni rripa të gomës për modelin Redmi Lite 2 me çmim 18.47 euro. Është ngjyrë e gjelbër.
7. Në 75Mall, gjeni “mousin” me wireless. Është i bardhë dhe kushton 19.90 euro.
8. Në Gjirafa50, mund të porosisni peshoren Xiaomi. Kushton 28.11 euro dhe është “smart”. Po ashtu, ky është çmim me zbritje, pasi ai i rregullt është 31.02 euro.
9. Dhe ndoshta, telefonat janë produkti më i njohur i kësaj kompanie. Telefoni më i lirë i Xiaomit mund të blihet në Gjirafa50. Është modeli Redmi 9A dhe kushton 150.49 euro. Ka 2 GB Ram dhe 32 GB memorje për ruajtje. Është me dy kartela.
10. Edhe me brende të Xiaomit mund të shpenzoni para. Për shembull, kompania ofron edhe skuterë. Skuterin elektrik më të lirë të këtij brendi e gjeni në Neptun. Kushton 499 euro, por nëse e keni kartelën Happy, e merrni për 429 euro. Ka bateri 300 W, shpejtësi maksimale 25 km dhe mund të përshkoni deri në 20 km me një mbushje. Pesha maksimale është 100 kg.

Për të parë më shumë produkte të Xiaomit, kliko KËTU

Kokoshkë apo pupagjel. Quajini si të doni, fjalori i gjuhës shqipe i njeh të dyja variantet dhe janë ushqimi më i mirë që mund të na shoqërojë teksa shohim një film apo një ndeshje sportive.

Shumë nga të rinjtë mund t’i njohin edhe si “pocorn”, por ka pak rëndësi kjo.

Dhe për të mos e prishur tiganin, për të mos e çuar dëm punën tuaj, ju preferojmë pajisjet e veçanta për kokoshka. Për më tepër, secila punon me ajër të nxehtë, çka do të thotë se e eliminoni përdorimin e vajit.

Në tregun online ka shumë lloje të aparateve të kokoshkave dhe platforma SaKushton ka analizuar e krahasuar çmimet e tyre.

Pajisjen më të lirë për kokoshka e gjeni PemaMall. Atë të brendit Zilan e gjeni me zbritje nga 23 euro në 16.90 euro.

Në Gjirafa50, e gjeni pajisjen e brendit polak Esperanza me çmim 22.60 euro me zbritje. Çmimi i rregullt është 24.37 euro.

Në këtë dyqan online gjeni edhe shumë lloje të tjera të aparateve. Për 31.48 euro mund të porositni aparatin e brendit gjerman Clatronic. Ky çmim është me zbritje, pasi ai i rregullt është 35.22 euro.

Në Gjirafa50, është edhe aparati më i shtrenjtë që ofrohet në tregun online. Ai i brendit italian Ariete kushton me zbritje 63.31 euro. Çmimi i rregullt është 71.74 euro.

Për të parë më shumë lloje, kliko KËTU

Në këtë kohë të viruseve sezonale, gjëja kryesore është të hani shëndetshëm dhe të pini sa më shumë lëngje. E kur bëhet fjalë për lëngjet, atëherë çaji, çfarëdo qoftë ai, zë vendin kryesor.

Në tregun online gjeni me dhjetëra e dhjetëra lloje të çajeve dhe platforma SaKushton ka analizuar e krahasuar çmimet e tyre.

Në treg gjeni çaje me filtera, por edhe si pluhur në paketime të ndryshme, e që duhet ta kulloni.

Çajin më të lirë e gjeni në Maxi e-Shop. Paketimi i brendit Lyod, me çaj të gjelbër e shije limoni, kushton 0.59 euro. Paketimi i ka 20 qese.

Të njëjtin çaj në Begmart, që është edhe më i liri në këtë dyqan, e gjeni për 1.08 euro.

Për 1.20 euro, në Begmart, mund të porosisni çajet kamomil dhe mentë, po ashtu të brendit Loyd.

Për pak më shumë, 1.32 dhe 1.38 euro, në Begmart, gjeni edhe llojet e çajeve boronicë, frutali mali, brusnicë, pastaj për rritje të imunitetit dhe për qetësim të fytit, atëherë kur keni skuqje.

Në Spar, çajin më të lirë e gjeni për 1.39 euro. Është i brendit Teekanne dhe është çaj i zi. Në Spar, për 1.59 e gjeni çajin e po këtij brendit, por me fruta mali.

Çaj gjeni edhe në Gjirafa50. Më i lirë, është paketimi me çaj të gjelbër organik. Paketimi me 20 filtera kushton 1.46 euro.

Çaji më i shtrenjtë, hiç paketimeve të çajit “të rusit” që vjen në paketime të mëdha, është ai Nutra Relax, që e gjeni në Gjirafa50. Paketimi me 20 copë kushton 5.99 euro. Ndihmon për qetësim dhe për gjumë më të mirë.

Për më shumë, kliko KËTU

Dëshironi të rehatoheni me laptop? Atëherë ka shumë zgjidhje, por duhet ndarë pak më shumë mjete.

Një prej zgjidhjeve është për shembull, Macbook Air 13.

Secili prej këtyre modeleve kushton mbi 1.000 euro dhe shkon deri në gati 2.000.

Janë laptopë që kryejnë shumë punë, madje janë edhe për gejmera dhe platforma SaKushton, ka analizuar e krahasuar çmimet e tyre në tregun online në Kosovë.

Laptopin më të lirë MacBook Air e gjeni në Gjirafa50. Me zbritje nga 1.236,50 euro mund ta porosisni për 1.097,27 euro. Ka 8 GB RAM DDR4L dhe 256 GB memorje për ruajte – SSD. Ka ekran 13.3 inch, është ngjyrë e hirtë dhe model M1.

Në PemaMall, të njëjtin laptop, me performanca të njëjta e gjeni për 1.265 euro, pra realisht pa zbritje.

Në Naptun, e gjeni Macbook Air M2, për 1.499 euro. Ka 8 GB RAM dhe 256 GB memorje për ruajtje SSD. Është ngjyrë hiri dhe ka ekran me madhësi 13.6”.

Laptopin me të njëjtat performanca, në Gjirafa50 e gjeni për 1.299 euro, që është me zbritje, pasi çmimi i rregullt është 1.482 euro.

Nga ky lloj i laptopave të kompanisë Apple, më i shtrenjti, por sigurisht edhe me performanca më të mira, ofrohet në Neptun. Modeli M2-8 Core me 8 GB RAM e 512 GB memorje për ruajtje, kushton 1.849 euro. Por në Gjirafa50, i njëjti latop ofrohet me zbritje nga 1.822 euro në 1.629.

Për të parë më shumë oferta, kliko KËTU

Dërrasa për prerje të perimeve e mishit, është e domosdoshme për kuzhinën e gjithësecilit. Së fundi, me dizajnet e bukura që po prodhohen, dërrasat gjithnjë e më shumë po përdorën edhe si pjata për servim të mezeve.

Bëni mirë që për shkak të shëndetit, të mos përdorni ato të plastikës, por vetëm nga druri.

Platforma SaKushton ka analizuar e krahasuar çmimet e tyre në tregun online.

Dërrasa më e lirë mund të blihet në dyqanin online 75Mall. Ka dimensione 30 x 20 cm dhe ka edhe një vrimë në skaj për ta varur dika. Nuk ka ndonjë dizjan dhe kushton 6 euro.

Në Gjirafa50, dërrasa më e lirë kushton 6.38 euro. Pos që shërben për prerje, në skaj ka edhe mprehësin e thikave.

Në PemaMall, dërrasa më e lirë kushton 9.49 euro. Ka dizajnin e drurit dhe pos për prerje mund t’ju shërbejë edhe për servim të ndonjë meze të ftohtë apo edhe të nxehtë. Ka dimensione 35 x 14.5 cm dhe trashësi 1.5 cm.

Nëse kërkoni dërrasa që duken bukur, atëherë në Gjirafa50 e gjeni një që ka dorëzën dhe anash është e mbështjellur me lëvorën origjinale të drurit. Shërben sidomos për servim dhe kushton 15 euro.

Në këtë dyqan gjeni edhe një dërrasë për prerje të djathit dhe pos saj vijnë edhe katër thika speciale për djathë. Kushton 16.29 euro.

Të njëjtën në PemaMall e gjeni për 24.99 euro.

Dhe dërrasa gjeni deri në 51 euro. Kaq kushton një dërrasë në PemaMall. Është e brendit Kasper, shërben më shumë për servim dhe ka dimensione 79 x 25 cm me trashësi 2 cm. Duket sikur një prerje tërthorazi e trungut të drurit. Ka edhe lëvorën e drurit anash.

Për më shumë, kliko KËTU

Sigurisht se e keni dëgjuar atë thënien se “me mbajt kerr, është si me mbajt gjys shpie”, por ndoshta pak prej juve ia keni futur lapsin se sa në të vërtetë shpenzoni brenda një viti për veturën tuaj apo brenda një muaji. Platforma Sakushton po ua sjell një pasqyrë të përafërt, duke përfshirë vetëm shpenzimet që janë të obligueshme, jo edhe prishjet, aksidentet e gjobat e trafikut. Marrin shumbull një veturë me kubikazhë mesatare, 1.7 me lëndë djegëse naftën.

Regjistrimi – 16.9 euro në muaj

Për të regjistruar një veturë me këtë peshë, ju duhet të paguani sigurim 85 euro, pastaj në Qendër të Regjistrimit 77.5 euro, kontroll teknik 30 euro dhe 10 euro për vërtetim të komunës përkatëse. Pra, sipas kësaj formule, për regjistrim shpenzoni 202.5 euro, gjithnjë duke llogaritur se nuk keni pasur aksident ku fajtor jeni shpallur ju. Nëse kjo shifër pjesëtohet për 12 muaj sa ka viti, atëherë për regjistrim brenda muajit shpenzoni 16.9 euro.

Servisimi – 10 euro në muaj

Prap duhet merret një mesatare. Nëse bëni vetëm 1.000 km në muaj, atëherë për çdo 10 muaj duhet t’i bëni servisim veturës. Servisimi me vaj kualitativ, kushton 100 euro. Kjo i bie se për çdo muaj duhet të ndani 10 euro për servisim dhe kështu të vazhdoni çdo 10 muaj të bëni servisim.

Gomat – 25.7 euro në muaj

Për gjatë një viti ju duhen goma të verës dhe të dimrit. Një gomë më e lira sot me numër të madhësisë mesatare 16, kushton 70 euro. Nëse i blini 8 goma, dimër e verë dhe ato i mbani për dy dimra e dy vera, ashtu siç parashohin udhëzimet e sigurisë, atëherë duhet të ndani 560 euro. E kur kjo shumë pjesëtohet për 24 muaj, aq sa i kanë dy vite, i bie se duhet të ndani 23.3 euro në muaj për goma. Nuk mbaron me kaq. Gomat edhe duhet ndërruar e balancuar dy herë në vit dhe kjo kushton 30 euro gjithsej apo 2.5 euro në muaj. E kur kjo i shtohet 23.3 euroshit për blerje të gomave, gjithsej bëhet 25.7 euro në muaj.

Derivate – 113.25 euro në muaj

Nëse për servisim morëm shembull kalimin e 1.000 kilometrave në muaj, atëherë për këtë kilometrazh na duhen 75 naftë, duke llogaritur se mesatarja e shpenzimeve është 7.5L në 100 km. Për t’i blerë këto litra naftë brenda muajit me çmimin aktual (1.51 € / L) na duhen 113.25 euro.

Material shpenzues – 10 euro në muaj

Në fillim thamë se kjo lloj analize e thjeshtë bëhet nëse keni fatin të mos u prishet vetura. Por gjithsesi material shpenzues duhet të paguani. Dhe aty futen frenat, poçet, rripat që kanë afat, bateria e veturës, krahët e rrotave, uji i xhamave e shumëçka tjetër. Minimumi i gjithë kësaj është 120 euro në vit apo 10 euro në muaj.

Pastrimi i veturës – 8 euro në muaj

Jeni apo nuk jeni meraklinj, të paktën dy herë të muaj do ta pastroni veturën. Dhe sot pastrimi më i lirë është 4 euro apo gjithsej 8 euro në muaj.

Totali i shpenzimeve – 183.85 euro në muaj
Nëse të gjitha këto mblidhen, atëherë del se për një veturë mesatare 1.7 me përshkim të një
kilometrazhi mesatar, duhet të ndani 183.85 euro në muaj. Natyrisht e cekëm: pa prishje, pa
aksidente dhe pa gjoba në trafik.
E kjo shumë, sot për sot është më e madhe se paga minimale e përcaktuar me ligj (170 euro) dhe afërsisht gjysma e pagës mesatare sot në Kosovë.
Pra, qëndron thënia “me mbajt kerr është si me mbajt gjys shtëpie”.