Tashmë është traditë që festat e fundvitit të priten me shtëpi e oborre të dekoruara. E ky dekorim nuk mungon as në ambientet e brendshme, nëse vendosni të blini një bredh dhe stoli për të.

Në tregun online gjeni shumë lloje të bredhave artificial, të stolive e të dritave të ndryshme për të, dhe platforma SaKushton ka analizuar e krahasuar çmimet e tyre.

Bredh

Bredhin më të lirë artificial me madhësi relativisht të vogël, 60 cm, e gjeni në Jysk. Ka degë të shpeshta dhe kushton 20 euro. Për pak më shumë para, në Jysk, gjeni bredhin 180 cm të gjatë. Kushton 25 euro.

Në Gjirafa50, bredhin më të lirë e gjeni për 78.40 euro. Është me degë të shpeshta dhe i gjatë 150 cm.

Në këtë dyqan e gjeni edhe bredhin më të shtrenjtë dhe më madh – 210 cm dhe që kushton 83.53 euro.

Stoli

Kur bëhet fjalë për stolitë për bredh, atëherë zgjidhja është shumë më e madhe. Stolitë më të lira i gjeni në Gjirafa50. Seti me gjashtë topa dekorativ, ngjyrë të kuqe me shkëlqim, kushton 0.99 euro.

Në Jysk, kompleti me dy topa në formë të kokës së drerit, kushton 1.20 euro.
Në 75Mall, stolinë më të lirë për bredh e gjeni për 1.47 euro. Është një lloj varëse.

Ndërkohë në PemaMall, mund të gjeni një rreth me degë bredhi për ta ngjitur për shembull në derë të hyrjes. Ka disa topa dekorues, drita dhe kushton 9.99 euro.

Drita

Dritat më të lira për stolisje të bredhit i gjeni në Jysk. Vargu i dritave m10 kushton vetëm 1.50 euro. Është ndriçim LED. Gjeni edhe shumë lloje të dritave dhe me ndriçime të ndryshme. Në Jysk, dritat më të shtrenjta janë ato Markasit me m/2000LED – kushtojnë 90 euro. Janë edhe me kohëmatës.

Për të parë ofertat për bredha dhe për stoli bredhash, kliko KËTU
Për të parë ofertat për drita të bredhit dhe të tjera, kliko KËTU

Qendrat e fitnesit janë zgjidhje më e mirë për ata që kanë kohë dhe mundësi. Por stërvitje mund të bëhen edhe në shtëpi. Dhe me pak para investim në pajisje dhe me ndihmën e ndonjë aplikacioni, ju mund të stërviteni edhe në shtëpi.

Platforma SaKushton ka analizuar e krahasuar çmimet e pajisjeve të domosdoshme që ju duhen për stërvitje në shtëpi.

Në tekstin e kaluar kemi shkruar për pajisjet që ju duhen nëse vendosni të shkoni në qendra fitnesi dhe atë mund ta lexoni KËTU.

Qilim fitnesi

Si pajisje e parë, ju duhet një shtrojë, që mund ta gjeni edhe duke kërkuar si ‘qilim fitnesi’. Është shtrojë gome me thumba dhe ka edhe njëlloj jastëku.

Është XXL, pra prej të mëdhave dhe e gjeni në Gjirafa50 për 37.17 euro.

Top fitnesi

Topi i madh i gomës është i domosdoshëm për shumë ushtrime që i kryeni në shtëpi. Në 75Mall e gjeni topin më të lirë – 3.40 euro, por është i vogël, vetëm 20 cm diametër.

Top të madh fitnesi, më së liri e gjeni në Intersport. Kushton 7 euro dhe është i brendit Enegetics. Ofrohen disa ngjyra.

E nëse kërkoni diçka më profesional, atëherë në Gjirafa50, e gjeni topin Tiguar 15 kg të rëndë. Kushton 75.15 euro.

Litar fitnesi

Pajisje shumë e rëndësishme është edhe litari. Në treg gjeni me bollëk dhe më së liri një të tillë e ofron 75Mall. Kushton 3.40 euro dhe ofrohen disa ngjyra.

Në Intersport, litari Nike kushton 14.40 euro.

Gomë elastike

Një gomë elastike me dy dorëza është po ashtu pajijse që iu duhet, sidomos për zgjerim të krahëve. Më së liri e gjeni në 75Mall – 3.90 euro.

Pesha të ndryshme

Nëse stërviteni në shtëpi nuk do të thotë se nuk mund të çoni pesha. Në treg ka disa lloj peshash, e për shtëpi e ushtrime të ndryshme iu mjaftojnë peshat e vogla.

Në Gjirafa50, i gjeni peshat që lidhen për duar e këmbë teksa ushtroni. Pakoja i ka dy copë nga 1 kg dhe komplet kushtojnë 6.60 euro.

Në 75Mall, gjeni pesha që vihen në shtangë apo edhe me dorëz. Për shtangë kushton 6.90 euro dhe ka peshë 1.25 kg, kurse ajo me dorëz kushton 6.95 euro dhe ka peshë 2 kg.

Stol fitnesi

Nëse e keni ndërmend të zgjeroheni pak më shumë, atëherë ju duhet edhe një stol për stërvitje të shumta apo siç njihet fitness bench. Më së liri e gjeni në InterSport – 80.50 euro. Është e brendit Energetics.

Për më shumë lexoni në këto linqe: 1 dhe 2

Pagesa e qendrës së fitnesit, është vetëm hapi i parë për të nisur një rutinë më të shëndetshme.

Nëse vendosni t’i qaseni më seriozisht fitnesit, iu duhen edhe disa pajisje dhe platforma SaKushton ka analizuar e krahasuar çmimet e tyre në tregun online.

Bëhet fjalë për të tilla që nuk i gjeni në qendër fitnesi, krejtësisht personale, pasi të tjerat i keni paguar tashmë për t’i shfrytëzuar.

Dorëza fitnesi

Nëse kërkoni dorëza fitnesi për të mos dëmtuar shuplakat e duarve teksa ngrini pesha të mëdha, atëherë më së liri i gjeni në dyqanin online 75Mall.

Dorëzat LiveUp, i gjeni për 4.90 euro. Janë pa majën e gishtërinjve. Në këtë dyqan gjeni edhe disa lloje të tjera.

Ndërkohë, dorëza gjeni edhe në dyqane të tjera. Në Gjirafa50, dorëzat më të lira të fitnesit kushtojnë 12.85 euro. Janë të brendit Spokey dhe të hirta.

Fanellë për fitnes

Nëse kërkoni fanellë fitnesi, atëherë preferohet të jetë e gomës, meqë pambuku e përthith djerësen dhe mund t’ju shkaktojë ftohje.

Më së liri këto lloj fanellash i gjeni në Gjirafa50. Janë të brendit Tempish dhe ofrohen disa ngjyra. Çmimi për copë është 14.71 euro.

Nëse kërkoni brend më të njohur, atëherë e gjeni fanellën e Nike për 20.41 euro, po në Gjirafa50. Është ngjyrë e gjelbër, me mëngë të shkurtëra. E nëse dëshironi me mëngë të gjata, atëherë duhet të ndani 29.85 euro. Është Nike dhe ngjyrë hiri.

Gotë për fitnes

Dikush preferon të marrë ujin prej shtëpisë e dikush ka nevojë t’i tretë proteinat para stërvitjes. Për këtë, ju duhet një gotë e veçantë, mundësisht termike. Më së liri këtë lloj gote e gjeni në Gjirafa50. Me zbritje nga 39.10 euro tash kushton 29.09 euro. Është e brendit Contigo.

Çantë për fitnes

Ndër të tjera, ju duhet edhe çantë sportive për t’i bartur gjithë këto pajisje. Më së liri një çantë të tillë e gjeni në 75Mall. Është e brendit WorldPack, ngjyrë e zezë dhe kushton 6 euro me zbritje nga 12 sa ishte më herët.

Nëse kërkoni brend më të njohur, atëherë në Gjirafa50, gjeni çantën Nike për 23.07 euro. Është e kuqe me pak zi dhe me logon e brendit ngjyrë të bardhë.

Sot macja, qeni edhe apo edhe një kafshë tjetër shtëpiake, mbahet më shumë për dashurinë që kemi ndaj tyre sesa “për të ruajtur oborrin”. Andaj edhe ushqimi për ta është special, meqë shumëçka që konsumojnë njerëzit mund të jetë e dëmshme për këto kafshë.

Në tregun online mund të gjeni lloje të ndryshme të ushqimeve, me plot vitamina dhe platforma SaKushton ka analizuar e krahasuar çmimet e atyre për mace dhe qen.

Ushqim për mace

Ushqimin më të lirë për mace e gjeni në Gjirafa50. Është paketim 100 gramë, prodhim i firmës italiane Morando dhe është me mish viçi në përbërje – 5 për qind. Përmban edhe karrota të dehidratuara dhe derivate të tjera të mishrave. Kushton me zbritje 0.49 euro.

Po në Gjirafa50, gjeni edhe paketimin e Morandos me zemër viçi. Paketimi 100 gr kushton 0.68 euro.

Nëse kërkoni ushqim me bazë pulën, atëherë paketimi 405 gr kushton 0.87 euro.

Ka edhe ushqim në paketime më të mëdha, në thasë për shembull. Një thes ushqim i firmës Reflex, 2 kg kushton 7.55 euro. E gjeni në Gjirafa50 dhe është për kotele, maca të posalindura.

Ushqim për qen

Ushqimi më i lirë për qen, është ai i brendit Morando. Paketimi 405 gr kushton 0.87 euro. Është me bazë nga mishi i viçit, por ka më shumë drithëra e minerale.

Nëse kërkoni ushqim me zemër viçi, atëherë paketimi 150 gr, kushton 0.99 euro. Të gjitha i gjeni në Gjirafa50.

Gjeni lloje të ndryshme të ushqimeve, përfshirë edhe me salmon. Nëse dëshironi të shpenzoni më shumë, atëherë në Gjirafa50 e gjeni thesin me ushqim 15 kg, me bazë mishin e qengjit dhe orizin. Kushton 37.74 euro dhe është i brendit Reflex.

Për të parë më shumë, kliko KËTU

Botërori i futbollit nis të dielën në Katar dhe si ngjarje që zhvillohet çdo katër vjet, vërtetë ia vlen të shikohet në një televizor me shumë cilësi.

Zgjidhje ka si asnjëherë më parë, me shumë dyqane që kanë bërë zbritje sa për këtë ngjarje aq edhe për Black Friday, që shënohet më 25 nëntor.

Platforma SaKushton ka krahasuar çmimet e tyre.

Me një klikim në faqen SaKushton mund të gjeni televizor edhe për 187 euro apo pak më shumë, por janë me diametër të vogël dhe firmave jo shumë të njohura.

Televizorin më të lirë me diametër relativisht të madh, 43 inch, e gjeni në Aztech. Televizori Philips, full HD dhe Smart kushton 299 euro. Është me zbritje, pasi çmimi i rregullt është 429 euro.

Në PemaMall, televizorin më të lirë me diametër të ekranit 43″ e gjeni atë të brendit kroat që prodhohet në Kinë, Vivax. Kushton 315 euro me zbritje dhe është ultra high resolution. Çmimi i rregullt është 415 euro.

Në Gjirafa50, televizori më i lirë është ai i brendit Sharp. Është i zi, me ekran 43″ dhe kushton me zbritje 337 euro. Çmimi i rregullt është 434.50 euro.

Një preferencë bazuar në çmimiin dhe cilësinë e produktit mund të jetë televizori Samsung me ekran 50″. Nga 539 euro, me zbritje mund ta blini për 399 euro. E gjeni në Aztech.

E ata që kanë dhe duan të shpenzojnë shumë më shumë, ta bëjnë dhomën kinema, ofrohen disa televizorë dhe kushtojnë mbi 3.000 euro.

Për shembull, në Aztech e gjeni televizorin Samsung 65 inch, me cilësi 8K dhe QLed. Nga 3.999 euro, me zbritje e gjeni për 3.199 euro.

Në Gjirafa50, gjeni televizorin më të shtrenjtë. Është Sony me ekran 75″ dhe kushton 3.449 euro, me zbritje. Çmimi i rregullt është 3.881.30. Është UHD, 4k.

Për të zbuluar më shumë nga ofertat, kliko KËTU

Kushti i parë që duhet plotësuar punëtorëve, është veshja dhe mbathja e tyre, sidomos nëse kanë të bëjnë me punë të rrezikshme ose të pisët. Pra duhet një uniformë dhe në tregun online gjeni dhjetëra llojë të xhaketave, pantollonave e këpucëve të punës.

Platforma SaKushton ka analizuar e krahasuar çmimet e tyre.

Xhaketë punë

Xhaketën më të lirë për punë e gjeni në PemaMall. Kushton 10.10 euro dhe është e brendit Port Louis. Është ngjyrë hiri me disa xhepa dhe me jakë.

Në këtë dyqan, për 17 euro gjeni xhaketa që mbrojnë nga fryma dhe ofrohen disa lloj ngjyrash.

Xhaketën më të lirë në Gjirafa50 e gjeni atë të brendit Yato, ngjyrë hiri për 20 euro. Janë edhe disa ngjyra të tjera, kryesisht të mbyllta. Në këtë dyqan gjeni edhe xhaketën më të shtrenjtë. Është e brendit Lahti Pro me shirit vezullues. Kushton 70.85 euro. (Për më shumë kliko KËTU)

Pantollona pune

Pantollonat e punës më të lira i gjeni në PemaMall. Janë ngjyrë hiri me kombinime të ndryshme, me shumë xhepa dhe kushtojnë nga 17 euro. Janë të brendit New.

Në Gjirafa50, pantollonat më të lira janë ato të brendit Yato. Janë me rripa dhe kushtojnë 20 euro.

Në këto dy dyqane gjeni me dhjetëra lloje të pantollonave të punës, të brendeve e për profesione të ndryshme.

Pantollonat më të shtrenjta të punës i gjeni në Gjirafa50. Janë Lahti Pro, ngjyrë portokalli me shirita të hirtë poshtë te këmbët. Kushtojnë 68.09 euro. (Për më shumë kliko KËTU)

Këpucë pune

As për këpucë punë oferta nuk mungon. Ka shumë lloje, duke nisur nga 14.50 euro. Me këtë çmim mund t’i merrni këpucët BGS në Gjirafa50, ngjyrë hiri dhe të thella me lidhëse.

Në PemaMall, këpucët më të lira për punë kushtojnë 15 euro. Janë të brendit Bormann, ngjyrë hiri e kombinuar me të kaltër dhe të thella.

Këpucët më të shtrenjta të punës janë ato Lahti Pro, që i gjeni në Gjirafa50. Janë të shkurtëra – standarde dhe ngjyrë hiri, me një pjesë plastike përpara si mbrojtje. Kushtojnë 63.73 euro. (Për më shumë kliko KËTU)

Nëse ka ardhur i ftohti, mos iu frikësoni bluzave. Pos atyre me mëngë të shkurtra, gjeni edhe shumë lloje me mëngë të gjata e të brendeve të ndryshme.

Natyrisht, nëse kërkoni diçka më kualitet, atëherë ndani të paktën 10 euro.
Dhe bluza më e lirë mbi këtë çmim është ajo në Gjirafa50. Është më mëngë të shkurtëra, e zezë dhe e brendit Jack&jones. Kushton 12.99 euro.

Në PemaMall, për 15.30 euro ofrohen bluza më mëngë të gjata të brendit Hede. Janë me patent, jakë të shkurtëra dhe ofrohen dy ngjyra: e zezë dhe e gjëlbër. Në këtë dyqan gjeni edhe bluza sportive me mëngë të gjata. Ajo e brendit Performance kushton 27.50 euro, kurse ajo Nike 28 euro. Janë njëngjyrëshe – zi dhe kaltër.

Në Intersport gjeni po ashtu bluza sportive. Janë të brendit Under Armour dhe kushtojnë nga 35 euro. Ofrohen disa ngjyra.

Bluzën më të shtrenjtë për meshkuj në tregun online e gjeni në PemaMall. Bluza më mëngë të gjata e brendit Masita kushton 43.50 euro. Vjen ngjyrë e kuqe e kombinuar më të kuqrremtë.

Ka zgjidhje edhe për femrat. Në Gjirafa50 mund të porositni bluzë më mëngë të shkurtëra të brendit Puma me çmim 25 euro. Është komplet e bardhë dhe ka logo të madhe me ngjyrë të zezë. Në këtë dyqan gjeni edhe bluza Nike, Adidas dhe të brendeve të tjera.

Në Gentli, gjeni bluzat më të shtrenjta. Janë ato të brendit Steve Maden, që kushtojnë nga 79.90 euro. Ofrohen ngjyrat: e zezë dhe rozë.

Për të parë më shumë, kliko KËTU

Kur u prezantua Iphone 14, më 7 shtator, u dha edhe çmimi për tregun e SHBA-së, e që nis nga 799 dollarë e tutje.

Iphone 14 ka mbërritur edhe në Kosovë, po jo me këtë çmim. Nëse këkoni celular te shitësit e autorizuar, që ju ofrojnë dy vjet garancion për produktin, atëherë duhet të ndani mbi 1500 euro.

Iphone 14 më i lirë, me garancion 2-vjeçar mund të blihet në Neptun. Kushton 1549 euro dhe ofrohet në katër ngjyra: ari, argjend, zi dhe vjollcë.

Ka ekran 6.1 inch, me material Super Retina, kamerë të pasme 48 MP – 12 MP dhe të përparme 12 MP + SL 3D. Ka 6 GB Ram memorje dhe 128 GB memorje të brendshme.

Nëse kërkoni Iphone 14 Pro, atëherë duhet të ndani 1699 euro. Ofrohen të njëtat ngjyra, sikurse tek ai standrad, por me 256 GB memorje të brendshme. Kamerat dhe specifikat tjera janë të njëjta.

I njëjti model, por me 512 GB memorje të brendshme kushton 1999 euro. Në dispozicion janë të katër ngjyrat.

Për 1729 euro mund të porositni Iphone 14 Pro Max me 128 GB memorje të brendshme.

Dhe, Iphone 14 më i shtrenjtë në Neptun, është 2299 euro. Bëhet fjalë për Iphone 14 Pro me 1 TB memorje të brendshme.

Shitësi, pra Neptun, për të gjitha këto produkte ofron garancion 2-vjeçar.

Për të parë më shumë specifika, kliko KËTU

Sot, koha është ar. Dhe për ta shfrytëzuar atë apo për ta gjetur kur nuk e keni, është diçka që i duhet çdokujt.

Jo pak kohë merr edhe gatimi. Sot ua prezantojme tenxheret elektrike e disa prej tyre janë edhe inteligjente. Pra edhe më i lehtë bëhet gatimi.

Si funksionon kjo? I fusni zarzavatet që dëshironi, apo mishin dhe e programoni të lëshohet në kohën kur ju dëshironi, në mënyrë që gjella të jetë e nxehtë kur ju të arrini në shtëpi. Këtë, te tenxheret inteligjente mund ta bëni edhe nga largësia përmes Wi-fi.

Tenxherja më e lirë që është automatike, por jo inteligjente, pra mund të programoni dhe ajo të kryejë punën sipas urdhrave tuaj është në PemaMall. Është e brendit japonez Sencor dhe kushton 35 euro. Është realtivisht e vogël me vëllim, 0.6L.

Në Gjirafa 50, e gjeni tenxheren Sencor 1.5 L, ku mund të gatuani edhe me avull, si për shembull orizin. Është prej inoksi dhe ka disa programe. Kushton 48.21 euro.

Nëse kërkoni tenxhere elektrike dhe inteligjente, aëherë duhet të ndani më shumë para. Në PemaMall mund të porositni tenxheren Philips, që me zbritje vjen 194 euro.

E në Gjirafa50, tenxherja inteligjente MPM kushton 504.84 euro. Mund të programoni kohën kur të nisë gatimi, sa të zgjasë ai, apo edhe të përdorni programet e veçanta për gjellëra dhe tenxherja do të ndalojë vetë kur të jetë gati. Po ashtu mund ta aktivizoni nga largësia, si ta ndizni apo edhe ta fikni.

Për të parë më shumë, kliko KËTU

Rubrikë e veçantë në platformën SaKushton është edhe ajo për produktet më të kërkuara. Varësisht nga kërkimi, selektohen produktet dhe sot ua sjellim 10 produktet më të kërkuara me çmimin më të lirë.

Zakonisht produktet më të kërkuara janë ato ushqimore, por ka edhe nga të tjerat. Si shembull një pako interneti plus kablovik, që kompanitë e promovojnë si Premium.

Më së liri e gjeni në Art Motion e Kujtesa, 24.99 euro, derisa në Ipko pakoja premium kushton 33.60 euro. Të dy kompanitë ofrojnë nga dy resivera, por kanale e shpejtësi interneti të ndryshëm.

Kliko KËTU për më shumë

Ndër produktet më të kërkuara rezulton edhe qumështi Vita. Më së liri paketimin 1L e gjeni në Maxi Market – 1.15 euro, në E-Baa 1.27 euro, kurse në Spar 1.29 euro.

Kliko KËTU për më shumë

Nëse kërkoni pije energjike Red Rain në kanaçe 250 ml, atëherë më së liri e gjeni në Spar – 0.39 euro, e në Maxi Market ky produkt kushton 0.45 euro.

Kliko KËTU për më shumë

Ndryshim i madh i çmimi vërehet te limoni. Më së liri e gjeni në E-baa – 1.06 euro kilogrami. Në Maxi Market mund ta blini për 1.75 euro, kurse në Spar për 1.99 euro.

Kliko KËTU për më shumë

Po deshët të freskoheni me Coca Cola, atëherë më së liri mund ta blini në Maxi Market. Shishja me vëllim 1.25 L kushton 0.99 euro. Në Begmart, e njëjta shishe kushton 1.02 euro, kurse në E-baa 1.06 euro.

Kliko KËTU për më shumë

Pa supë nuk bën të niset dita. Dhe nëse jeni adhurues i supës së gjelit të Podravkas, atëherë më së liri e gjeni në Maxi Market – 0.39 euro. Të njëjtën supë në Begmart e gjeni për 0.54 euro. Pra 15 centë më shtrenjtë.

Kliko KËTU për më shumë

Keni vendosur të blini krem lajthie Nutella? Atëherë më së liri e gjeni në Maxi Market. Kavanozi me peshë neto 200 gr kushton 2.29 euro. Në E-Baa kushton 2.30 euro, kurse në Begmart 2.59 euro.

Kliko KËTU për më shumë

Pak për higjienë. Produktin Domestos 750 ml bindshëm më së liri e gjeni në Begmart, 1.64 euro. Në Maxi Market kushton 2.14 euro, kurse në E-baa 2.45 euro.

Kliko KËTU për më shumë

Në treg edhe vezët kanë dallim të madh në çmim. Derisa kompleti me 30 copë vezë po sillet rreth 4 euro, në Spar mund ta blini për 2.69 euro. Në Maxi Market një komplet vezë kushton 4.29 euro.

Kliko KËTU për më shumë

Dhe pak edhe nga teknologjia. Nëse jeni në kërkim të një Apple MacBook Pro, atëherë më së liri e gjeni në dyqanin Kejes. Kushton 1.599 euro. Në e-Gjeta, i njëjti kushton 1.989 euro. Performancat i kanë të njëjta: 13 inch, 512 GB dhe 8 GB Ram.

Kliko KËTU për më shumë