Reçel kumbulle, dredhëze, mjedre, kajsie, portokalli, qershie, pjeshke, fiku, boronice apo frutave të malit. Me ose pa sheqer shtesë? Në tregun online keni zgjidhje pa fund nëse jeni meraklinj të reçelit.

Platforma SaKushton ka analizuar e krahasuar çmimet e tyre.

Reçelin më të lirë e gjeni në Spar. Është i dredhëzës, në kavanoz 450 gr dhe kushton 1.69 euro. Për 10 centë më shumë, në këtë market gjeni edhe reçelin e mjedrës. Të dy llojet janë me sheqer shtesë.

Reçel gjeni edhe në Begmart. Ofrohen ato të brendit Zuegg, të gjitha pa sheqer shtesë. Më i liri kushton 2.52 euro dhe është në kavanoz plastike me peshë 220 gr. Është nga kajsia.

Për këtë çmim, në Begmart mund të porositni edhe reçelin e portokallit, qershisë, pjeshkës dhe dredhëzës.

Pak më shtrenjtë, për 2.64 euro e gjeni reçelin e frutave të pyllit.

Ky brend ofron edhe reçel me peshë 330 gr. I qershisë kushton 2.64 euro, i fikut 2.76 euro, aq sa kushton edhe ai i frutave të malit 2.76 euro.

Për të parë më shumë, kliko KËTU

Sado që hovi i inflacionit është ndalur paksa, çmimet e produkteve bazike ushqimore vazhdojnë të jenë të larta, sidomos nëse i krahasojmë me një periudhë jo shumë të largët.

Një tekst për produktet bazike të shportës, mund ta lexoni KËTU dhe është botuar më 17 janar 2023. Këtu mund të vërehet se secili produkt kushton më shtrenjtë.

Mielli, në paketim 1 kg më së liri mund të blihet në Spar. Është i brendit Finnesa, tip-400 dhe kushton 0.99 euro. Më herët, ishte 0.70 euro.

Kripa më e lirë tash mund të porositet në Begmart. Paketimi i Tuzllës, 1 kg, kushton 0.52 euro, ndërkohë në fillim të vitit më së liri mund të blihej për 0.44 euro.

Sheqeri më i lirë tash kushton 1.12 euro, është i brendit Agrokor dhe vjen në paketim 900 gr. Në fillim të vitit kjo peshë mund të blihej për 1.09 euro.

Vaji vazhdon të ketë luhatje. Në ca vende e gjeni shumë lirë me aksion e në disa shumë shtrenjtë. Në tregun online, më së liri e gjeni vajin Zade, në marketin Begmart dhe litri kushton 2.94 euro. Në fillim të vitit, shishja me 905 ml mund të blihej për 1.89 euro.

Orizi më i lirë tash mund të porositet në 75Mall. Paketimi 800 gr i brendit Sant Andrea kushton 1.40 euro. E njëjta peshë, në fillim të vitit mund të blihej për 1.15 euro.

Fasulja e bardhë, po ashtu ka shënuar rritje të madhe të çmimit. Paketimi 700 gr, në Spar mund të porositet për 2.79 euro. E në fillim të vitit, paketimi më i madh – 800 gr, mund të blihej për 2.19 euro.

Detergjenti. Ai për enë tash më së liri mund të blihet për 0.99 euro në Spar. Është gjysmë litre dhe me aromë limoni. E detergjenti për rroba më së liri kushton në Begmart. Është i brendit Bioaktiv, 3 kg dhe kushton 3.99 euro. Në fillim të vitit, paketimi 3 kg, po në Begmart, kushtonte 3.39 euro.

Në janar, këto produkte do të mund të bliheshin për 10.85 euro, kurse tash për 13.75, apo plot 2.9 euro më shumë. Në përqindje i bie rritje për 26.8 për qind.

Për ngrohësen elektrike kemi shkruar edhe herë të tjera, por nuk është e tepërt as tash, pasi që çmimet kanë lëvizur shumë, e natyrisht edhe llojet mund të jenë të tjera.

Bëni mirë të blini një ngrohëse të vogël sa për të shtyrë edhe për pak ditë aktivizimin e ngrohjes, çfarë do qoftë ajo.

Në tregun online ka shumë lloje dhe platforma SaKushton ka krahasuar çmimet e tyre.

Ngrohësen më të lirë e gjeni në dyqanin Aztech. Është nxehëse elektrike e brendit Anna, me katër tela ngrohës dhe me 1600 vat fuqi. Kushton 24.99 euro. Për këtë çmim gjeni edhe një nxehëse infrared të vogël, të brendit Hugo, me një tel.

Për 29.99 euro, në Aztech gjeni edhe një nxehëse panel, njëlloj radiatori. Është e brendit Anna dhe ka 1500 vat fuqi.

Nxehësja më e shtrenjtë në këtë market mund të blihet për 69.99 euro. Është nxehëse muri, ngjitet njëlloj si klima dhe ka fuqi 2000 vat.

Nxehëse gjeni edhe në dyqanin online 75Mall. Më e lira në këtë market kushton 39.90 euro. Është nxehëse me konvektor, e brendit Iskra. Për këtë çmim mund të zgjidhni edhe lloje të tjera.

Për të parë më shumë, kliko KËTU dhe KËTU

Pasta e dhëmbëve nuk është thjeshtë preparat për pastrimin e tyre. Ka shumë rëndësi të jetë e mirë dhe me ekstrakte bimore, sidomos ata që vuajnë nga paradentoza, humbje e mishit të dhëmbëve.

Në tregun online gjeni lloje të ndryshme të pastave dhe platforma SaKushton ka analizuar e krahasuar çmimet e tyre.

Pasta më e lirë mund të porositet në dyqanin online Begmart. Ajo e brendit Colgate, linja MaxFresh me 100 ml kushton 1.99 euro.

Në Begmart gjeni edhe pastën AquaFresh, brend francez. Fisheku me 125 ml kushton 2.25 euro.

Në Spar, gjeni pastën Lacalut Sensitive. Është e preferueshme për ata që vuajnë nga paradentoza. Pasta ka 75 ml dhe kushton 3.39 euro.

Pasta me ekstrakte bimore gjeni në marketin online 75Mall. Më e lira kushton 4.95. Me këtë çmim ofrohen disa lloje të brendit turk Eyup  Sabri Tuncer. Pastat vijnë me ekstrakte të karafilit, xhenxhefilit, gëzhojat e arrës dhe mentës. Fisheku ka 90 ml.

Pasta më e shtrenjtë e këtij brendi kushton 5.90 euro dhe është nga ekstrakti i bambusit, i aktivizuar me karbon.

Për të parë më shumë, kliko KËTU

Shower gel apo shampo trupi, ka rëndësi të jetë i mirë. Aroma e tij ju shërben edhe si një parfum në trupin tuaj.

Nëse keni mundësi shmangni shampot që janë nën 2 euro dhe koncentrohuni në ata me aroma të ndryshme, por edhe përbërës që janë të vlefshëm për lëkurën e trupit.

Në tregun online gjeni disa lloje dhe platforma SaKushton ka analizuar e krahasuar çmimet e tyre.

Shampon më të lirë mbi çmimin e përcaktuar, e gjeni në dyqanin online 75Mall. Është i brendit japonez Miniso, mban aromë qershie dhe është i pasuruar me ekstrakt të gjetheve Sakura si dhe me Vitaminë E. Shishja me 250 ml kushton 2.99 euro.

Shampo trupi gjeni edhe në Begmart. Më i liri kushton 9.90 euro dhe është i brendit italian L’Erbolario, me lule të irisit. Shishja ka 250 ml dhe përbërësit e tij janë: Amino acide të grurit, proteina të hidrolizuara të bajameve të ëmbla, sipërfaqe e aktivizuar e vajit të bajameve, ekstrakt i lëngshëm i Irisit dhe lule Marsh Mallow.

Në këtë dyqan gjeni edhe disa shampo të tjerë të veçantë. Për 11.50 euro mund të porosisni shower gelin e brendit italian Fior di Salina me kripë deti. Shishja ka 250 ml dhe sipas përshkrimit, kjo formulë merr përbërësit më të pasur që rriten afër detit, duke e bërë lëkurën tuaj të freskët, të butë dhe t’i japë  ndjesi të veçantë. Përmban aromë uji dhe agrume.

Për të parë më shumë, kliko KËTU

Ka shumë brende të erëzave, por është një i veçantë – Kotanyi. Brendi u themelua para 142 vjetëve në Vjenë dhe pronari në fillim shërbente vetëm në Perandorinë austro-hungareze.

Sot nën emrin e këtij brendi prodhohen rreth 4500 produkte, prej tyre rreth 600 janë erëza.

Ky brend, ka kohë që është i pranishëm edhe në tregun e Kosovës.

Platforma SaKushton ka analizuar e krahasuar çmimet e tyre.

Erëzat më të lira i gjeni në 75Mall. Majdanoz i grirë, 7 gr, në kavanoz qelqi, pastaj origano – 12 gr dhe erëza për mish të pulës 110 gr, i gjeni për 1.50 euro copën.

Xhenxhefilin e grirë e të thatë, me peshë 38 gr, në këtë market online mund ta porosisni për 1.60 euro. E hudhrën e grirë e të përzier me biber të zi, me peshë 70 gr, e gjeni për 2 euro.

Erëza më e shtrenjtë e këtij brendi, është biberi i zi kokërr. Kavanozi vjen me mullirin e vet dhe kushton 2.75 euro. Pesha e biberit është 36 gr.

Për të parë më shumë, kliko KËTU

Kuti plastike me kapak, është zgjidhje për gjithçka. Njihen ndryshe edhe si kuti magazinimi, pasi në to mund të lini nga ushqimi, lodrat, pajisjet e punës, e deri tek rrobat. Pra ka edhe kuti të sheshta që mund t’i fusni rrobat dhe pastaj atë ta fusni nën shtrat, për shembull.

Platforma SaKushton ka analizuar e krahasuar çmimet e tyre në tregun online.

Kutinë plastike më të lirë e gjeni në Jysk. Është me plastikë “të zier”, me thurje si gardh dhe ka ngjyrë hiri. Dimensionet e saj janë 12x16x10 cm dhe kushton 3 euro.

Në 75Mall, kutinë plastike me kapak më së liri e gjeni për 3.90 euro. Është material i tejdukshëm, ka një dorëz për ta kapur dhe mund t’ju shërbejë edhe për t’i lënë pajisjet e punës.

Në këtë dyqan gjeni edhe kuti plastike për lodra. Janë kuti me ngjyrë të kaltër dhe me figura të ndryshme të personazheve filmike për fëmijë. Copa kushton 4.5 euro.

Kutia për magazinimin e rrobave, më së liri mund të blihet në Jysk. Është e tejdukshme dhe kushton 5 euro.

Një më e madhe, po për rroba, në Jysk është edhe kutia më e shtrenjtë e plastikës. Kushton 10 euro.

Për të parë më shumë, kliko KËTU

Janë disa gjëra pa të cilat thuajse nuk bën fare. Një prej tyre janë edhe çorapet. Duhet mbathur thuajse në çdo ditë të vitit, pos nëse vendosni të dilni me papuçe apo sandale.

Në tregun online ka shumë lloje të çorapeve, nga të lirat deri tek ato që janë të brendeve të njohura.

Platforma SaKushton ka analizuar e krahasuar çmimet e tyre.

Çorapet më të lira i gjeni në marketin online 75Mall. Seti me tri palë çorape, të gjata pak mbi zogun e këmbës, kushtojnë 1.30 euro. Ofrohen me ngjyrë të zezë e të bardhë dhe janë me zbritje, pasi çmimi i rregullt është 1.99 euro. Janë të brendit Medio Base, por nuk specifikohet se çfarë materiali janë.

Në Intersport ka po ashtu shumë zgjidhje, por janë më kualitet, të brendeve të njohura dhe natyrisht më të shtrenjta.

Çorapet më të lira në këtë dyqan janë 6.40 euro. Vijnë tri palë, janë të bardha, 100 për qind pambuk dhe të brendit Running. Janë të gjatësisë normale. Edhe këto janë me zbritje.

Çorapet e Adidasit i gjeni për 8 euro me zbritje nga 10 euro. Po ashtu kompleti i ka 3 palë.

Gjeni edhe çorape për fëmijë të brendit Nike, linja Air Jordan. Janë tri ngjyra dhe me zbritje kushtojnë 9.60 euro nga 12 euro sa është çmimi i rregullt.

Çorapet më të shtrenjta, i gjeni po në Intersport. Janë të brendit Nike, për të rritur. Kompleti i ka tri palë dhe të gjitha janë të zeza. Me zbritje, nga 17 euro, mund t’i porosisni për 13.60 euro.

Për të parë më shumë, kliko KËTU

Kemi shkruar për shumë pajisje që na duhen në kuzhinë. Për tenxhere ekspres, mikrovalë e shumëçka. Por ka një pajisje që mund të kryejë shumë punë e të zëvendësojë disa pajisje.

Është multicooker. Është i ngjashëm me një tenxhere ekspres, por i digjitalizuar i gjithi. Madje, në të janë edhe shumë receta të programuara.

Në të mund të përgatisni lloje të ndryshme të gjellëve, të mbani gjellën e ngrohtë pasi të përgatitet ajo, por edhe ta kurdisni që përgatitja të nisë në kohën kur ju dëshironi. Për shembull, një orë para se të ktheheni në shtëpi nga puna.

Gara e kompanive sot, lidhur me multicookerin, është kush po nxjerr pajisje me më shumë operacione.

Platforma SaKushton ka analizuar e krahasuar çmimet e tyre në tregun online.

Multicookeri më i lirë mund të porositet në marketin 75Mall. Kushton 69.90 euro me zbritje. Çmimi i rregullt është 99.90 euro. Pajisja është e brendit Gorenje, ka 15 programe dhe fuqi 1000 vat. Ena kryesore është prej inoksi dhe ka vëllim 6 litra.

Shumë më tepër multicooker gjeni në Neptun. Multicookeri më i lirë është ai i brendit Philips. Kushton 139 euro, ka vëllim të enës 5 litra dhe plot 60 programe. Pra mund të përgatisni shumë më tepër gjella.

Multicookeri më i shtrenjtë, po ashtu mund të porositet në Neptun. Është i brendit Tefal dhe kushton 319 euro, por nëse keni kartelën Happy, mund ta blini për 269.99 euro. Ka 150 receta të paraprogramuara, ndër të tjera.

Për të parë më shumë, kliko KËTU

Jeni në kërkim të një mbulese për tavolinën e bukës? Në treg ka shumë zgjidhje. Gjeni mbulesë dekorative, që zakonisht është e vogël dhe mbulesë për komplet tavolinën.

Platforma SaKushton ka analizuar e krahasuar çmimet e tyre.

Mbulesën më të lirë e gjeni një të vogël me dimensione 33×42 cm. Shërben për ta vënë nëse vendosni të hani vetëm bukë në tavolinë, sa për të mos përlyer mbulesën e madhe. Është nga najloni dhe kushton 1.50 euro.

Në këtë dyqan gjeni edhe mbulesa dekorative, që zakonisht janë rrumbullake ose kënddrejtë. Nga 1.50 deri në 2 euro gjeni disa lloje.

Më së liri në Neptun, një mbulesë e madhe me dimensione 140×120 cm, kushton 13 euro. Është ngjyrë hiri e çelët dhe e punuar prej pambukut.

Mbulesa e madhe, më e shtrenjta në këtë dyqan, kushton 27 euro. Është po ashtu me dimensione 140×120 cm dhe prej pambuku. Është ngjyrë bezhë.

Mbulesa gjeni edhe në 75Mall. Mbulesa më e lirë, është një e madhe me dimensione 150×220 cm. Me zbritje nga 12.90 euro mund ta porosisni për 2.98 euro.

Mbulesën më të shtrenjtë, 75Mall e ofron për 9.90 euro. Është dy-shtresore, najlon sipër e material përfundi për të mos rrëshqitur. Ka dimensione 140×180 cm.

Për të parë më shumë, kliko KËTU